لو حد عنده استفسار عن الدهانات و الديكور و النقاشه عامه

**Ayman-Ahmed** · 04-02-2014 11:38 PM

المشاركة الأصلية كتبت بواسطة kliken

و عليكم السﻻم و رحمه الله و بركاته
لﻻسف مش هعرف افيدك حضرتك تجيب منين علشان انا من السويس بس مدينه نصر نواحى الحى العاشر بشوف فيها ناس كتير بتوع رخام و فى فى شق التعبان طبعا ده اﻻساس
بس بالنسبه لﻻسعار اللى اعرفه ان النوع الكويس للسﻻلم المتر بيعمل 75 جنيه بالتركيب و ده فرز كويس من الجﻻله علشان فى منه اكتر من جوده و العماره عندك اظن هتاخد مش اكتر من 14 شكاره اسمنت و عربيه رمله

مشكور جدا يا افندم وعلى الاقل عرفت الخيط اللى ابدا منه.

**A.Saad** · 05-02-2014 11:18 AM

انا رحت كيماويات البناء الحديث قالي في ماده اسمها سيتوفيل بتاعت فواصل الرخام والسيراميك هل تعرفها يا باشا وايه رايك فيها كويسه ولا لزق الرخام العادي افضل

سيتوفيل
شيكارة 5 كم = 20 جم
مضاد للفطريات
بديل للاسمنت الابيض فى لصق السيراميك
عيبه انه عايز صنايعى يتابعه
لانه بيلصق وعايز تشيل الزوائد بعدها بساعة تقريبا او اقل مش يتساب لاخر النهار

**A.Saad** · 05-02-2014 11:27 AM

فيه نقاش اشتغل عندى المتر بحوالى 15 جنيه
عمل وش سيللر
2 سكينة معجون
الاسقف مش اتعمل فيها حاجة
النجارة خدت بستلة ديركوت
لو عايز امشيه
احسب له المتر بكام لحد دلوقت ؟؟؟؟

**mohamedbook** · 05-02-2014 10:05 PM

المشاركة الأصلية كتبت بواسطة kliken

1. الحساب هيبقى عادى هيكمل السكينه التالته و يشطب و هتخصم ثلث المصنعيه لو كان هو اللى بدأ من اﻻول
2. هيبقى ماشى ان شاء الله بس لو كسرت اللون اﻻبيض بدرجه فاتحه برضه هيبقى اجمل من وجهه نظرى الشخصيه بس موضوع الﻻلوان راحه نفسيه و اختيار حضرتك اكيد هيبقى مريح لك اكتر
3. لو عمل قشره ارو يبقى تدهنها استر احسن علشان تظهر ثمره الخشب
4. بالنسبه للدهانات من كيماويات البناء االحديث ما عرفش دهاناتهم اسعارها ايه لو هتجيب خامات من يوتن هتتكلف فى حدود 2000 جنيه معجون و بطانه و دهان نهائى
تحت امرك فى اى استفسار تانى

شاكر ليك يابشمهندس
1- طيب انا مش عارف المصنعية في حدود كام عشان اخصم الثلث
2- ازاي اكسر اللون الابيض بدرجة فاتحة هو فيهه افتح من الابيض انا مش فاهم
3-خامات يوتن دي ماركة ولا اسم الدهان الي هدهن بية يوتن

**kliken** · 07-02-2014 07:56 PM

المشاركة الأصلية كتبت بواسطة mohamedbook

شاكر ليك يابشمهندس
1- طيب انا مش عارف المصنعية في حدود كام عشان اخصم الثلث
2- ازاي اكسر اللون الابيض بدرجة فاتحة هو فيهه افتح من الابيض انا مش فاهم
3-خامات يوتن دي ماركة ولا اسم الدهان الي هدهن بية يوتن

المشكله ان اامصنعيه بتختلف و بتفرق من مكان لمكان و بتغلى اكتر فى حاله المدن الجديده فى العادى الشقه بتتعمل فى حدود 6000 جنيه من غير نجاره
اقصد انك تكسره يعنى يبقى اوف وايت مثﻻ او كريمى فتتح اوى مش يبقى ابيض ساده مش افتح
خامات يوتن اقصد بيها منتجات شركه يوتن و ليس اسم الدهان

**erada** · 27-02-2014 04:34 PM

السلام عليكم ورحمة الله وبركاته
بعد مرور 4 سنوات على تشطيب شقة وجدت سقوط للبياض فى مناطق عديدة تقريبا على ارتفاع مابين 20 الى 50 سم من الارض السيراميك وكما هو واضح فى الصورة بعد كشط الحتت "المبربأة" بسكينة المعجون فالمنظر سئ جدا

1-ما هو سبب التقشير علما بأن المكان ليس فية رطوبة ولا مواسير والمواد الخام المستعملة كانت جيدة على ما أذكر والنقاش شخص معروف وغالى
2-ما هو الحل مؤقتا لتجميل المظهر علما بأنى مش ناوى أبيض الشقة الا بعد سنتين تلاتة ان شاء الله لوجود أولويات أخرى
وشكرا لجميع المساعدات مقدما

**A.Saad** · 02-03-2014 01:12 PM

باشمهندس
اخبارك ايه ؟
سؤالين لو تسمح
مجموعة الدهانات الديكورية الجديدة من يوتن هل بتتلون ولا ذات الوان الكتالوج ؟
الالوان المط الغير ديكورية فى يوتن اسمها ايه ؟؟ فينوماستيك ولا حاجة تانية ؟؟
والبيج والروز البستلة والجالون فيهم بكام وتكفى كام متر لكل وجه ؟؟؟

-

-

-

الموضوع: لو حد عنده استفسار عن الدهانات و الديكور و النقاشه عامه

LinkBack

أدوات الموضوع

عرض

-

-

-

-

-

-

المواضيع المتشابهه

استفسار بخصوص الدهانات

استفسار فى انواع الدهانات

استفسار بخصوص الدهانات ..

حد عنده فكرة عن انواع الدهانات فى السوق و اسعارها

استفسار بخصوص الديكور

الكلمات الدلالية لهذا الموضوع

المفضلات

المفضلات

ضوابط المشاركة