لو حد عنده استفسار عن الدهانات و الديكور و النقاشه عامه

**raedegypt** · 24-10-2014 07:01 PM

دهان باب الشقه باللون البنى
ممكن احلى لون ورقمه وازى نعمل نقشه التخشيب ال عليه ولون البطانه ال تحته
هل لاكيه ام جليس بنى ؟؟

**mohabeltahawy** · 26-10-2014 12:13 AM

انا مهندس مهاب الطحاوى الحل سهل و بسيط انشاء اللة بس تحتاج معاينة لاى استفسار كلمنى 01116681263

**kliken** · 26-10-2014 07:45 AM

المشاركة الأصلية كتبت بواسطة abokoko

السلام عليكم

هل ل حضرتك تعليق و افادة فى الموضوعين التاليين

http://www.nilemotors.net/nile/444909-a.html

هل ينفع الكمبروسر فى الدهان

http://www.nilemotors.net/nile/442442-a.html

هل بديل المحاره عملى ويعيش والدهان فوقه كويس

و عليكم السﻻم و رحمه الله و بركاته
بالنسبه للموضوع اﻻول دهان الحوائط بالكمبرسور ده مش حل عملى خالص و ما حدش بيفكر يعمله ﻻن الكمبرسور فى اﻻساس بيبهدل الدنيا حواليه بمعنى مثﻻ لو هتدهن جانب لون و احائط المﻻصق ليه لون تانى مش هتقدر ﻻنه هيلطخ الدنيا حواليه و لو جيت ترش القف هيبهدل الحوائطط و العزل بتاعه صعب
استخدام الروله و الفرشه اسهل كتير و ممكن تعملهم بنفسك برضه بدون اى صعوبه لو حبيت تعملها بنفسك و مش عارف ممكن ابقى اوضحلك تدهنها ازاى
بالنسبه للموضوع التانى لﻻسف ما سمعتش حد عملها او اعرف تعيش و ﻻ ﻻ

**kliken** · 26-10-2014 07:51 AM

المشاركة الأصلية كتبت بواسطة raedegypt

دهان باب الشقه باللون البنى
ممكن احلى لون ورقمه وازى نعمل نقشه التخشيب ال عليه ولون البطانه ال تحته
هل لاكيه ام جليس بنى ؟؟

ﻻزم حضرتك توضح هو الباب لسه خشب ابيض و ﻻ ﻻ
عموما لو مدهون قبل كده و حابب تغير لونه بس للبنى ففى الوان كتير بنيات حلوه فى يوتن بس انا ما اقدرش ارشحلك لون ﻻن اﻻلوان اذواق ممكن انا احب درجه حضرتك ما تحبهاش بنى محروق و ﻻ بنى شيكوﻻته و ﻻ بنى محمر و ﻻ بنى فاتح شويه فﻻزم تروح مركز تلوين دهانات و تتفرج بنفسك و ممكن موقع يوتن نفسه فيه برنامج color advisor بيخليك تقدر تتفرج على اﻻلوان و اكوادها
بالنسبه لنقشه التخشيب دى لها ﻻداه بتعملها ده لو انت ااباب اصﻻ مدهون لكن لو خشب ابيض يبقى اعملها استر على طول علشان تبين ثمره الخشب
ﻻكيه احسن لو دهان عادى لو عايز ثمره الخشب يبقى احسن الجليز

**moonston** · 19-05-2015 04:18 PM

السلام عليكم ...عندى استفسارين بعد اذنك
اولا سقف الصاله فيه اماكن غامقه بسبب الرطوبه وكده وفيه اماكن اتقشرت فانا عاوزه ارجعه لشكله الاساسى ...هو اكيد الاماكن اللى اتقشرت هاشيلها خالص وهيتسنفر مثلا بس هل لازم لما ادهنه يبقى برده بلاستيكمن العادى ده ...مش ممكن البلاستيك النص لمعه مثلا او لاكيه نص برده؟

تانى استفسار انا عندى مطبخ خشب قديم هاعيد دهانه مع العلم انى لازم اديله كم وش معجون لان هو كان مدهوم وخلاص من غير معجنة....السؤال هل معجون الخشب هو نفسه اللى باستعمله مع الحيطان؟
وطريقة فرد المعجون على الخشب اكيد بتختلف عن الحوائط...يعنى شفت واحد كان تقريبا بيضيف على المعجون لاكيه مط اللى هو اسمه سانيتون تقريبا لكن هل ممكن تخفيف المعجون لدرجة فرده بالفرشه ؟
ولا بيكون تخفيف بسيط وبيتفرد بسكينة معجون برده؟ دا اذا كان المعجون بيتضاف عليه اى حاجه اساسا..
سؤال كمان بخصوص باب الشقه انا كنت دهنته قبل كده والدهان طلع مش ناعم وانا عارفه المشكله لكن عاوزه افهم لما احب اعيد دهانه ..هل فيه وسيله او مواد معينه لازالة الدهان اللى مش ناعم ده ولا هاضطر اديله وشوش كتير من الدهان المط لغاية ماتختفى العيوب وادهن عليه تانى ؟؟؟؟
انا اسفه للاسئلة الكتيره معلش
سؤال كمان معلش ...لو حضرتك عندك فكرة ايه افضل نوع سيليكون موجود فالسوق المصرى للزق الزجاج"حوض السمك على وجه التحديد"

**4fun14** · 20-05-2015 09:19 AM

انا بشطب شقتى وبعد ما خلصت مرحله الجبس والمصيص..شايف دلوقت نشع على سقف المطبخ من الجار اللى فوقى ولون السقف اتغير..
الحل ايه؟هل اكسر المصيص ده واعمله من الاول؟ولا اجيب الممحر بس يضيف طبقه جبس جديده من غير ما يكسر القديم؟ولا النقاش يمعجن ويدهن ع الوضع الحالي وخلاص؟