طبعا احنا متفقين ان الطلمبه القديمه كان ضغط البنزين ضعيف فى المسطره...اللى عليها الرشاشات...
ضعف الضغط هذا بيخللى عملية تزرير البنزين بعد مروره فى الرشاشات ضعيفه....وسرعة انتشار زرات البنزين ..بتكون هزيله وهى فى طريقها للحريق وبيبقى حجم الذره أو القطره كبير...وفيه بيتحرق وفيه مبيتحرقش.....علشان كده كنت بتلاقى ريحة بنزين خارجه من الشكمان وهناك أكثر من محاوله فى الدواره.....واكيد كنت بتلاحظ أن عمليات استجابة العربيه فى السحب مش قد كده...وممكن يكون فيه زياده فى أستهلاك البنزين....
أنما لما تم تغيير الطلمبه والضغط انظبط أنقلبت الصوره تماما ....وأكيد فيه أستجابه أفضل فى السحب ووفره فى أستهلاك البنزين....
لو فيه حاجه مش واضحه لحد دلوقتى ...ياريت تقوللى ....بس مش عاوز أطول عليك وحبييت بس أوصلك الفكره والسبب