الكلام على الاجرة و لا الملاكي؟؟؟

**ZAMORA** · 06-02-2009 12:44 AM

السلام عليكم و رحمة الله و بركاته
كنت عايز اسأل لو حد متابع جلسات مجلس الشعب
هل موضوع منع تراخيص السيارات القديمة الانتاج ( 20-25 )سنة اللي كانوا بيناقشوه.
هل هو على السيارات الملاكي و لا الاجرة ؟؟؟
و يا ريت لو حد عنده معلومة عن الموضوع ده بصفة عامة يفيدنا بيها
شكرا

**dode2002** · 06-02-2009 01:04 AM

علي السيارات الاجره
بس السيارات التي يتجاوز تاريخ انتاجها 20 سنه وتكون اجره ممكن تترخص ملاكي
يعني من الاخر معملوش حاجه غير انهم هيحسنوا خدمه الاجره

**eg_falcon** · 06-02-2009 01:11 AM

و الله انا خايف ليكون موضوع الاجرة دا جس نبض عشان بعد كده يعمموها على الاجرة و الملاكي و ربنا يستر

**blazer** · 06-02-2009 01:25 AM

وتخاف ليه
لما الموضوع دا يحصل و العربيات القديمه تتكهن
سوق العربيات المستعمله هينزل الارض
و العربيه اللى عدى عليها 13 او 15 سنه هتتبع ببلاش تقريبا

**kliken** · 06-02-2009 02:24 AM

فعلا يا باشا هى على الاجرة بس

**ZAMORA** · 06-02-2009 10:31 AM

انا معاك ان العربيات هتنزل جامد اللي عمرها 10 - 15 سنة بس فيه ناس هتتأذى كتير لانهم بالفعل اشتروها غالية.
و يعتبر استثمارهم فيها خسر خسارة فادحة.
اظن لو قرروا يطبقوا الكلام ده على الملاكي لازم يتم تعويض الناس تعويض مناسب و متهيألي مبلغ 10000 اللي قرروره للتاكسي غير مناسب بالمرة بالنسبة للملاكي لان الن العربية لا تدر دخل على صاحبها
*الغريب اني قرأت ان احمد باشا عز و اكرر ( باشا ) قال في مجلس الشعب بالنص ( لازم يكون تطبيق القرار جريء و سريع زي لما منعنا عربيات الكارو من القاهرة )*
اصحاب الدخل المتوسط او تحت المتوسط بقوا في راي الباشا شبع العربجية بتوع الكارو .......لا تعليق
طبعا لانه (الباشا)لم يطأ الارض برجليه قبل كده و ميعرفش يعني ايه بهدلة مواصلات.
ميعرفش ان الراجل اللي معاه 128 قديمة حبتين حط فيها كل راس ماله عشان يلم اسرته من بهدلة المواصلات.
ميعرفش ان اغلب اللي معاهم العربيات المستعملة دي لو عملوا قرود لمدة عشرين سنة مثلا مش هيقدر يوفر تمن عربية جديدة و لا قسطها حتة.
انا اظن هو قال الكلام ده عشان هو متأكد ان اغلب الشعب راكب عربية موديل 80 و نايم على خميرة في البنك بتاع كام مليون و مستخسر يجيب عربية جديدة.
مش بقولكوا ( ده عمره ما مشي على الارض قبل كده )