لو حد عنده استفسار عن الدهانات و الديكور و النقاشه عامه

**kliken** · 11-12-2013 10:35 AM

المشاركة الأصلية كتبت بواسطة akramlail

معلش مش فاهم الجرانيت ده ازى وبيتكلف كام يعنى لو تكلفه كبيره ولازمله صانيعى يبقى اعالج الحجات دى مؤقتا لحد منعمل الجرانيت ده.
وحاجه تانيه فى بقع طلعت ف الحيطه اللى منها للشارع والسقف زى متكون مزيته دى من اى
واخيرا زى منا فهمت هقشر الحتت البايظه وادهن الماده اللى حضرتك قلت عليها بس محتاج اعرف اجيب قد اى
وبعدها امعجن وبعدها ادهن وش بلاستيك صح كده
والف شكر ليك ولسعه صدرك

الجرانيت البستله بتعمل حوالى 85 جنيه و بتفرد 4 متر تقريبا و يفضل انها بتبقى على المحاره
مش عرف موضوع التزييت ده بصراحه مش قادر احدد من ايه لو توضيح اكتر ممكن افيدك
السيﻻر ده بيتباع بالجالون 3 لتر اقل كميه و بتفرد حوالى 10متر مربع للتر تقريبا و ممكن تقل شويه كمان
و بعد السيﻻر معجون و دهان بﻻستيك
تحت امرك فى اى استفسار تانى

**amr011111** · 11-12-2013 12:07 PM

طيب يا ريت يا باشمهندس تعملنا موضوع كامل عن منتجات يوتن
وتدينا شرح بسيط عن المنتجات. مثلا المعجون ما المقصود بالاقتصادى وهل كل لما الارقام بتزيد ده مؤشر لزيادة جودته

**البليهيس** · 11-12-2013 05:33 PM

بص يا باشمهندس صدقني بس موعدكش
ده اخر سؤال هههههه
انا ناويه اعمل فيش كهرباء اضافيه وطبعا الكهربائي حيحفر اماكن الفيش الجديده في الحيطه.....الحيطه اللي اتحفرت دي حتتعمل عادي بالمعجون ولا اعمل لها ايه بالظبط ...ولا اجيب بتاع محاره يمحرلي الاماكن دي ....زي ما عودتنا يا باشمهندس فهمني النقطه دي براحه وباللتفصيل الهي يباركلك

**DreAmO** · 11-12-2013 06:00 PM

طيب انا عندي شقه مدهونه بلاستك اللي هو قابل للغسيل وبيلمع
وعايز انزل الدهان ده وانزل المعجون كمان .. يعني الحيطه ترجع عالمحاره تاني

هل فيه ماده يندهن بيها الحيطه تعمل كده ؟ .. ولا ايه الحل بتاعه ؟

كمان الابواب الخشب عايز ارجعها لحالتها قبل الدهان

**البليهيس** · 11-12-2013 06:47 PM

متزعلش مني انا قلتلك موعدكش يكون اخر سؤال....... بالنسبه كمان للابواب يا با شمهندس لو عوزه اغير لونها علشان يتماشي مع الدهانات الجديده اعمل ايه ...شفت احنا متكلمناش في الابواب والشيش خالص....صح يعني سؤال جديد مني ....ربنا يديك الصحه ويباركلك زي ما بتساعدنا كده....انا عوزه ادهنهم من يوتن برضه ياريت نصايحك وتوجيهاتك بقه

**kliken** · 11-12-2013 08:00 PM

المشاركة الأصلية كتبت بواسطة amr011111

طيب يا ريت يا باشمهندس تعملنا موضوع كامل عن منتجات يوتن
وتدينا شرح بسيط عن المنتجات. مثلا المعجون ما المقصود بالاقتصادى وهل كل لما الارقام بتزيد ده مؤشر لزيادة جودته

بص يا باشا هو الموضوع صعب شويه علشان المنتجات كتير جدا و علشان اشرح كﻻ منتج هيبقى موضوت كبير جدا لكن لو حضرتك عاوز تعرف عن حاجه معينه بﻻستيكات يوتن ما بين اﻻقتصادى و القوى ده بسيطه شويه او فروق ف ووع ديكور تبقى اسهل بمعنى حضرتك لو عمدك استفسار معين هقدر اجاوبك ان شاء الله عليه
تحت امرك فى اى استفسار

