حاجات غريبه عماله تحصل فى العربيه الشنطه مش عاوزه تفتح ولو فتحت مش عاوزه تقفل البطاريه جديده العربيه مش عاوزه تدور عداد البنزين يختفى جطيت 40لتر بنزين تقولى دول يمشوك 220 كم انا زهقت وكنت خايف من كده انا مش فاضى للكلام ده وكمان شغلى حساس لاينفع اتاخر ولا اغيب عنه
الوحوش من فضلهم يردوا بسرعه كده انا الفار هيبدا يلاعب افكارى
دكتور احمد وشاركى بليز انا رايح اكشف على واحده بعد بكره
عاوزين معلومات أكتر
أزاى العربية مش عاوزة تدور و بيقولك العربية تمشيك 220 كم ؟؟؟
الشنطة حاول تشوف القفل بتاعها ممكن يكون فيه لسان معلق لا حاجة.......ممكن تكون محتاجة تزييت.
البطارية الجديدة كام أمبير وركبتها فين ؟؟؟؟
الكلام ده حصل بعد تغيير البطاترية على طول ولا ملهوش علاقة ؟؟
عداد البنزين بيهيس مره يكتب ان البنزين يمشينى كتير ومره يتغير يعنى من 400 كم امشى 2كم يقولى البنزين يمشينى 190كم
روح التوكيل علطول او ابعت ليهم يجوللك لو العربيه مبتدورش
لو فى اى حاجه غلط هما هيزبطوها
ياباشا متقلقش ... موضوع عداد البنزين اسوء ظروفة تكون طرمبة البنزين عايزة تتنظف بسبراي علي الفيش بتاعتها ...
موضوع القفل دا سهل جدا .. مش اكتر من تزيت ورش اسبراي ...
اهم حاجة تروح التوكيل عشان تتطمن نفسيا ان كل الحاجات دي تخلص صح ...
وياريت تقولنا بس علي موضوع الدوارة شوية معلومات اكتر ..
فى معلومة كمان
العداد اللى بيقولك أن البنزين يمشى كذا كيلو ده بيقيس حسب كمية البنزين الموجودة حالياً و القياس اللحظى لأستهلاك البنزين......بمعنى أيه؟؟؟
أنا ماشى دلوقتى براحتى خالص ومش كابس بنزين ممكن يكون الأستهلاك 5 لتر لكل 100 كم و بعد لحظات دوست شوية وبقى الأستهلاك 8 لتر لكل 100 كم وبعدها حرقت شوية فبقى 12 لتر لكل 100 كم...........كل واحدة من الحالات دى هتغيرلك الرقم اللى بيطلع بتاع العربية تمشى أد أيه بالبنزين الحالى.
أنا رأيي بعد التفويلة تصفر عداد ال كم و تشوف العربية هتعمل معاك كام كم فى الصفيحة و تقولنا عليه.
أولا موضوع الشنطة مش عايز تفتح أو لما بتفتح ما يتقفلش ممكن يكون فيه حاجة فى قفل الشنطة جرب ترشح علسه سبراى أو تشوف إذا كان فيه حاجة محشورة و لا لأاقتباس:
المشاركة الأصلية كتبت بواسطة elmalky
ثانيا موضوع العربية مش عايز تدور عايزين معلومات عنه أكتر يعنى بيحصل إيه و بدور بعد أد إيه تقريبا و البطارية الجديدة مقاسها إيه
ثالثا: موضوع كمبيوتر البنزين دا طبيعى و بيتغير نتيجة لكبسك و سحبك للعربية و دا مش عيب فيها
رابعا : هو حضرتك جايب العربية من الزيرو و لا مستعملة و عاملة معاك دلوقتى كام كيلو؟
و الله يا جماعة هو في احتمال موضوع الدواره انه يكون ليه علاقه بطرمبه البنزين
ولكن في سؤال مهم يا جماعة هو ممكن الطرمبة تكون محتاجة تنظيف مثلاً او نوعيه البنزين ممكن تأثر عليها (ياريت الوحوش يفيدوني في المعلومة دي )
أنا شايف إنك لو مغير البطاريه جديد يبقى وحدة الكومبيوتر عايزه ريستارت
طبعاً......زيها زى أى طرمبة بنزين فى العالماقتباس:
المشاركة الأصلية كتبت بواسطة momenhamdy
