تسلم يابشمهندس على المجهود الرائع وربنا يجزيك الخير
هل ممكن ادهن الحيطان بالمسدس الكهرباء الجديد(بدل الكمبروسور والمسدس العادى)
اصل انا شوفته عند الموان وهو مش عارف ينفع دهان الحيطان ولا لا
تسلم يابشمهندس على المجهود الرائع وربنا يجزيك الخير
هل ممكن ادهن الحيطان بالمسدس الكهرباء الجديد(بدل الكمبروسور والمسدس العادى)
اصل انا شوفته عند الموان وهو مش عارف ينفع دهان الحيطان ولا لا
الدهان كان معمول يدوي بس انا معرفتش عمله إزاي فبالتالي انا متصور انه كان ابيض وهو لونه ..ولكن ارجوا انك تنصحني بنوع بويه زيت و اللون بتاعه و كيفيية تخفيفه (تربنتينه اعتقد) . السبونج كان لون بني مط هو مدربه علي ايده برضه و للإسف معرفتش نوعه و كان عامله بقماشه بشكل عشوائي و لكن اي نوع دهان يصلح في الحاله دي ؟
ربنا يخليك حضرتك نورت الموضوع
الحسبه 45 متر زى ما انت حاسب بالظبط اﻻ شويه هههه
اللون الفاتح محير جدا ﻻنى لما بكبر الصوره بتغمق و تفتح اقرب لون انا شايفه هو
s1002-y50r بس ﻻزم تروح تشوفه بنفسك على الطبيعه علشان تتأكد انه اقرب ما يكون للى انت عاوزه و ﻻ محتاج تفتح او تغمق شويه حسب تخيلك
انت تقريبا هتحتاج ل 3 حوائط جالونين و تمن الجالون 100 جنيه تقريبا و موضوع الفرش و الروﻻت ده عادى مش هتعمل 30 جنيه
اى استفسار تانى معاك
باشمهندسنا. ايه رايك فالارضيات الباركيه او ال phd علي مااعتقد الاسم كدة صح او غلط مش فاكر اللي هو خشب صناعي تقريبا بما ان الباركيه الخشب الطبيعي غالي. المتر فيه بيعمل كام بعد اذنك وياتري عملي ولا لونه بيغير مع الغسيل والحكات ولا ايه ظروفه ؟؟؟؟
انا شايفها عمليه جدا و شكلها شيك بصراحه و هو اسمها hdf و ليها درجات كتير و اسعار حسب الصناعه و عوامل تانيه
اهم حاجه فى اختيارك هو موضوع مقاومه الخدش لل hdf و له درجات و انى اللى انا شاته و اتعاملت معاه فى السوق كان بيبدأ من 31 الى 33 و طبعا كل ما بيزيد بيبقى احسن
العامل التانى هو سمك البﻻطه و اللى موجود فى السوق بيبدأ من 6مم الى 12 مم و طبعا برضه لما بيزيد بيبقى افضل و 8مم معقول
و هو كويس جدا بس طبعا مش بيركب فى اى مكتن معرض للماء ﻻنه مصمم انه يتمسح بقماشه مبلوله او منديه لكن مش بيتمسح بميه
و اﻻسعار بتبدأ من حوالى 67 صينى و بتوصل لفوق ال 100جنيه حسب الصناعه و السمك زى ما ذكرت فى اﻻول
اى استفسار تانى انا معاك
الله ينور عليك ياهندسة هو hdf .٣١ لحد ٣٣ ده سعر للمتر ولا درجة ولا بيعبر عن ايه ؟؟؟ انا ناوي عليه في غرف النوم وممكن فالليفنج برده لاني حاسس انه بيدي احساس بالدفا غير السيراميك او البورسلين تحس انك اعد في حمام طول الوقت ومهما حطيت سجاجيد برده البرد ظاهر. فمتهيالي كدة يبقي سهل تنظيفه بمب معصورة وخلاص.
فالراجل اللي قالي عليه قالي ان في انواع الماني وبلجيكي تقريبا افضل من الصيني من ناحية الخامة وتحمل الحكات.
