الموضوع: لو حد عنده استفسار عن الدهانات و الديكور و النقاشه عامه

المشاركة الأصلية كتبت بواسطة new_man

مرسى لجهد حضرتك فى الرد على كل الاعضاء والموضوع القيم
واسمحلى استفسر من حضرتك عن حاجه
انا عايز اعمل 2 غرفه عندى سيراميك + ارضية البلكونه فبعد ماحسبتها لقيتهم كلهم حوالى 18 متر سيراميك بالوزرات
فعايز اعرف ال 18 متر سيراميك دول ياخدو قد ايه رمل وقد ايه اسمنت وبكام اصلا الرمل والاسمنت
وكمان المصنعيه هتكون على المتر كام
وال 2 غرفه دول بلاط حالته جيده..فهل ممكن يشتغلوا فوقه ولا لازم يكسروه كله لانى مش عايز ادفع تكاليف تكسير وتنزيل من الدور الثامن
كده كده باقى الشقه معموله سيراميك فمرتفعه عن مستوى البلاط ده ب 2 سم تقريبا
وكنت عايز افضل مكان لشرا السيراميك علما انى ناوى على السيراميك الفرز التانى اللى من 20 ل 25
ومش عارف تطليع الحاجات دى كلها للدور الثامن عندى تكلفته تقريبا كام :(..علما ان العماره فى الزيتون فالقاهره
انا عايز الم الموضوع بأقل التكاليف

لﻻسف انا خبرتى فى السيراميك مش قد كده بس الرمل مثﻻ بتبقى بالمتر و عربيه الرمل 8 متر تقريبا بتعمل 150 جنيه تقريبا ده عندى فى السويس مش عارل تمدك بكام بس مشكلتك كبيره فى المشال او تطليعهم
و طن اﻻسمنت ببعمل 850 جنيه دلؤتى بس مش عارف هتحتاج قد ايه بالظبط رمل و اسمنت ممكن اسألك حد من الصنايعيه اللى اعرفها و هرد عليك بكره ان شاء الله
و اللى اعرفه انه ممكن يتلزق السيرايك على البﻻط من غير تكسير و بأسمنت ابيض بس بدون احتياج لرمل و اسمنت او تكسير و هتأكدلك برضه من القصه دى
و ممكن تجيب hdf صينى يتحط على البﻻط على طول هتريح دماغك و شكله جميل و بيعمل بتركيبه فى حدود 75 جنيه للمتر بس ﻻزم تحسبها و تشوف اﻻوفر ليك برضه

المشاركة الأصلية كتبت بواسطة صهيب

السلام عليكم عندي مشكلة واريد لها الحل انا من هواة الدهان بنفسى عملت معجون بلدى لكى ادهن زيت وعملت تجليخ للحوائط بزيت ونفط وزنك وعملت المعجون ولكن يبدو ان نسبة الزيت كانت كثيرة المشكلة عملت سكينة اولى وتركتها حوالى 4 ايام وصنفرات وعملت سكينة ثانية ولكن عملت اعادة عليها فى نفس الوقت فاصبح سطح المعجون جاف ولكن اسفل منه طرى فى غرفتين معرضين للشمس اما بقى الحوائط الدخلية يظهر الزيت على السطح ولم يجف حتى بعد 20يوم فم هى انسب طريقة تجفيف الحوائط حتى يبصح المجون كله جاف وقوى وماهى انسب بطانة حتى لا تحدث مشاكل فى المستقبل

لﻻسف موضوع المعجون البلدى ده حوار كبير و على الفاضى كنت استعملت معجونه جاهزه كانت هتريح معاك كتير و هتوفر معاك وقت و مجهود و فلوس كمان
اللى حصل حصل يا باشا خير ان شاء الله
الحل للموضوع ده انك تدى سيﻻر تعزل بيه الحوائط و يفضل سيﻻر قوى و بعدين تدى وش بﻻستيك و بعدين لو محتاجه معجون تشتغل على وش الدهان
اى توضيح تانى تحت امرك

المشاركة الأصلية كتبت بواسطة almohaor

السلام عليكم ورحمة الله وبركاته

شكرا يا باشمهندس لاهتمامك ورعايتك لجميع استفسارات الاخوة الاعضاء

لوسمحت انا استلمت شقة على المحارة مساحتها حوالى 63 متر مربع وعايز اعمل السقف مصيص فقط بدون كرانيش اتفقت مع الصنايعى وطلب 500 جنيه مصنعية موش عارف كده كويس ولا لآ لانه كان طالب 600 جنيه

بس فيه مشكلة ان المياه رشحت عندى على معظم السقف وحائط الصالةمن الشقة التى تعلو شقتى وتم معالجة الامر ولكن السقف والحائط ظهر به املاح مترسبة بعد جفاف المياه
ايه المطلوب لاذالة ومعالجة هذه الاملاح وهل يوجد ضرر لو قام الصنايعى بتنفيذ عمله على هذا الوضع ولا خطورة من تساقط او تشقق المصيص بعد ذلك
برجاء سيادتكم سرعه الرد لان الصناسعى سيبدأ عمله بعد اربعه ايام
ولكم منى جزيل الشكر والعرفان

