طلب معلومه عن النادى الاهلى

**EL_3OMDA** · 06-02-2009 05:22 AM

ممكن حد يتفضل ويوصفلى ازاى اروح النادى الاهلى مع العلم انى هاخد طريق بنها السريع (القاهره - اسكندريه ) ان شاء الله
يعنى ياريت الوصف من اول المترو بتاع شبرا الخيمه كدا اسهل طريق ليه ؟
وياريت شويه معلومات كمان لو سمحتوا
يعنى المواعيد فيه ؟
لازم الدخول بعضويه ولا عادى تذاكر وبكام؟
وهل فيه جوه مكان كويس لشله صحاب قعده لذيذه يعنى كده ؟
فيه امكانيه غدا ومشاريب وكدا ؟ولا نخرج بره؟ وياريت برضو اسعاره فى الحجات دى ؟يعنى العزومه لحوالى 5 كدا الواحد يعمل حسابه فى ايه ؟
معلش اصل مليش فى الكوره ولا عمرى روحته بس اهلاوى
شكرا واسف للاطاله

**Terrible_DaRsH** · 06-02-2009 06:37 AM

اولا فى فرعين للنادى الاهلى ..
( الجزيرة - مدينة نصر ) ..
الجزيرة ده عند البرج ومدينة نصر بعد مكرم عبيد .
ثانيا : التذكرة ب 20 جنيه على ما اتذكر يعنى .
و الافضل مدينة نصر طبعا .
فرع مدينة نصر فى اماكن كتيرة حلوة و مساحته كبيرة جدا ..
وهبقي اجيب لك الطريق بتاعه .
والاسعار وسط لا هى رخيصة ولا هى غالية يعنى .
والنادى اخره الساعة 1 .

**Eng.Ahmed** · 06-02-2009 12:31 PM

لازم يكون معاك عضو عامل هو الى يدخلك ، مينفعش تروح تجيب تذكره وتدخل كده

**EL_3OMDA** · 06-02-2009 07:53 PM

جزاك الله خيرا
يا أستاذ Terrible_DaRsH
وجزاك الله خيرا
ياباش مهندسAhmed
طيب هو العضو العامل دا ممكن يدخل كام واحد ؟؟؟

**Eng.Ahmed** · 06-02-2009 11:30 PM

على ايه يا عمده ، موضوع العدد ده معرفهوش بس الطبيعى ان الشخص بيكون داخل معاه 2 ، 3 لكن لو عدد كبير مع شخص واحد دى معرفهاش

**EslaM_NagY** · 09-02-2009 11:44 AM

المشاركة الأصلية كتبت بواسطة EL_3OMDA

جزاك الله خيرا
يا أستاذ Terrible_DaRsH
وجزاك الله خيرا
ياباش مهندسAhmed
طيب هو العضو العامل دا ممكن يدخل كام واحد ؟؟؟

على فكرة التذكرة بقت ب30 جندى مش 20

**mahgary** · 15-02-2009 11:19 PM

30 فى الاعياد والاجازات الرسميه

**heshaaam** · 20-02-2009 06:33 PM

لو رايح للتدريب التدريبات ببلاش وبتكون الجزيرة والجزيرة هو النادى الام وبتبقى الانتخبات والعائلات وكله فيه وزحمة

ده بعد متخلص مصر اسكندرية تطلع المحور معروف المحور26 يوليو هتلاقى مطلعه بعد الطريق
وتفضل ع طول متنزلش اى نزلة وتكمل هتعدى ع نادى الزمالك هتعديه برده ع طول وهتلاقى كوبرى 15 مايو ف نفس اتجاه المحور بعد خمس او سبع دقايق هتلاقى منزل الى حى الزمالك ف اتجاهك وتكملة علوية ومنزل ع اليمين مكتوب عليه الجبلاية تروح نزله وتكمل المنزل ويبقى ع يمينك الكورنيش تفضل ماشى لغاية ما تلاقى مركز شباب الجزيرة وبعديه النادى الاهلى واتحاد الكورة وطبعا هيبقو ع شمالك

الخلاصة بعد الطريق هتلف وتطلع المحور وتفضل ع طول لغاية اول نزلة ف كوبرى 15 مايو اللى هو ف نفس اتجاه المحور

فرع م نصر ده بعيد شوية ممكن الناس توصفهولك لو ليه طريق من الدائرى لكن طريقه العادى اكبر من طريقك من الطريق الى فرع الجزيرة اده مرتين كده وزيادة وهو بعد الاستاد عند مساكن الشروق وطريق السويس