رفقاً بالقوارير
رفقاً بالأطفال
رفقاً بالأجيال
رفقاً بالمجتمع
رفقاً بالقلوب
عرض للطباعة
رفقاً بالقوارير
رفقاً بالأطفال
رفقاً بالأجيال
رفقاً بالمجتمع
رفقاً بالقلوب
للأسف يا انسة نور رجوعهم لبعض اصبح المستحيل بعينة
القصة ديه من 3 سنوات والولد تزوج من زوجة صالحة وربنا كرمه منها بطفل بالاضافة ان البنت كلما ظهر منها بادرة احترام تراجعت عنها بسرعة البرق بمجرد معرفة امها بها
ربنا يهدى العاصى
نصيحة لكل زوجة
لزوجك الحق وكل الحق ان يأمرك كيفما شاء وقتما شاء
بمجرد زواجك يجب ان تعرفى معنى كلمة زوجة - أم - اسره
بمجرد زواجك اصبحت جزء لايتجزأ من عائلة زوجك وفعليا اصبحتى اقرب لهم من اهلك (انتى شايله اسم جوزك واسم اهله)
الحياه مليئة بالمشاكل والمحن والطلاق ليس حل على الاطلاق
ان تحصلى على لقب عانس افضل الف ممره من لقب مطلقة او ناشز
ارجعى للدين قبل اى شئ وحافظى على اسرتك كما تحافظى على حياتك
الحب سواء للزوج او الابناء ليس كلام فقط انما هو فعل وتضحية
نصيحة لكل زوج
اذا اردت ان تطاع فأمر بما يستطيع
لا تسمح لزجتك بالتفكير حتى فى تلك الحلول (بالحسنى وليس بالقهر)
اذا كنت تتصور انك تعمل الكثير فأن زوجتك تعمل الكثير والكثير والكثير
نبرة الكبر والتعالى انما اساسها نقص شديد فلا تحمل الاخرين بعيوبك
أمك ثم أمك ثم أمك
برجاء ملاحظة ايضا ان زجتك هى ام
قبل عمل اى شئ يعتبر اهانة لزوجتك توقع نفس الشئ لأمك ولأختك اذا كنت ترضاه لهما فلتبدا بعملة مع زوجتك
للزوج والزوجة معا
ليس الزواج حرب وفرض للسيطرة
ليس كل دور الزواج تنفيذ طلبات الزوجة المادية
ليس كل دور الزوجة تنفيذ ما يطلبه الزوج منها
الى كل اخوتى تعاملوا مع الزواج على ان تجارة كلما تابعتوها ورعتوها كلما زادت وكبرت / هل يمكنك اهانة عميل لديك / اذا كان عندك وقتك فانك تستثمرة فى مشروعك وتجارتك / اذا كان عندك أموال فانك تستثمرها فى مشروعك وتجارتك /اذا كنت تستطيع التضحية بعمرك من اجل حلم حياتك فانك تستثمرة فى مشروعك وتجارتك
لا تنسوا المودة والرحمة
مراعاة الله فى كل صغيرة وكبيرة بينكم
تذكرت كلمة البنت كانت بتقولها دائما
انا لو لفيت الدنيا مش هالاقى راجل زيه
والولد كان بيقول ان بسبب ان البنت بعدت عنه صحته ادهورت وانه تقريبا مش بينام غير 3 ساعات فقط يوميا
سبحان الله العظيم / الكبر بيودى فى داهيه
ارجو ان مفيش حد من الاطراف يقرأ الكلام بتاعى / كل الكلام ده اتكتب لسبب واحد لو مش عارفين نصلح اللى اتكسر على الاقل نحافظ على اللى فى ايدينا ونعلم غيرنا يحافظوا على اللى فى ايديهم
الف شكر على الموضوع الجميل يا اخت نور ..والواحد استفاد منه ومن ردود الاخوه الافاضل وربنا يبعد عنا كلنا المشاكل دى
انا ليا 2 اصحابى حصل معاهم مشاكل مع زوجاتهم وللاسف انتهت المشاكل بالطلاق وكل واحد تقريبا قعد متجوز سنه ونصف بس وكل واحد منهم ربنا رزقه بطفل بس للاسف الاسره اتفككت والاتنين مش عارفين يشوفوا اولادهم وفيه حرب طاحنه بين الطرفين فى المحاكم كالعاده .. الواحد لما ييجى يشوف الموضوع ده بيتخيل يعنى الحب اللى كان بينهم ده راح فين ... يعنى اكيد وهما مخطوبين كان فيه لحظات رومانسيه وحب وهيام بين الطرفين راح فين كل ده ولا هوا كان سؤ اختيار فى اول الامر ولا الطرفين كانوا معتقدين ان الجواز حاجه تانيه ومش هايبقى فيه مشاكل ولا تفاهم متبادل واحساس بمشاعر الطرف التانى ... ربنا يهدى الجميع ويبعد عننا المشاكل