لو البنزين مش نضيف هيعملك مشاكل
أستاذ محمد.....مفيش حلجة فى العربية دى أسمها وحدة الكمبيوتر عاوزة ريستارت.....دى عربية يا باشا مش لابتوب :C_laugh[1]:اقتباس:
المشاركة الأصلية كتبت بواسطة محمد ابراهيم 1
طب معلش يا استاذ احمد انا عايز استفسار منك اكتر في الجزئيه دي علشان انت عارف بلدنا جميلة و البنزين الي فيها اجمل و اجملاقتباس:
المشاركة الأصلية كتبت بواسطة Ahmed A.Maksoud
ممكن اعرف ايه الحالات الي اعرف منها ان العيب دلوقتي من الطرمبة بمعني امتي اقول الطرمبه دي عايزه تنظيف ( ارجو ان سؤالي يكون واضح لحضرتك ) لاني ساعات بمون من بنزينات محترمة جداً موبيل و بتكون في اماكن راقيه في اسكندرية و بتحس ان اداء العربية مش اوي او في استهلاك كبير في الوقود فا ممكن اعرف امتي اقول ان العيب دا من الطرمبه :U_thin1[1]:
ولك جزيل الشكر
الطرمبة فى معظم الأحوال هتلاقيها حاجة من أتنين.....يا شغالة يا قاطعة خالص......و نادراً لو لقيت طرمبة شغالة نص نص.اقتباس:
المشاركة الأصلية كتبت بواسطة momenhamdy
لو العربية مش بتدور ممكن تسمع صوت الطرمبة بتقوم ولا لأ......لو بتقوم يبقى غالباً مشكلة من حاجة تانية ( صوت الطرمبة بيبقى عبارة عنة زنة خفيفة و بتفرق من عربية للتانية....يعنى البى أم والمرسيدس صوت الطرمبة عالى شوية.....وتسمع صوت الطرمبة أكتر من بره العربية ) وفى عربيات ممكن متسمعلهاش صوت طرمبة ألا لو أنت عارف مكانها و حطيت ودنك جنب الطرمبة.
أحسن حل لموضوع البنزين أنك تجرب تمون من محطة أو أتنين وتتأكد أنهم مبيعملوش مشاكل معاك وبعد كده تمون منهم على طول على قد ما تقدر......وخللى بالك أن فى بعض المحطات بتبقى محطة كويسة والبنزين بتاعها فى الطبيعى كويس بس تروح أنت تمون وتانك المحطة فى أواخره و فيه كل الترسبات والشوائب و أنت وحظك بأه :N_no[1]:
انا شاكر جداًجداً ليك يا استاذ احمد علي مجهودكاقتباس:
المشاركة الأصلية كتبت بواسطة Ahmed A.Maksoud
وفعلاً عندك حق في موضوع المحطات فيه ساعات تحس ان المحطة علي مستوي ولكن كفائه البنزين بتبقي ما يعلم بيها غير ربنا
علي العموم الحمد لله علي كل حال
العفو يا باشا
اقتباس:
المشاركة الأصلية كتبت بواسطة Ahmed A.Maksoud
دى طريقة عمل ريستارت لوحدة الكومبيوتر فى النيسان صنى أو ما يسمى بإعادة تعريف الكومبيوتر منقول من المهندس سبعاوى
اعادة تعريف الكومبيوتر بوضع الاغلاق الكامل لصمام الهواءthrotle valve : صمام الهوء هو المسئول عن تسارع السيارة وهو الشئ الذى نتحكم فيه بدواسة الاكسراتير ، يحدد الكومبيوتر كمية البنزين اللازمة للحقن بناء على عدة عوامل من اهمها فتحة صمام الهواءمن خلال حساس كهربائى مكرب على صمام الهواء لمعرفة درجة فتحه، حدوث خطا فى حساس صمام الهواء يتسبب فى اداء غير منتظم للسيارة واستهلاك عالى للبنزين واحيانا نتشة فى الجير الأوتوماتيكى
