لو حد عنده استفسار عن الدهانات و الديكور و النقاشه عامه

**kliken** · 30-01-2014 11:40 PM

المشاركة الأصلية كتبت بواسطة احمد المصرى

انا رحت كيماويات البناء الحديث قالي في ماده اسمها سيتوفيل بتاعت فواصل الرخام والسيراميك هل تعرفها يا باشا وايه رايك فيها كويسه ولا لزق الرخام العادي افضل

لﻻسف انا ما اعرفهاش بس خامات كيماويات البناء الحديث جودتها كويسه انا اشتغلت باكتر من خامه من عندهم زى لصق اﻻحجار او السيراميك و جودتها عاليه
اظن انها هتبقى افضل من الصق العادى بس اعرف بالظبط مواصفات المنتج و طريقه عمله

**smsm2015** · 30-01-2014 11:46 PM

كنت عاوز اسئل حضرتك انا عندى بيت نور لافف الريسبشن كله المهم عاوز اركب فيه لمبات الافضل النيون و لا الخراطيم الاضاءة ولو حضرتك عندك فكرة عن الانواع يا ريت تفدنى ...

**amr011111** · 31-01-2014 07:13 PM

متشكرين على الموضوع القيم ياباشمهندس محمد

ولى استفسار

فيه شقه كان نقاش شغال فيها من حوالى كذا سنه
فكان عمل سكينة معجون لكل الحوائط بس بارتفاع ثلثى الحائط وسايب ثلث الحائط الاعلى من فوق على المحاره (زى ما تقول انه كان واقف على الارض فعمل ثلثى الحائط معجون ومجابش سلم علشان يعمل ثلثه الاعلى بالمعجون وسابه على المحاره)

دلوقتى لو انا عاوز اكمل الشقه

هل اعمل مراشمه للمحاره وبعدين ادهنها سيلر وبعدين امعجن

وبالنسبه للثلثين اللى تحت اللى معمولين سكينة معجون من زمان
هل اديها وش سيلر ولا اعمل وش معجون تانى عليها علطول
ولا اسنفرها الاول ولا ايه

وشكراً مره أخرى

**أبو_يوسف** · 03-02-2014 11:24 AM

حضرتك يا باشمهندس ممكن تفيدنا بنبذة عن مشروع مركز دهانات يوتن مثلا من حيث الشروط المطلوبة والمبالغ التأمينية؟

**kliken** · 03-02-2014 08:13 PM

المشاركة الأصلية كتبت بواسطة tza

كنت عاوز اسئل حضرتك انا عندى بيت نور لافف الريسبشن كله المهم عاوز اركب فيه لمبات الافضل النيون و لا الخراطيم الاضاءة ولو حضرتك عندك فكرة عن الانواع يا ريت تفدنى ...

النيون لذيذه و ارق من وجهه نظرى الشخصيه بس اﻻفضل حضرتك تشوفهم بنفسك و تختار اﻻفضل و اللى تستريحله بنفسك و ان شاء الله تختار اﻻفضل و اللى يناسبك و ترتاحله ﻻنه بيفرق من واحد للتانى

**kliken** · 03-02-2014 08:15 PM

المشاركة الأصلية كتبت بواسطة amr011111

متشكرين على الموضوع القيم ياباشمهندس محمد

ولى استفسار

فيه شقه كان نقاش شغال فيها من حوالى كذا سنه
فكان عمل سكينة معجون لكل الحوائط بس بارتفاع ثلثى الحائط وسايب ثلث الحائط الاعلى من فوق على المحاره (زى ما تقول انه كان واقف على الارض فعمل ثلثى الحائط معجون ومجابش سلم علشان يعمل ثلثه الاعلى بالمعجون وسابه على المحاره)

دلوقتى لو انا عاوز اكمل الشقه

هل اعمل مراشمه للمحاره وبعدين ادهنها سيلر وبعدين امعجن

وبالنسبه للثلثين اللى تحت اللى معمولين سكينة معجون من زمان
هل اديها وش سيلر ولا اعمل وش معجون تانى عليها علطول
ولا اسنفرها الاول ولا ايه