اولا شكرا على الموضوع الممتاز
انا ليا وجهة نظر مختلفة شويه هى المشكلة فى نظرى مش فى الطلاق نفسة لان الجواز زى المشروع نسبة النجاح ونسبة الفشل متساوين
المشكلة ان لما بيحصل طلاق كل واحد بيحاول ينتقم بالقانون من الطرف الاخر وكل واحد منهم بيلاقى الاصدقاء والمعارف بيولعوها وكل واحد عارف طريقة قذرة فى القانون بيدل صاحب المشكلة علشان يعملها
حضرتك حاليا لو لحظتى اى اتنين مطلقين حضرتك بتلاقى الزوج بيروح يتجوز عالطول لية ؟؟؟؟؟؟؟؟
علشان مراتة الجديدة ترفع علية قضية نفقة فمراتة وطليقتة تشترك فى النفقة وطليقتة متخدش منة فلوس كتير اهى دى طريقة معروفة لاانتقام الزوج من طليقتة
انا شايف ان المشكلة هى بعد الطلاق كل واحد من الطرفين بيحاول ينتقم من التانى وبيستخدم الاطفال لو فى وبينزلوا طحن فى المحاكم قدام بعض وتوديلة اعلان على الشغل بالقضية علشان تفضحة قدام زمايلة وحاجات كتيرررر والنتيجة اطفال محطمة نفسيا ومعقدين من الجواز
بارك الله فيكم على هذا الموضوع الهام والرائع
اللهم اهدينا جميعا لما فية الخير
طبعا فى ناس كتير معرضة للموضوع دة مش فى مصر بس فى العالم كلة ارتفعت نسبة الطلاق بشكل خرافى لان انت بتعمل الى عليك بتختار المحترمة المناسبة لك تعليميا وماديا ومتدينة بس الاستمرار دة حاجة مش مضمونة
محدش بيعرف دة غير بعد متخلص المشاكل الغضب والانتقام من الطرف الاخر بيغمى العيون عن الحقيقة وبياسى القلباقتباس:
والاعجب ان كل الاطراف بيبقوا عارفين انهم هايخسروا فى النهاية ومفيش حد هايكسب
كل طرف فيهم بيحاول ينتقم من الطرف التانى ويخلية يلف فى المحاكم والمحامين من الاخر يعكنن علية ويقرفة
وعلى فكرة المنطق دة منطق الانتقام موجود فى جميع طبقات المجتمع واسال اى موظف فى محكمة او محامى وهو ياكد الكلام دة
حضرتك فى مقولة دايما بنقولها (أبدأ من حيث أنتهى الاخرون)
لكن دايما فى المواضيع ديه بتبقى أبدا من حيث بدأ الاخرون
حضرتك بتقول ان الاطراف بتكتشف ده بعد فوات الاوان
من وسط 20000 حالة لو سألتهم عن الكسبان فى النهاية مين اعتقد ان بنسبة 99.99% هيكون الرد ولا حد / يمكن تكون خسارة طرف اكبر من خسارة الطرف التانى لكن فى النهاية خسارة للطرفين - يبقى مع التاريخ العامر بالفشل فى النقطة ديه لازم ناخد بالنا
فى حاجة برضو حضرتك لو فيه خلاف نشأ بين زوجين وانفصلوا بهدوء وبما يرضى الله احتمال رجوعهم لبعض كبييييييييييييييييييييييي يييييير جدا
لكن بمجرد دخول المحاكم وتبقى ادق تفاصيل حياتك مشاع للجميع وطبعا كدب المحاميين اللى مش بيعرفوا يعملوا حاجة غيره فعلا بيسبب شرخ عميق جدا بين الطرفين واعتقد بيكون شبة مستحيل انه يتنسى او يتصلح
هى دى اصل المشكلة ان الغالبية بينفصلوا عن طريق المحاكم والفضائح دى مافيهاش اختلاف ان لو اتنين انفصلوا فى هدوء ممكن فى يوم يرجعوا لبعض وحتى لو مرجعوش لبعض الاولاد ممكن يتربوا بينهم ومحدش هيحاول يطلع الطرف التانى وحش وكداب يعنى هيعيشوا حياة شبة سوية انما لما توصل مشاكلهم للمحاكم عمرهم ماهيفتكروا حاجة حلوا لبعض هيفتكروا المحاكم والمحضرين وكدةاقتباس:
فى حاجة برضو حضرتك لو فيه خلاف نشأ بين زوجين وانفصلوا بهدوء وبما يرضى الله احتمال رجوعهم لبعض