الموضوع: لو حد عنده استفسار عن الدهانات و الديكور و النقاشه عامه

المشاركة الأصلية كتبت بواسطة shgashga

السلام عليكم
بصراحه مش قادر اوفيك قدرك انا اتعلمت منك حاجات كتير واستفدت جدا منك بشكل عظيم
ودلوقتي انا فكرت افتح محل للبويات وعندي محل تشطيبه جيد جدا وفي مكان علي شارع رايسي ومساحته 75م وكنت عايز استاذن حضرتك في انك تساعدني واعرف من حضرتك :
1- قائمه بكل ما يحتاجه المحل من البضاعه التي يحتاجها العملاء حيثان المحل سيبيع دهانات حوائط ودهانات للسيارات
2- افضل اماكن التي يمكن شراء البضاعه الازمه للمحل منها والتي تكون افضل من حيث سعرها وجودتها
3- هل من الافضل وجود ماكينه تلوين في المحل واذا كان هذا ضروري فكم سعرها وما افضل الانواع وكم سعرها وماهو افضل مكان لشراءها
4- هل من السهل الحصول علي توكيل لاحد شركات الدهانات وما هي طريقه الحصول عليه وما هي تكلفته
واخيرا هاكون شاكر لحضرتك جدا لاني بصراحه مهتم جدا بالمشروع ده ومفيش حد اعرفه يساعدني واسف علي الاطاله واسف علي تعبك يا باشمهندس

و عليكم السﻻم و رحمه الله و بركاته و شكرا لذوق حضرتك
بص يا باشا الموضوع مش بالسهوله اللى حضرنك متخيلها فى انك تشتغل كل حاجه حوائط و سيارات و انى ادى لحضرتك قائمه ببضاعه بس انا هحىول ابسط اﻻمور شويه لحضرتك على حسب علمى بموضوع الدهانات
1 المحل لو دهانات حوائط عادى موان يعنى ﻻزم ةوفر كل العدد الخاصه بالدهانات ثم الخامات من برايمر لمعجون لدهانات بﻻسنيك و ﻻكيهات و موضوع انك تدخل معاها دهانات سيارات دى شايفه صعبه جدا و حوارتهم مختلفه عن بعض انا بصرتحه مليش خبره فى موضوع دهانات السيارات فمش هفتى فيها بس لو الموضوع يهمك اوى تتصل بشركه كابسى هتجيب الرقم المختصر بتاعهم من موقعهم على النت علشان هما اللى عندهم دهانات سيارات و حوائط و تعرف شروطهم
2 لو هتاخد توكيل معين لشركه زى كابسى او يوتن تو اى شركه تانيه هتنزل من الشركه مباشره
3 ماكينه التلوين قصه تانيه غير محﻻت الحدايد و لو ناوى على مركز تلوين بالكمبيوتر هيبقى تركيزك على دهانات شركه واحده فقط انت وكيلها مع ورق حائط و فيوتك و ديكورات و هيبقى محل بديكورات عاليه علشان الجذب و ﻻزم ترجع ﻻكتر من شركه تعرف شروطهم و تشوف المنطقه بتاعتك فيها مراكز ايه و ايه اللى ناقص فى المنطقه و تحاول تتعاقد معاه علشان الشركه توافق تتعاقد معاك
4 الشروط عاديه غالبا منظم الشركات هتشترط عليك اامكان بتوضيبات معينه و انك مدخلش منتجات لشركات اخرى و الماكينه ممكن تنزلها قسط عادى لكن ممكن يفرضوا عليك تفرش بضاعه بمبلغ معين
اى توضيح تانى انا تحت امرك

المشاركة الأصلية كتبت بواسطة ahmed_eng2001

موضوع رائع و مفيد جدا

التحية الخالصة لحضرتك

تحياتى لحضرتك نورت الموضوع يا فندم

المشاركة الأصلية كتبت بواسطة red_1024

لا السقف مش علي المحارة
كام مدهون قبل كدة زيت
ياريت لو تقولي ممكن اعمل اية واشتري دهان نوعة اية بالتفصيل لو سمحت
بالنسبة للابواب انا كنت اشتريت ابواب جديدة
فواحد صاحبي كلمني اني ادهن الابواب لاكية مغسول وبيقول انة احسن من الاكية العادي او الاستر
انا عمري ما شفتة ومعرفش عنة اي حاجة ياريت حضرتك تفهمني وتبعت ليا صورة لية
والباب يتكلف كام دهان لاكية مغسول
ومون قد اية