كمان سوال بعد اذنك ياهندسة انتا قولتلي ان السبكة مش شغلك خالص طب تعرف حاجة عن الجاكوزي لاني بفكر فيه بصراحة.
ةمعلش تاعبينك معانا بقي.
ده برشور الموديل الصينى اللى قلتلك على سعره و دى اشكاله و باين معامل مقاومه الخدش 31
http://imageshack.com/a/img5/4680/tmue.jpg
بص يا باشا اللى انا اتعاملت معاهم و اعرفهم اﻻلمانى و السويسرى و هم افضل طبعا من الصينى بس اهم حاجه فى اختيارك ما تقلش عن سمك 8مم و معامل الخدش يبقى 32 فيما فوق و هو فعﻻ اختيار كويس للغرف
و لﻻسف مش بعرف فى السباكه فمش هقدر افيدك
الف شكر ياهندسة. لو حبيت استفسر عن حاجة تانية هجيلك . اوعا تزهق ها.
السلام عليكم يا هندسة ربنا يجازيك خير على الموضوع ده إن شاء الله
ندخل فى الموضوع مباشرة
أنا اشتريت شقة الصافى بتاعها حوالى 105 متر فى مشروع سكنى هنا فى اسكندرية هستلمها كمان سنة ان شاء الله.... طبعا الشغل كله تجارى من نوع اقلب عشان نشوف مشروع غيره بداية من المحارة اللى فيها تنميل كتير رغم انى لسه هستلم الشقة كمان سنة و النقاشة التسليم هيكون بسكينتين معجون بس.
فأنا ناوى إن شاء الله أقولهم خليلكم سكينتين المعجون بتوعكم دول و هخصم تمنهم من دفعة الاستلام و أقوم أنا بموضوع النقاشة على أساس صحيح و بشغل نضيف يعيش.
دى الخطوات اللى ناوى اعملها على حسب قراءتى من النت و الأسئلة لكل خطوة و لو فيه اى غلط او نقصان يا ريت حضرتك تصححه و تنصح بيه:
1- المراشمة
(صنفرة بالحجر أم بسكينة المعجون أم بالصاروخ)
2- وش سيلر مائى
( إيه أحسن نوع ممكن أستخدمه اذا كان يوتن او اى نوع تانى مش يوتن)
3- وش معجون أسمنتى عشان التنميل بتاع المحارة
( إيه أحسن توع معجون أسمنتى موجود بالسوق يوتن و لا فيه انواع تانية)
4- 3 وش معجون
(ما الأفضل المعجون البلدى أم المعجون الجاهز و إيه أفضل نوع من اى من الاختيارين)
5- 3 وش بلاستيك
(ايه الانواع الموجودة من يوتن فينوماستيك أو اى نوع تانى من يوتن و ايه اللى حضرتك ترشحه للاستخدام)
أكيد هيكون فيه حيطان هتتعمل ستوك أنتيك و ليدى بيرل..... السؤال هنا ايه أحسن التصميمات اللى تمشى مع العفش المودرن؟
الشقة عبارة عن
1- 3 حجرات 3.8*3.4 و 3.4*3.8 و 4.3*3.4
2- ريسيبشن 9*3.3
3- صالة مدخل 2*2.8
4- طرقتين 110سم*3.4 م و 1*4.9
يوجد 4 أبواب عايز أرشهم أستر على لونهم أو بنى و لو فيه حاجة أفضل بموضوع الرش ده ممكن تنصحنى بيها.