فى حالة الاحساس بأى من هذة الأعراض او عند فك واعادة تركيب اقطاب البطارية لأى سبب يفضل اجراء عملية تعريف وضع الاغلاق ، وهى عملية من اسهل ما يمكن،فى البداية يجب الاطمئنان ان دواسة الاكسراتير فيها نسبة بوش بسيطة عن طريق الاجراء السابق،بعد ذلك ضع المفتاح فى الكونتاكت ، بجب ان تكون دواسة الاكسراتير حرة تماما اى ان قدمك بعيدة عن دواسة الكسراتير، قم بنقل المفتاح الى الوضع on (يعنى لمبة الزيت والبطارية تنور بس متدورش العربية) انتظر ثانيتن، قم باغلاق المفتاح انتظر 10 ثوانى، ستسمع بعدها تكة بسيطة، قم مرة اخرى بنقل المفتاح الى الوضع on، انتظر ثانيتين، مرة اخرى اطفى المفتاح وانتظر 10 ثوانى، قم بتدوير السيارة بعد ذلك لأى فترة زمنية ترغبها ثم اطفى المحرك
مع أحترامى لحضرتك......أنا فكيت بطارية العربية حوالى 3 مرات قبل كده و مفيش حاجة زى كده حصلت + شرح المهندس سبعاوى بيتكلم على أزاى تعرف كمبيوتر العربية على وضع الأغلاق بتاع صمام الهواء......بس مش ريستارت للكمبيوتر.اقتباس:
المشاركة الأصلية كتبت بواسطة محمد ابراهيم 1
لما شيلت البطارية عندى كنت لازم أعمل حركة مشابهة بس مع زجاج السيارة.....عشان أعرف كمبيوترالعربية على المشوار اللى يقطعه لما أدوس دوسة واحدة على زرار الزجاج عشان ينزل أو يطلع للأخر....مع الفارق فى التشبيه.
أطفاء المحرك فى حد ذاته كفيل بأطفاء أى وحدة تحكم فى العربية.
وعملت صيانه 40 الف فى توكيل عثمان بس ما حلوش مشكله الشنطه
مين توكيل عثمان دا ؟؟؟
و إتحليت مشكلة الدوارة و لا لسه ؟؟
توكيل عثمان ده تقريباً فى المنصورة
مشكلة الدوارة أتحلت ولا لسه وطلعت أيه ؟
عثمان في شارع فيصل ...
دا مركز معتمد من الوكيل يا ايمن ؟؟
معتمد يا كبير ...
بس هوا بصفة عامة خبير في كل الرينو ... بس مش جامد قوي في الميجان 2
عندة (عبدو) دا فنان في الميجان 1 والكليو ... جامد جدا جدا جدا ... والشركة حاولت تجيبة كذا مرة ... بس سياسة اي وكيل بتنص علي عدم استقطاب اي حد من مراكز الخدمة ولكن ممكن العكس ودا عشان الحفاظ علي المراكز !!
ما اختلفناشاقتباس:
المشاركة الأصلية كتبت بواسطة Ahmed A.Maksoud
انا قصدى اقول ان فك البطاريه ممكن يسبب خلل فى اداء العربيه
يا باشا ما أنا قصدى أنى فكيت البطارية 3 مرات ولم يحدث خلل..........وبرضه الله أعلم...جايز تكون محصلتش معايا.اقتباس:
المشاركة الأصلية كتبت بواسطة محمد ابراهيم 1
بس هو فين صاحب الموضوع يطمنا ؟؟؟؟
انهارده ماشى جنب هايبر العربيه راحت مبطله ولاقيت تسريب بنزين من الطرمبه كلمت رينو ردوا عليا وسابونى شويه وبعد كده قالولى مش لاقين المهندس لما نلاقيه هنكلمك وانا واقف فى الشارع بكلم نفسى كلمونى بعد حوالى 25 دقيقه كان معايا واحد صاحبى راح جابلى ميكانيكى طلع الخرطوم فصل من الطرمبه ركبهولى وعدت يوميات رينو ميجان
مشكله الدواره كانت من البطاريه وغيرتها
ده فصل إزاي ده؟؟.....الخرطوم ده صعب خروجه من مكانه باليد.....إزاي يفصل لوحده؟؟..:U_thin1[1]:اقتباس:
المشاركة الأصلية كتبت بواسطة elmalky
كلامك مظبوطاقتباس:
المشاركة الأصلية كتبت بواسطة عمرو عمارة
مالكى هى عربيتك زيرو ولا مستعملة......و لا أنت غيرت الطرمبة قبل كده مثلاً ؟
انا ما غيرتوش بس معرفش مالكها السابق غيره ولا لا