-
انا عملت حادثه..
العربيه اتخبطت يا جماعه و انا كنت عايز اسأل كام سؤال بس..هو انا كنت ماشي امبارح الساعه اتناشر بليل ناحيه جامع الفتح شارع كده اسمه عبدالغفار نور حاجه كده ماشي عادي يعني علي 60ولا يمكن اقل الاقي واحده طالعه بعربيه لانسر بومه من يميني من شارع جانبي اسرع مني اصلا ولا بصت علي الشارع اللي المفروض عمومي ولا نور ولا اي حاجه طبعا مكنش ينفع اقف دي طلعت في وشي حاولت افاديها و جيت شمال علي قد مقدر بس هي ربنا يخليها مهنش عليها تدوس سنه فرامل فا خبطتني من الجنب اليمين ورا مكنتش حتبقي مشكله اوي بس اللي حصل ان العربيه لفت في نص الشارع و طبعا لبست في عربيه 131 راكنه بس طلعت ناشفه اوي بهدلت الجنب الشمال للعربيه جامد الباب اللي ورا مبقاش موجود اصلا انكمش معرفش ازاي و الجزء اللي وراه باظ خالص و المشكله بقي ان القايم دخل لجوه ..بس انا كنت رابط الحزام الحمد لله راسي مخبطتش جامد ...نزلنا طبعا البنت ديه معرفتش تتكلم بس صاحبها بيقولي اصل العربيات راكنه غلط و مكناش شيفين و الهبل ده..المهم الناس خلونا نركن علي حنب عشان العربيات تعدي انا ركنت و كنت فاكر بهبلي ان الامه اللي واقفه ديه ليها لازمه غير الفرجه بس لا.. هو عمل نفسه بيركن و طلع جري طبعا يا معهاش رخصه يا كانوا بيحششوا اي مصيبه يعني...الظريف بقي ان سايس جراج جاب عربيه تقفل عليا انا عشان ماجريش..وانا اللي مخبوط..راجل نبيه اوي..عملنا محضر انا و بتاع ال131 عشان اتخبطت جامد برضه..بس قالولنا ملهاش لازمه ادام متعرفوش حد ولا معاكو واسطه وهو ده العادي يعني...الناس بقي اللي واقفه ديه كلها اول ما عربيه البوليس جت كله استخبي حتي الناس اللي شافت..كنا عايزين اي حد يشهد معانا فالمحضر بس ..بتاع الجراج دخل جوه وعمل مش موجود..واحد طلع بيته و بصلي من الشباك بالملابس الداخليه اه والله و قالي مش حينفع اجي معاكوا دلوقتي و حاجات ظريفه كده...عملنا محضر بالنمره وخلاص اهو احسن من مفيش...حتي واحد جه معانا قال انا مش حفدكوا و بعدين مش عايز مشاكل عشان مسافر ..بس هو كان كويس يعني وصلنا لحد القسم وكده...انا كنت عايز خدمه بس حد يقولي نجيب باب شمال خلفي لانوس1 منين و بيقبي بكام...و بعدين حد قالي ان القايم دخل لجوه ديه مشكله و كده..الكلام ده مظبوط ولا ايه؟ و حاجه كمان معلش هيا العربيه نمرتها اولها 88 ده مرور ايه؟
و يت ريت اللي حد يخبطه لا قدر الله يعني ميتنيلش يسمع كلام الناس و ملوش دعوه بحد و يمسك في اللي خبطه ميسبوش ابدا لحد ما البوليس ييجي
-
88 مرور قوات مسلحة وربنا يعوض عليك كويس انها جات فى حديد الموهم انت سليم حكايت الباب انا معرفش اوى بس ممكن تنزل الحرفين مثلا اسال هناك ولف وشوف وربنا معاك حصل معاية حاجة زى دية ربنا يستر الطريق بقا لعنة اما على حكايت الايم لو مرحتش لوحد بيفهم وعدلة صح خلاص بسلامة لو اتعدلت بطريقة مش صح خلاص مش هترجع تانى روح لواحد بيفهم نصيحة
-
kwat mosala7ah...rabena y3wad 3lya fe3lan shokran lek awy
-
انزل الحرفيين
هناك في صنايعيه شاطرين جدا
وكل حاجه رخيصه
وبأذن الله ربنا هيعوضك
-
الف سلامة عليك وان شاء الله بسيطة وهترجع زى الاول
-
حمد الله علي سلامتك ,بص انت تكمل في المحضر,حيبعتو يعرفو العربية دي بتاعت مين وعنوان صاحب العربية وحيبعتو له وهوة مش حيجي وبعد كدة المحضر حيتسجل مخالفة علي العربية الانسر ويبقي في النيابة تقدر تتطعن فيه وتتطلب تعويض وتزاولهم
-
قلبى معاك و ربنا يعوض عليك حاول متسيبش حقك على قد متقدر، و الحمد لله انك بخير
-
حمدالله على سلامتك الواحد مبقاش عاوز بنزل من البيت ولايسوق من قرف الايام دة كلة استهتار ورعونة :_Alshmokh08[1]: ربنا يجيرك فى مصيبتك :_Alshmokh22[1]:...عليك وعلى الحرفيين وتشد القايم وكل يرجع زى الاول :S_thum1[1]:
ربنا يوفق
-
قدر الله وما شاء فعل
ما تزعلش وفداك وفدى ضفر ولادك
ويعوض عليك ربنا
الف سلامة عليك والحمد لله انها جت فى الحديد
*************************
محمود عينو
-
الف حمدا لله علي سلامتك
بص يا باشا انت ان شاء الله هتلاقي حاجتها في الحرفيين او الوكاله بس شوف الحرفيين الاول
اهم حاجه وديها عند سمكري كويس حتي لو حراق شويه بس عشان يرجع القايم لوضعه اطبيعي
قلوبنا معاك و يكفيك و يكفينا شر الطريق
و اللي يجي في الريش بقشيش
Content Relevant URLs by
vBSEO 3.6.0 PL2