عايز أعرف التكلفة للشقة كلها كام من الخامات اللى حضرتك هترشحها؟
و لو صنايعى هيقولى مقاولتها بالمصنعية و الخامات ممكن يقولى كام؟.... أو مصنعيته هو لوحده تكون كام من غير خامات؟
أسف للاطالة و لو فيه أيه أسئلة أخرى معلهش هنتقل عليك فيها
جزاك الله كل خير
ان شاء الله تستلم على خير
1 المراشمه بسكينه المعجون
2 السيﻻر المائى فى يوتن كويس اسمه بى فى ايه برايمر و بتاع glc برضه كويس
3 موضوع معجون اسمنتى ده غريب و مش عارف اظن انط تقصد بيه مهجونه الممتاز اللى هى بتبقى بودره و بتضرب و بتبقى قويه و بتستخدم اكتر للاماكن الخشنه اوى بس انا شايفها خطوه ما لهاش ﻻزمه
4 سكاكين المعجون 3 كويس و ممكن لو اامحاره وحشه تحتاج سكينه 4 و المعجون الجاهز احسن و اريح و فى معجون يوتن او سايبس او glc
5 البﻻستيك حضرتك تدى وش بطانه بس ما يبقاش تعبان اوى حاجه متوسطه فى يوتن اسمه ديروسان و بعدين تشطيب بوشين فينوماستيك بﻻستيك
رقم تقريبى خامات الشقه من المعجون للفنش حوائط تخش فى حوالى 3000 جنيه من غير ديكورات و ممكن تقل شويه بسيطه و موضوع المصنعيات ده بيفرق من مكان للتانى عندنا ممكن يخش فى حدود 5000جنيه حوائط بس بديكوراتها بس ديكورات فى المعقول
و بالنسبه للديكورات دى بحرها واسع جدا ﻻزم تحدد انت هتعمل ايه علشان اقدر افيدك اكتر و انا هحاول ارفع كام صوره فيهم شويه ديكورات لسه نىزلين موضه جداد من برشور يوتن
اى استفسار تانى انا معاك يا باشا ان شاء الله
الموضوع هيتكلف تمن علبه الليدى جليز و بتكون فى حدود 80 جنيه او اقل شويه و بتجيب اداد بتدى شكل ثمره الخشب فى حدود 15 او 20 جنيه بتديك شكل ثمره الخشب و بتبقى شكلها معقول بس طبعا مش زى ثمره الطبيعيه ممكن ابقى اصورلك شكل اﻻداه علشان تبقى متخيل الشكل النهائى اللى بتطلعه بس اول ما اروح المركز عندى هصورهالك
تحت امرك فى اى استفسار تانى
دى بعض اشكال ديكورات جديده منزلاها يوتن علشان كنت قلت هعرض بعض اﻻشكال
http://imageshack.com/a/img17/9926/kybn.jpg
و دى صوره اﻻداه اللى بتعمل ثمره الخشب كما ذكرت لاستاذ tza
http://imageshack.com/a/img43/5075/njde.jpg
شكرا لحضرتك جزاءاك الله كل خير ...
كنت عاوز اسئل حضرتك انا عندى البالكونه لفه بطول وعرض الشقة فيها 2 بلكونه + 2 شباك وعاملهم بارات خشب من بره ودهنهم لاكيه المهم قشرت فى بعض الاماكن فمفيش اى حاجة تدهن على اللاكيه تمنع تقشيره نتيجة للمياه واشعة الشمس
متابع
+++1
انا اسف على التطفل مرة تانى ...
انا عندى سرير و دولاب لونهم ازرق وبيلمع واعتقد انهم مرشوشين مش مدهونين ...