**kliken** · 11-12-2013 08:02 PM

المشاركة الأصلية كتبت بواسطة البليهيس

بص يا باشمهندس صدقني بس موعدكش
ده اخر سؤال هههههه
انا ناويه اعمل فيش كهرباء اضافيه وطبعا الكهربائي حيحفر اماكن الفيش الجديده في الحيطه.....الحيطه اللي اتحفرت دي حتتعمل عادي بالمعجون ولا اعمل لها ايه بالظبط ...ولا اجيب بتاع محاره يمحرلي الاماكن دي ....زي ما عودتنا يا باشمهندس فهمني النقطه دي براحه وباللتفصيل الهي يباركلك

ﻻ براحتك خالص فى استفسار ما تشيليش هم حاجه
بعد ما الكهربائى يخلص تكسير و تركيب يفضل طبعا يخش بتاع المحاره يمحرها و بعدين نبدأ نشتغل معجون و باقى الخطوات عادى جدا

**kliken** · 11-12-2013 08:07 PM

المشاركة الأصلية كتبت بواسطة dreamo

طيب انا عندي شقه مدهونه بلاستك اللي هو قابل للغسيل وبيلمع
وعايز انزل الدهان ده وانزل المعجون كمان .. يعني الحيطه ترجع عالمحاره تاني

هل فيه ماده يندهن بيها الحيطه تعمل كده ؟ .. ولا ايه الحل بتاعه ؟

كمان الابواب الخشب عايز ارجعها لحالتها قبل الدهان

طالما الدهان كويس ليه عاوز تنزله كله ااموضوع صعب جدا اﻻ لو لو فى مشكله و ﻻزم تنزله لكن لو هو حضرتك زهقان منه علشان ﻻمع او علشان لونه مش عجبك يبقى تقدر ندهن عليه مفيش مشكله
يا ريت لو توضحلى مشكله الدهان علشان لو اقدر افيدك اكتر
موضوع اﻻبواب الخشب ترجع زى اﻻول يعنى تبين ثمره الخشب هو ممكن بس صعب و ﻻزم توديه لحد بتاع خشب استاذ علشان يظبطه و برضه اﻻسهل امك ممكن تلزق عليه قشره ارو و تدهنه استر لو فعﻻ عاوز تبين ثمره الخشب علشان اﻻستر و برضه لو حضرتك وضحت السبب هفيدك اكتر علشان ممكن يكون ردى على اساس انى فهمت ااكﻻم غلط
لو اى استفسار تانى انا معاك يا باشا

**kliken** · 11-12-2013 08:10 PM

المشاركة الأصلية كتبت بواسطة البليهيس

متزعلش مني انا قلتلك موعدكش يكون اخر سؤال....... بالنسبه كمان للابواب يا با شمهندس لو عوزه اغير لونها علشان يتماشي مع الدهانات الجديده اعمل ايه ...شفت احنا متكلمناش في الابواب والشيش خالص....صح يعني سؤال جديد مني ....ربنا يديك الصحه ويباركلك زي ما بتساعدنا كده....انا عوزه ادهنهم من يوتن برضه ياريت نصايحك وتوجيهاتك بقه

ﻻ مفيش زعل ان شاء الله و براحتك خالص
هى مدهونه ايه اﻻول استر و ﻻ ﻻكيه و حالنهم عامله ازاى فيهم فروقات كتير و ﻻ الموضوع تغير الوان بس
انا بسأل برضه اهو مش لوحدك هههه

**البليهيس** · 12-12-2013 06:31 AM

بصراحه مش عارفه بس حالتهم مفيهاش حاجه انا عوزه اغير بس وحتي مفيش تشققات ولا حاجه الا في البلكونات شفت حضرتك الشيش مش بيكون له خشب برضه علي الارض اهو اللي علي الارض ده حساه مشقق كده لكن الباقي عادي واعتفد تنهم مدهونين لاكيه زيت يعني ولونه ابيض البيبان والشيش اخضر كده ....طب معلش باشمهندس ممكن حضرتك تفهمني لو استر اعمل ايه ولو زيت اعمل ايه وكله بثوابه ههههههه ولا رايك اجيب نجار يظبطهملي انا عوزه نصيحتك لاني مبثقش في الصنايعيه بصراحه فبفهم من حضرتك واطلب اللي عوزاه عن فهم وعشتن كده اسئلتي كتير سامحني

الموضوع: لو حد عنده استفسار عن الدهانات و الديكور و النقاشه عامه

LinkBack

أدوات الموضوع

عرض

-

-

-

-

-

-

المواضيع المتشابهه

استفسار بخصوص الدهانات

استفسار فى انواع الدهانات

استفسار بخصوص الدهانات ..

حد عنده فكرة عن انواع الدهانات فى السوق و اسعارها

استفسار بخصوص الديكور

الكلمات الدلالية لهذا الموضوع

المفضلات

المفضلات

ضوابط المشاركة