وشكراً مره أخرى

راشم الجزء العلوى و اديها كلها سيﻻر و ابدأ معجن الحوائط كلها بعد كده

**kliken** · 03-02-2014 08:21 PM

المشاركة الأصلية كتبت بواسطة timtim

حضرتك يا باشمهندس ممكن تفيدنا بنبذة عن مشروع مركز دهانات يوتن مثلا من حيث الشروط المطلوبة والمبالغ التأمينية؟

اﻻفضل طبعا ان حضرتك تتصل بالشركه اللى حابب تتعاقد معاها ﻻن الشروط بتفرق من شركه ﻻخرى
عموما حضرتك ﻻزم توفر مكان و تكون الشركه محتاجه تفتح فيه بمعنى مش بجانب مركز مفتوح و شغال
مساحه المركز فى شركات بتفرض مساحات معينه ما تقلش عنها
الماكينه الخاصه باﻻلوان فى شركات تفرض عليك انك تدفعها كاش و فى شركات بتدخلك قسط معاهم او مع بنك
غالبا محدش بيطلب مبلغ تأمينى

**Ayman-Ahmed** · 03-02-2014 11:45 PM

السلام عليكم.

عندى سوأل ومش عارف هيبقى بعيد عن خبرة حضرتك ولا لا.

عمارة 5 ادوار فيها سلالم بايشة وبعضها اتكسر,ومحتاجين نغير الرخام.هل عند حضرتك فكرة منين نجيب نوع رخام كويس وايه هو النوع الكويس؟ وتكلفته كام بالتركيب وبكل ملتزماته من رمل-اسمنت....الخ.

مشكور.

**mohamedbook** · 04-02-2014 08:37 AM

بعد اذنك يابشمهندس انا اشتريت شقة 125 متر تقريبا وهي متمحرة وواخدة سكنتين معجون
دلوقتي انا عايز ابشطبها
1- ازاي احاسب الراجل الي هسشتغل خصوصا انها واخده سكنتين معجون لو هخلية يدي سكينة معجون تاني احاسبة ازاي
2- انا ناوي اعمل الشقة كلها لونها ابيض وهخلي السراميك لونة دهبي هلي الاثنين ماشيين مع بعض ده سوال كده عشان خبرتك
3- ان شاء الله هركب الابواب هعملها دائرية وناوي اخلي لنها بني محروق عشان تبان في الشقة هتكون البيبان قشرة ارو ياتري دهانها هيكون ازاي احسن حاجة ليها ايه
4- ممكن اعرف هي ممكن تكلفني اد ايه مون واشتري المون من عند مين هل كيماويات البناء الحديثة ولا من اي مكان تاني وهل اسعرهم رخيصة ولا مغالين في الاسعار ولك جزيل الشكر

**kliken** · 04-02-2014 11:13 PM

المشاركة الأصلية كتبت بواسطة ayman-ahmed

السلام عليكم.

عندى سوأل ومش عارف هيبقى بعيد عن خبرة حضرتك ولا لا.

عمارة 5 ادوار فيها سلالم بايشة وبعضها اتكسر,ومحتاجين نغير الرخام.هل عند حضرتك فكرة منين نجيب نوع رخام كويس وايه هو النوع الكويس؟ وتكلفته كام بالتركيب وبكل ملتزماته من رمل-اسمنت....الخ.

مشكور.

و عليكم السﻻم و رحمه الله و بركاته
لﻻسف مش هعرف افيدك حضرتك تجيب منين علشان انا من السويس بس مدينه نصر نواحى الحى العاشر بشوف فيها ناس كتير بتوع رخام و فى فى شق التعبان طبعا ده اﻻساس
بس بالنسبه لﻻسعار اللى اعرفه ان النوع الكويس للسﻻلم المتر بيعمل 75 جنيه بالتركيب و ده فرز كويس من الجﻻله علشان فى منه اكتر من جوده و العماره عندك اظن هتاخد مش اكتر من 14 شكاره اسمنت و عربيه رمله

الموضوع: لو حد عنده استفسار عن الدهانات و الديكور و النقاشه عامه

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

استفسار بخصوص الدهانات

استفسار فى انواع الدهانات

استفسار بخصوص الدهانات ..

حد عنده فكرة عن انواع الدهانات فى السوق و اسعارها

استفسار بخصوص الديكور

الكلمات الدلالية لهذا الموضوع

المفضلات

المفضلات

ضوابط المشاركة