وبصراحة انا قرفان من لونهم جدااا وعايز اخليهم لون بنى محروق ومطفى وانا ان شاء الله هعمله هل ينفع وايه البوية اللى هستخدمها ؟؟
وانا اسف على الكلام الكتير
1- ازاى استلم شغل النقاشة
سواء فى كل مرحلة بعد كل وش
او بعد التأسيس ككل او الاستلام النهائى
2- ايه اهم الملحوظات الواجب الانتباه اليها
3- هل يوجد فائدة لدهان سيللر بعد المعجون
لو حضرتك عاوز تتابع بعد كل مرحله يبقى مهم انك تتابع بعد المراشمه ان الحواط نضيفه علشان يبقى السيﻻر و المعجون على نضافه
و بعد كده بعد السكينه الثالثه للمعجون ﻻزم ان الحوائط تبقى ناعمه و متصنفره كويس و السوك تبقى مظبوطه اللى هى اركان الحوائط
و بعد كده الدهان يبقى مغطى كويس و مش مكشف و مفهوش اى رايش و فى حاله ان فى حوائط متجاوره بالوان مختلفه يبقى الفاصل بينهم مظبوط
لكﻻم ده كله بالنسبه للتشطيب العادى للحوائط و الديكورات بتختلف طبعا او ورق الحائط فى التشطيب المفروض تبقى واخد بالك من المﻻحظات اللى فاتت
بالنسبه للسيﻻر فائدته اﻵتى
هو يعتبر بادئ للحوائط يعطى طبقه اوليه لعزل الحوائط اﻻسمنتيه و تجهيزها للخطوات المتتاليه
و يوجد منه اﻻنواع اﻻقوى بتغلق مسام الحوائط لكى تتم معالجتها و ذلك بالتغلغل داخل مسام اﻻسطح و تثبيت الاجزاء المفككه منها و تحسين حاله ا لتصاق لطبقات الدهان المتتاليه و النوع ده بيستخدم فى الحاﻻت اللى بتكون الحوائط فيها مشاكل علشان سعره اعلى من النوع اﻻول باربع اضعاف تقريبا
اى توضيح تانى تحت امر حضرتك
استفسار ياباشمهندس ، هل ممكن استخدام دهانات يوتن جوتاشيلد في التشطيبات الداخلية على اعتبار انها تتحمل الظروف القاسية ، وما هو فرق التكلفة بينها وبين يوتن فينوماستيك .
تحياتي.
هو ينفع عادى مفهوش اى مشكله و فى ناس بتعمل كده فعﻻ ﻻن فرق الفلوس بين بستله الفينوماستيك و بستله الجوتاشيلد حوالى 40 جنيه مش مبلغ بس هتقابلك مشكله ان الجوتاشيلد مش بينزل منه جوالين و بالتالى كل شغلك هيبقى بستﻻت و لو هتلون اكتر من لون فى غرفه واحده هتهدر دهانات كتيره و علشان كده القصه دى مش عمليه و قليل اللى بيعملها
و وجهه نظريه الشخصيه انك مش محتاج لدهان يتحمل ظروف قاسيه و ﻻ حاجه الدهان الداخلى اهم حاجه فيه قابليه الغسيل و معدل الفرد و التغطيه و دول يعتبروا زى بعض فى اﻻتنين الجوتاشيلد بيتفوق فى تحمل عوامل الجو اللى هى عتمل غير موجود داخل المنزل
لو محتاج حاجه اعلى من الفينوماستيك العادى فى فينوماستيك مقاوم للبقع ده حكايه و فى فينوماستيك هاى جين صحى برضه اعلى شويه
اى توضيح تانى تحت امرك
فى يوتن اكتر من نوع ﻻكثر من تطبيق و فى glc برضه كويس سعر ال glc تقريبا نفس سعر البرايمر العادى بتاع يوتن اللى هو بيعمل 70 جنيه
و فى النوع اﻻقوى اللى كنت بتكلم عليه ده متوافق مع الحوائط اللى كان فيها مشاكل زى مثﻻ حوائئط ضعيفه قديمه او حوائط كانت بايشه من الماء كده يعنى و اسمه بينتريتنج سيﻻر و الجالون ب 90 جنيه فيعتبر اغلى اربع اضعاف تقريبا من النوع العادى للحوائط اللى مفهاش مشاكل
موضوع ان الحوائط منمله مش هيفرق فى نوع السيﻻر هتجيب نوع سيﻻر عادى بس تعالج التنميل لو مسمع جامد بمعجون خاص بالشروخ بعد البرايمر
