الموضوع: محتاجين تدخل من عصابة اوبل فى هذا الموضوع ضرورى

يا نهر ابيض يا قائد محمد
خليك يا باشا بعد اذنك برة الحوار دة و سبنا احنا نخلص
احنا هنطلع رجالة الجيش الستراوى التانى بقيادة فينوس عشان بيغلطوا فى عربيتوة
وبما انى من افراد سلاح الاسترا
فمن موقعى هذا اطالب بعمل مظاهرة:k36: للم شمل الاوبلاوية والرد فى الموضوع دة مع ترديد
(نموتوا نموتوا و تحيا الاسترا)

انا جيت يا جماعه بناء على امر من القائد الاعلى للجيش الاوبلاوى العظيم (محمد مختار) و معايا استرا 2006 ماشيه 125000 كم فى 3 سنين بالظبط و العربيه بتمشى على كل انواع الطرق سواء جوا البلد او على الطريق او فى مناطق مكسره ... او فى طرق بلاد فلاحين و طرق مش متسفله .....و كمان بحمل فيها شغل ....
بالنسبه للاستاذ الى قال على عربيه حماه انها مغيره ده كله فأنا عايز اقول حاجه :عربيه حماك ماشيه 85 الف كم و انا 125 الف يعنى مشيت اكتر منه و المفروض ان الى اتغير عنده يكون اتغير عندى صح؟؟؟
عندى كام سؤال :
1-العربيه كانت بتعمل صيانه فى التوكيل؟؟؟؟و كانت بتعمل فى فرع ايه ؟؟؟؟
2-سواقه حماك طبيعتها ايه ؟؟؟ رجله تقيله ؟؟؟؟ بيهرس فى العربيه ؟؟؟
3-هل حماك ودا العربيه لحد غير التوكيل ؟؟؟
نيجى بقى للرد على كلام حضرتك:
1- العربيه قطع غيارها مش غاليه زى محضرتك بتقول !!!! يعنى اعتقد مش اغلى من الميجان!!!!
2- كباس التكييف الى اتغيرعنده فى متغيرتش عندى ليه ؟؟؟ اكيد فى حد لعب فى عربيته و خصوصا دوره التبريد ......
3-قواعد الفتيس برده عندى ولله الحمد سليمه مفيهاش مشاكل ....
4-بالنسبه للاصوات اللى بتطلع من العربيه انا معاك فيها بس لو دور هيعرف هى ايه ....
5-استهلاك البنزين مش عالى ولا حاجه و زيها زى اى 1600....
6-التكييف زى ما احمد باشا علاوى قال مش سريع زى اليابانى و الكورى و لكنه مش ضعيف ولا سىء للغايه ...و الفرنسى مش الى هو برده يعنى ...
7-العفشه مالها بقى سيئه ليه مش توضح ؟؟؟؟ هى اه ناشفه و لكن الالمانى كده .... و دى طبيعته عشان يدى ثبات ...
و بعد كل ده احب اقولك انها اساسا مش فى فئه الميجان اساسا سواء زيرو او استعمال لانها فى الزيرو :الاسترا كانت بحوالى 110 و الميجان 150 ....
الاستعمال :الاسترا اخرها 65 الف و 70 دى غاليه و الميجان 85 الف .....و هنقول انها مقارنه للشراء يبقى بدون ما نتعب نفسنا الميجان هتكسب لانها فئه اعلى .....
كده اعتقد ان العيوب الى فى عربيه حماك ملهاش غير حاجه من تلاته:
1-استعماله سىء و بيهرس العربيه جاااااااااااااااااااااامد (مع احترامى ليه و طبعا هو يعمل الى هو عايزه فى عربيته ).
2-العيوب دى عنده بس لان حد لعبله فى عربيته برا التوكيل ...
3-العيوب دى فى عربيته بس و ناتجه عن عيوب صناعه و الاحتمال ده ضعيف اوى ....

يا قائد محمد
تم ارسال اشرة بيان عاجل للقائد فينوس قائد الجيش الاستراوى الميدانى دفعة 2006
وتم التعامل مع الهدف بقيادتة
و كل شئ تمام

ربنا يخليك يا باشا ...
انا كنت بمر فى مقر العصابه عندنا(قسم اوبل) (شغال فى الحراسه ورديه بالليل) و لقيت الدعوه عامه و امر من القائد بتحرك سلاح استرا للدفاع عنها ...
و يا ريت باقى الاوبلاويه يتكلمو و يردوا

يا اوبلاويه
ماتنسوش الراجل دة فى وسام على الصدر(فى منطقتن ما اعلى الكتف الشمال و انت معدى على محور الدراع كدة) .........اية الرغى اللى بيتقال منى دة
المهم لازم تكريم لية
بهزر يا باشا اوعى تزعل

و كمان اتوسطولى عند القائد اخد اجازه يومين عشان اعمل صيانه العربيه...

وانا من موقعى هذا اطالب بتوقيع اقصى العقوبة:b4_237:
سورى سعات بتخدى الجلالة شويتين
قصدى اطلب من سيادة القائد محمد بقبول الاجازة
رفعت الجلسة