بالنسبه للسقف ادهنه ﻻكيه تانى و من افضل الﻻكيهات فى يوتن اسمه فينوماستيك اينامل مط او نصف ﻻمع او ﻻمع و فى منه ابيض او ملون كمبيوتر
و بالنسبه لﻻبواب و موضوع الﻻكيه المغسول انا رديت على حضرتك بالتفصيل فى المحادثه رقم 250 و هحاول اشوفلك صور عندى توضحلك الفرق بين الﻻكيه المغسول و العادى بس هو الفرق بينهم واضح جدا فى التشطيب المغسول بيبقى اشبه بالمرايه فى النعومه علشان بيتخدم كويس و ده انا وضحته فى الرد السابق

المشاركة الأصلية كتبت بواسطة line1000

بسم الله الرحمن الرحيم
اولا /احب اوجه لحضرتك كل الشكر والفضل على تفضلك بالمساعده واسأل الله ان يجازيك عنا كل خير
ويكفى اننى "سجلت" فى المنتدى لكى اشكر حضرتك ثم احتياجى لمساعدتك ..جزاك الله كل خير

ثانيا/ حضرتك معاك اخوك اسلام من القاهره "عين شمس" ان شاء الله تعالى انا شقتى"85م" دلوقتى اتفقت مع النجار يركب الشبابيك وهيا على المحارة والسيراميك
حضرتك ينفع ابتدى فى النقاشه ؟ولو ينفع ..ايه الخطوات المفروض التى تتم؟ وطبعا ايه المطلوب منى من مستلزمات.
الانواع والاسعار الله يباركلك وبالتفصيل معلش اصل انا بطىء الفهم يعنى تقولى الخطوات بالتفصيل من البدايه وحتى النهايه
وايضا (وبجد سامحنى لطول اسئلتى) انا لسه مركبتش البرور ولا الزوايا اللى فى الحيطه ..امتى تتركب حضرتك وتدهن برضوا مع النقاش ولا النجار هو اللى يدهنها؟
ومعلش اخر سؤال لو كان ينفع ابتدى ف النقاشه ينفع تاخد مثلا سكينه معجون وممكن استنى شويه لو الفلوس قصرت وقعدت مثلا شهر او اكتر هل هيأثر على الجوده ولا عادى؟
# اخ سؤال تانى مهم/ اخبار اسعار النقاشين ايه؟ يعنى بيتحاسبوا ازاى والشقه تاخد كام من وجهه نظر حضرتك.
...
انا مكسوف منك بس سامحنى
وبجد جزاك الله كل خير

ربنا يكرمك و شكرا لذوق حضرتك
حضرتك ممكن تشتغل فى النقاشه بعد النجار ما يخلص تركيب اﻻبواب و الشبابيك و تبدأ بمرحله التحضير بالسيﻻر ثم المعجون سكينتين
و بعد كده سيراميك و بعدين تجيب النجار يركب الزوى و البرور و يظبط الابواب و الشيش بتاع البلكونات على ارتفاع السيراميك
و مفيش مشكله انك تقعد المعجون شهر لغايه ما تخلص السيراميك و لو قعدت اكتتر من كده مفيش مشكله برضه ان شاء الله بس مش ما تطولش اوى برضه
و بالنسبه لﻻنواع السيﻻر فى يوتن اسمه بى فى ايه برايمر و بتاع glc كويس برضه
و المعجون فى يوتن اسمه ستوكو و glc جميل برضه
اسعارهم قريبه من بعض السيﻻر فى حدود 70 جنيه للبستله و انت هتحتاج بستلتين تقريبا
و المعجون البستله فى حدود 50 جنيه و لو محارتك حلوه هتاخد بتاع 10 بستﻻت بالكتير
الدهانات بقا قصه طويله شويه انا ذكرتها اكتر من مره و لما توصل ليها انا تحت امرك هبقى معاك مفيش اى مشكله
المصنعيات بتختلف من مكان لمكان متوسط المصنعيات للشقه عندك حدود 4000 جنيه حسب ديكوراتك برضه بس من غير نجاره و النجاره بالقطعه بتتحسب
تحت امرك فى اى استفسار تانى

لو سمجت لو هشطب نقاشة وادهن لاخر وش وهركب اوليمنتال لو سيبت شقة 9 شهور مثلا الدهان يحصلو حاجة ولا عادى وهل فيه مادة ممكن تبقى من الوش اخير تحمى الطبقة من اى شىء وشكرا مقدماً