و فى دهان بيتمدد و يقدر يغطى بنسبه 1مم مع التنميل و الشروخ البسيطه و بالتالى ممكن يبقى مفيد مع الحوائط عندك
و النقاشىمش بيتخد عليه حاجه اوفر فى المصنعيه هو مع شغل الشقه و اﻻتفاق العادى دهان سيﻻر الشقه كلها مش بياخد يوم اصﻻ
اى استفسار تانى تحت امرك
انا شقتى حوالى 85 متر متشطبة بس عايز اغير لون البيااض بتاع الشقة كله صالة وغرفتيين بس الصالة كبيرة شوية يكلفنى كااام خامات ومصنعية ؟؟ وشكرا وايه اللون اللى يتعمل فى الصالة يبقى حلو ؟؟؟
انا عندى شقة على المحارة
النقاش عمل الاتى
1- شال الجبس من الحوائط بالسكينة : الموضوع ده اتعمل بسرعة حوالى ساعتين
2- وش سيللر
3 -وش معجون
4- وش معجون
5- وش بلاستيك مع سيللر
سؤالى لحضرتك
1 -هل فيه فائدة للسيللر مع البلاستيك ولا كان الافضل بلاستيك بس
2- الحوائط بعد الشغل ده فيها خشونة ومحتاجة تتصنفر - علماً بانها كانت بستلة جديدة غير اللى اشتغل بيها فى اول وش بعد المحارة -
فهل السيللر بيتصفى اثناء الشغل علشان اى رايش يتشال منه ؟؟؟
و هل الخشونة دى سببها السيللر فهتكون طبيعى ؟؟؟ ولا انه دهن بلاستيك وسيللرر بدون صنفرة لانى مش عارف هو صنفر هنا ولا لا وتكون خطأ منه ؟؟؟
3- السقف مش اتعمل لا بلاستيك ولا معجون ، هل مش مستحب انه يتعمل بعد السيراميك ولا عادى ؟؟؟؟
بص يا باشا لو حاله الحوائط كويسه و مفهاش اى مشاكل يبقى ممكن تدهن وشين على طول على الدهان القديم بالالوان اللى هتختارها
بالنسبه للخامات هتتكلف فى حدود 1500 جنيه بشويه الاكيهات للنجاره و بالنسبه للمصنعيات دى بتفرق من مكان للتانى اسعار المصنعيات بس فى المتوسط تتكلف 2000جنيه فى الحدود دى و ده لو من غير ديكورات و لو هتشتغل ديكورات كتير هتزيد طبعا
و بالنسبه لﻻلوان ممكن تخش على موقع يوتن و تتفرج على تناسق اﻻلوان مع بعض و موقع الشركه برضه على الفيس
انا مع حضرتك فى كل الخطوات اللى تمت حتى اﻵن بس تعليقى على نقطه رقم 5 افتكاسه من الصنايعيه موضوع خلط البطانه بالسيﻻر و انا اعرف صنايعيه بيحبو يبطنو بسيﻻر بس من غير خلطه و ده على اساس انه بيبقى اقوى و ده كﻻم فارغ بس ما تقلقش مش بيأثر علىىالحوائط فى اى تأثير سلبى مفهاش مشكله ان شاء الله و كان اﻻفضل انه يبقى بﻻستيك بس
بالنسبه لموضوع الصنفره المفروض انه كان صنفر بعد الوش التانى للمعجون قبل البطانه كانت الحوائط هتختلف معاك و طبعا ساعات بيبقى فى رايش فى البﻻستيك او السيﻻر و بيتصفى قبل الشغل
حضرتك ممكن تسيب الح ائط على كده عادى و بعد السيراميك يبقى تنصفر الحوائط و تديها السكينه التالته معجون و يصنفر بعدها بصنفره ناعمه و الحوائط هتتظبط ان شاء الله
هو السقف عند حضرتك معمول ايه محاره و ﻻ جبس مصيص يعنى ؟
طالما معمول مصيص يبقى مش محتاج معجون كده واقف على وش نهائى ابيض و لو هتلون فيه الوان مختلفه هيبقى وشين
و بالنسبه للجيبسون بورد اامفروض انك مستلمه متمعجن و متقفل بعد ما يتدهن لو احتاج شويه شغل تلقيط يبقى على قدها بس و بعدين يتفنش باﻻلوان بتاعته برضه
تحت امر حضرتك فى اى استفسار