لو حد عنده استفسار عن الدهانات و الديكور و النقاشه عامه

**aboezz44** · 18-02-2009 09:32 PM

جزاك الله خيرا
خير الناس انفعهم للناس
انا حضرتك شقتى على المحاره
كنت عايز اختار الوان هادئه وليست صارخه وتعمل تنوع فى الشقه لمنع الملل
انا عندى مدخل الشقه عباره عن طرقه يليها السفره والصالون والأنتريه فاتحين على بعض دا من ناحيه
الناحيه الأخري living room مفتوحه على الطرقه
وطبعا حجرة نوم كبيره وحجرة اطفال
وعايز ادهن بلاستيك قابل للغسيل
تنصحنى حضرتك ازاى اخدم الحيطه الأول
وبعدين ايه الألوان المتناسقه الى تمشى مع بعضها تبعا لظروف الشقه
وايه افضل نوع بلاستيك ممكن استعمله
وجزاك الله عنا خير الجزاء

**El.Hossieny** · 18-02-2009 10:57 PM

معلش سوال يا باشمهندس محمد .....

انا المفترض اني بعد 12 يوم من النهاردة يعني علي اول شهر مارس ( ان شاء الله ) .. عايز اعمل ورق حائط في غرفة صغيرة مقاسها 3.5 * 3.5 .. فكنت حابب لو اعرف مكان كويس اشتري منة و تكون اسعارة كويسة و موديلات شيك و كويسة

**kliken** · 19-02-2009 12:23 AM

المشاركة الأصلية كتبت بواسطة hookyelyak

احسن نوع دهانات بلاستك كيماتون ب200 جنية بستلة 14 ك
تانى احسن واحد جلتكس 20000 ب 175
جلتكس 10000ب 140
بتحط علية مركز الوان سكيب او قورا العلبة ب 3ج للالوان الفاتحة
المعجون شكارة 18 ك دايتون 26.5
سكيب 30.5
سايبس 40 16 ك
الدهان الزيتى احسن حاجة سانيتون مط 44ج
سنتال لامع60ج

مشكور يا باشا على ذكر الاسعار و معرفه للاعضاء طبعا بس الخامات دى مش احسن حاجه فى السوق و مش اجودها

**kliken** · 19-02-2009 12:45 AM

المشاركة الأصلية كتبت بواسطة aboezz44

جزاك الله خيرا
خير الناس انفعهم للناس
انا حضرتك شقتى على المحاره
كنت عايز اختار الوان هادئه وليست صارخه وتعمل تنوع فى الشقه لمنع الملل
انا عندى مدخل الشقه عباره عن طرقه يليها السفره والصالون والأنتريه فاتحين على بعض دا من ناحيه
الناحيه الأخري living room مفتوحه على الطرقه
وطبعا حجرة نوم كبيره وحجرة اطفال
وعايز ادهن بلاستيك قابل للغسيل
تنصحنى حضرتك ازاى اخدم الحيطه الأول
وبعدين ايه الألوان المتناسقه الى تمشى مع بعضها تبعا لظروف الشقه
وايه افضل نوع بلاستيك ممكن استعمله
وجزاك الله عنا خير الجزاء

انا فى خدمه حضرتك يا باشا
موضوع خدمه الحيطه انا كنت شرحته بالتفصيل فى اول الردود و مفهوش اختلاف لاى شقه
بالنسبه للالوان الهاديه و تناسق الالوان حضرتك ممكن تختار الوان الصاله و السفره و الانتريه يكون لونين او تلاته بالكتير و يكونوا ماشين مع بعض و متناسقيه و منهم لون اساسى يكون لون فاتح جوكر يعنى زى كريمى او كافيه فاتح يمشى مع اى لون و بالتالى ما يتعبكش فى اختيار عفش او باقى الوان الحوائط
الغرف ممكن تختار ليها لونين و يكونوا جنبين و جنبين او جنب غامق و تلاته فاتحين حسب ما حضرتك تفضل لو لونين قريبين من بعض اعملهم جنبين و جنبين و لو لون غامق اوى اعمله فى جنب واحد و الباقى الغامق بتاعه
و الوان الغرف اللى ماشيه مع بعض ممكن اصفر كنارى مع ازرق زهرى او مع اورانج او مع موف غامق بالنسبه لغرف الاطفال
و بالنسبه لغرف النوم الموف فاتح و غامق و روز و ممكن سيمون
و بالنسبه للخامه كبلاستيك قابل للغسيل ارشحلك يوتن طبعا فى حاجه سعره معقول اسمها فينوماستيك يتغسل لو بسلك مواعين و البستله بتاعته كمبيوتر بدرجه اللون بتعمل فى حدود 270 جنيه و ممكن تزيد شويه لو لون غامق و خامه تعيش معاك العمر و معدل فردها كويس و فى اغلى و فى ارخص برضه فى يوتن بس الخامه دى جامده جدا و مفيش زيها فى الماركات الاخرى و عن ثقه
و تحت امر حضرتك فى اى استفسار اخر

**kliken** · 19-02-2009 12:48 AM

المشاركة الأصلية كتبت بواسطة El.Hossieny

معلش سوال يا باشمهندس محمد .....