بالنسيه للمصنعيه كويسه فى الرينج الطبيعى بس المهم يكون صنايعى
بالنسبه للملح اللى على اﻻسقف مفهاش مشكله انه يشتغل عليها طالما عالجت الرشح اللى فوق و تتأكد انها نشفت بقالها فتره علشان تبقى فى امان ان شاء الله

لو سمحت يا بشمهندس عندى لستفسارين

الاول :سراميك الحمام عندى غامق ومحبب والصنايعة الله يسامحهم بعد التشطيب الارض بقت ملطشة باسمنت على جبس مش طبقات طبيرة لكن فى الفراغات بين التحبيبة بتاعت السراميك جربت ادعكها سلك اللامونيا مطلغتطش جربت فرش بلاط مطلعتش وطبعا ولا كلور نافع ولا صابون فايه المزيل اللى ممكن احطة يشيل الكلام دة لان الحمام متكلف كتير اوى اوى اوى والارضية شكلها زبالة

التانى :عندى حيطة فى الطرقة فيها خط بالعرض تحت ناشع رغم عدم وجود مواسير وراة ممكن يوكن رطوبة لان الحيطة على منور النقاش كان لسة مشميش من العمارة كحت الدهان القديم وصنفر وجملكة على الحيطة علشان تعمل عزل ودهن تانى وبردوا رجعت الرطوبة تانى وعملها بس دلوفتى مفيش حاجة بس انا مقلق لو اتكررت اعمل ايه بالظبط

ومتشكر جدا لحضرتك وتعبك فى المنتدى معانا

المشاركة الأصلية كتبت بواسطة new_man

شكرا بجد لرد حضرتك..بس هو الاسمنت الابيض مش محتاج خلط رمل ولا اى حاجه تانى خالص..وبكام شكارة الاسمنت الابيض؟؟

لﻻسف يا باشا مش عارف تمن شكاره اﻻسمنت اﻻبيض كام بس اغلى طبعا من اﻻسمنت العادى و يفضل طبعا تتكلم مع صنايعى بتاع تركيب السيراميك يفيدك اكتر فى الكميات اللى هيحتاجها بالظبط

المشاركة الأصلية كتبت بواسطة angel_wolf

لو سمحت يا بشمهندس عندى لستفسارين

الاول :سراميك الحمام عندى غامق ومحبب والصنايعة الله يسامحهم بعد التشطيب الارض بقت ملطشة باسمنت على جبس مش طبقات طبيرة لكن فى الفراغات بين التحبيبة بتاعت السراميك جربت ادعكها سلك اللامونيا مطلغتطش جربت فرش بلاط مطلعتش وطبعا ولا كلور نافع ولا صابون فايه المزيل اللى ممكن احطة يشيل الكلام دة لان الحمام متكلف كتير اوى اوى اوى والارضية شكلها زبالة

التانى :عندى حيطة فى الطرقة فيها خط بالعرض تحت ناشع رغم عدم وجود مواسير وراة ممكن يوكن رطوبة لان الحيطة على منور النقاش كان لسة مشميش من العمارة كحت الدهان القديم وصنفر وجملكة على الحيطة علشان تعمل عزل ودهن تانى وبردوا رجعت الرطوبة تانى وعملها بس دلوفتى مفيش حاجة بس انا مقلق لو اتكررت اعمل ايه بالظبط

ومتشكر جدا لحضرتك وتعبك فى المنتدى معانا

بالنسبه لنظافه السيراميك ممكن تستخدم فﻻش مياه نار مخففه و تسيبها على السيرتميك شويه و تجرب مممن تنفع و الله اعلم
بالنسبه للحواسط لو ظهرت تانى هات سيﻻر اسمه بينتريتنج سيﻻر من يوتن قوى جدا جدا و مناسب للحوائط دى

هتكلم ان شاء الله فى السطور القليله التاليه عن بعض المنتجات التى تستعمل فى الدهانات الخارجيه او الواجهات بناءا على طلب احد اﻻصدقاء فى المنتدى
الدهانات التاليه كلها تنتمى لمجموعه جوتاشيلد و جميعها بها مظهر حبيبى تختلف حسب التطبيق حبيبات عاليع او متوسطه او خفيفه كما سيظهر بالصور
اترككم مع الصور التوضيحيه









اى استفسار عن منتج معين من الصور اللى موجوده انا هوضحها اكتر لوحدها
و فى منتجات متنوعه اخرى من نفس العائله و لها تطبيقات مختلفه نقدر نقول ان المجموعه اللى فوق اسعارها مناسبه جدا
و المجموعه التاليه فيها اﻻقتصادى سعرا و لسه نازل حديثا





تحت امركم فى اى استفسار اخر