العربية بتغربل علي 110 وتبقي كويسه علي 120

**samirayad** · 06-02-2009 08:45 PM

كنت عاوز أسألك يا أستاذ/عمرو......أنت متأكد أن الرباط للجنوط تم بطريقه سليمه......لأن الرباط لو لم يكن تم بطريقه سليمه ومع تواجد الرنجات (وطبعا بعد ماعرفت مكانها من الأستاذ/أحمد عبد المقصود).....ممكن يولد غربله برضه.....لأن ممكن يكون الرباط للجنوط مش مربوط بطريقه صح.....وحيحصل أنقلاب مش ملحوظ من الرباط للفرد على المحور الرأسى علشان بين صرة الجنط وصرة البلى حاجه بلاستيك.........وممكن يعمل موضوع الغربله......وبأعتذر للتسرع فى أستبعاد الرنجات من الموضوع فى التعليق السابق مباشرة.......بس حبييت أعمل استدراك كنوع من الأمانه الفكريه

**ahmad--ezzat** · 07-02-2009 07:28 AM

المشاركة الأصلية كتبت بواسطة Ahmed A.Maksoud

رصص تانى على مكنة ترصيص بيسموها الحصان ( بترصص العجل وهو راكب فى العربية )
.

الحوار دة صح فعلا
ولكن للجنوط السبور فقط

**amrzedan** · 07-02-2009 07:13 PM

طب حد يعرف حد كويس في مواضيع الترصيص والرنجات دي
علشان انا كنت باروح عند واحد اسمه مركز الفردوس بجوار المعهد اليهودي بشارع احمد سعيد اما بالنسبة لمقاس الكاوتش فانا هاجيب المقاس من عليه وابقي اقولكوا
شكرا لكل من قام بالرد علي

**Ahmed Selim** · 07-02-2009 08:08 PM

المشاركة الأصلية كتبت بواسطة samirayad

ياعنى spacer ..(وردة مسافه)......لتعويض الخلوص بين الصرتين(الجنط والعجل)............ يبقى الموضوع ده مالوش علاقه بالغربله اللى بيقول عليها الأستاذ/ عمرو.........أشكرك ياأستاذ/أحمد

بالظبط يا باشا
بس لو الخلوص مش مظبوط ( يعنى فيه فرق ) مش هيخلى العجلة تغربل ؟؟

المشاركة الأصلية كتبت بواسطة Ahmed20_08nubira

الحوار دة صح فعلا
ولكن للجنوط السبور فقط

مش السبور بس عن تجربة ( أنا معنديش جنوط )

المشاركة الأصلية كتبت بواسطة amrzedan

طب حد يعرف حد كويس في مواضيع الترصيص والرنجات دي
علشان انا كنت باروح عند واحد اسمه مركز الفردوس بجوار المعهد اليهودي بشارع احمد سعيد اما بالنسبة لمقاس الكاوتش فانا هاجيب المقاس من عليه وابقي اقولكوا
شكرا لكل من قام بالرد علي

فى واحد فى الشارع اللى وراه اللى على أوله تاكى.... بتاع زوايا و ترصيص أسمه رامى هتلاقيه فى نص الشارع على شمالك
كان عنده مكنة الترصيص اللى قلتلك عليها.

**samirayad** · 07-02-2009 08:26 PM

المشاركة الأصلية كتبت بواسطة Ahmed A.Maksoud

بالظبط يا باشا
بس لو الخلوص مش مظبوط ( يعنى فيه فرق ) مش هيخلى العجلة تغربل...

ياعنى لو الرباط مش صح يا أستاذ/أحمد......ميخليش فيه احتمال لتواجد الظاهره بتاعة الغربله على السرعات....وأنا لا أقصد فرق فى وردة المسافه....وانما الرباط الغير دقيق أدى الى حدوث انقلاب على المحور الرأسى للفرد...............وبالذات مع تواجد الرنجات البلاستيك.....اللى أكيد فيها نسب مرونه عن المعادن

**tananybasha** · 07-02-2009 10:03 PM

1. اشمعنى 30 ابريل هو حضرتك محاسب و لا ايه
2. رصص على جهاز نضيف ورا مش قدام و لا قلك رصص الأربعة
3. الرينجات ما تخدهاش من عند بتاع الكاوتش بتبقى صينى معفنه و تعبانة و كلها بتلاته جنيه الأحسن ان عند بتوع الجنوط و كماليات اكسسوار العربيات المحترمين فى نوعيات المانى بس غالية ممكن تلاقيها ب 10 او 15 جنيه بس تمام
4. الكاوتش مقاسه كام

**samirayad** · 08-02-2009 04:14 PM

المشاركة الأصلية كتبت بواسطة amrzedan

وبعدين يا استاذ / سمير انا مش فاهم حاجة من حكاية رباط الجنوط والمحور الرأسي لان صاحبك ميح في المواضيع دي انا يادوبك باسوق وبس

بص ياسيدى.....الفرده بيتم تركيبها على صرة العجل بأربع مسامير.....فلو لم يكن عزم الرباط للفرده متساوى وبالترتيب الصح....(مسمار واللى قباله أو أمامه على نفس القطر)...وكده يبقى رباط مسمارين......وده بتعمل لضبط المحور(الخط العمودى للفرده)...يعنى متبقاش الفرده فيها أى ميل......ويكرر نفس الوضع للمسمارين الآخرين.....ودى بنسميها طريقة توزيع عزم الرباط....ويطلق عليها طريقة المقص(أو الصليبه)

الموضوع ده لو متعملش صح ممكن يولد ميل ...أو انقلاب غير مرئى(مش حتشوفه) للفرده على المحور الرأسى......ونفس الكلام بالنسبه لباقى الكاوتش........كل ده ممكن يولد غربله مع السرعات....وبالذات مع تواجد الرنجات البلاستيك....لأن البلاستيك فيه مرونه عن المعادن