انا المفترض اني بعد 12 يوم من النهاردة يعني علي اول شهر مارس ( ان شاء الله ) .. عايز اعمل ورق حائط في غرفة صغيرة مقاسها 3.5 * 3.5 .. فكنت حابب لو اعرف مكان كويس اشتري منة و تكون اسعارة كويسة و موديلات شيك و كويسة

بص يا باشا فى ناس فى مدينه نصر جامدين بس الاسعار انا مش عارف حضرتك عاوز فى رينج كام و ورق اطفال و لا ديكورات يا ريت حضرتك تجاوبنى و انا هحاول ان شاء الله افيد حضرتك بانسب مكان تشترى منه

**hookyelyak** · 19-02-2009 01:41 AM

[quote=kliken;666933]مشكور يا باشا على ذكر الاسعار و معرفه للاعضاء طبعا بس الخامات دى مش احسن حاجه فى السوق و مش اجودها[/quote
على فكرة الكيماتون أحلى بكتير من اليوتن (بمراحل)ومعجون السايبس احلى من معجون يوتن برده.
اليوتن حلو للالوان الغامقه فقط الى بتتركب فى مركز التلوين.

**kliken** · 19-02-2009 01:50 AM

[QUOTE=hookyelyak;667101]

المشاركة الأصلية كتبت بواسطة kliken

مشكور يا باشا على ذكر الاسعار و معرفه للاعضاء طبعا بس الخامات دى مش احسن حاجه فى السوق و مش اجودها[/quote
على فكرة الكيماتون أحلى بكتير من اليوتن (بمراحل)ومعجون السايبس احلى من معجون يوتن برده.
اليوتن حلو للالوان الغامقه فقط الى بتتركب فى مركز التلوين.

الخبره دى عند حضرتك منين و حضرتك حكمت على الجوده على اى اساس فى مقارنتك
الكيماتون طبعا مش احلى من يوتن و اقل كتير جدا جدا من يوتن كخامه
معجون سايبس فى نقاشين بيفضلوه عن يوتن عشان بيتفرد معاهم على الحيط اسرع لانه خفيف و برضه مش معناه انه احسن

**hookyelyak** · 19-02-2009 03:00 AM

احنا شغالين فى البويات من سنة 59
ابويا هوا الى قال ان الكيماتون احلى من اليوتن (ابويا فى الشغلانة دى من وهوا صغير)
وكل الناس الى شغالة فى البويات عارفة ان الكيماتون هوا نمرة واحد(بلا منافس)
حتى ان اليوتن مالوش شغل الا فى مركز التلوين

**mando_07** · 19-02-2009 06:46 AM

Kliken basha really u rocks thanks man for your helps w insha2 allah fe mezan 7sanatk

**MissHappy** · 19-02-2009 12:43 PM

المشاركة الأصلية كتبت بواسطة kliken

لو الشقه 100 متر على المحاره ممكن تتكلف حوالى 2500 جنيه خامات و الخامات كمان محترمه جدا حاجه نضيف و هتزيد لو هتعمل حبه ديكورات من ورق حائط او معجون رخام او texture بارز او بيرل (شبيه للقطيفه) و دى حاجات بتتعمل فى جنب واحد فى الصاله مثلا او ريسيبشن او خلفيه لغرفه النوم و الحاجات دى ممكن تشوفها على الطبيعه فى مركز تلوين دهانات و ممكن لما حضرتك تنوى اقول لحضرتك اقرب اماكن تشوف فيها كل حاجه من الحاجات دى

اولا شكرا لحضرتك على تطوعك الجميل

سؤالى بئا هو

لو الشقة نفس المساحة بس مش على المحارة
هنجدد الدهان تانى من اول وجديد ومع نفس الديكورات الزريادة اللى هختارها مع الدهانات
يا ترى تتكلف كام ؟

وشكرا لحضرتك مرة تانى