لو حد عنده استفسار عن الدهانات و الديكور و النقاشه عامه

**Abo Yasso** · 03-12-2013 04:20 PM

السلام عليكم
اول حاجه واجب الشكر لحضرتك
1-الباب بتاع الآوضه عندى ريح (بقى فى فرق كده بين البويه والباب ) مش عارف ده اسمه ايه مش قادر اوصف
يمكن عشان انا جبت الباب جاهز !!! ومعملتوش عموله ومتعملوش كبس صح !!!! مش عارف
بعد ازنكو اعمل ايه بقى عشان المكان باين قوى بداير الباب من ناحيه الفواصل اللى فى النص
حد فاهم حاجه !!!!!!!!
انا نفسى مش فاهم
2- الحيطه عندى فيها رطوبه من تحت خالص فوق السفل مباشره مع العلم ان ظهر الحيطه مش الحمام او المطبخ ظهرها أوضه عاديه حلها ايه يا غالى

**kliken** · 04-12-2013 12:22 AM

المشاركة الأصلية كتبت بواسطة a.saad

سؤال عن التجهيز للدهان
النقاشة علشان تكون سهلة ومش تاخد خامات وتجهيز بتعتمد على جودة المحارة
اللى اعرفه ان المحارة بيتحكم على جودتها لاننا نجيب دراع المويتال ونحطه عليها ونشوف هل فيه فروق بينه وبين المحارة ولا لا
السؤال بقى : هل الفروق لازم تكون مش موجودة خالص ويكون سطح المحارة زى السيراميك مستوى تماما
ولا فيه نسبة فروق مسموحة بين المحارة والدراع وبتكون قد ايه تقريبا

كﻻم حضرتك مظبوط جدا ﻻن طول ما المحاره خشنه هتاخد وشوش كتير معجون و ده هدر للخامات
موضوع دراع اﻻلوميتال ده بيسموه تدريع الحيطه او وزن الحيطه للتأكد ان المحاره مظبوطه و مفيش مطبات و المفروض ما تكونش موجوده خالص طبعا ﻻنها لو موجوده و دراع اﻻلوميتال منور وراه يبقى عيب من الصنايعى بس لو حاجه بسيطه اوى ممكن تعديها ﻻنها هتتدارى مش هتبقى باينه بعد المعجون انما لو كبيره المعجون مش هينفع يدارى مطب فى حيطه باين و هتبقى الحائط معيوب

**kliken** · 04-12-2013 12:28 AM

المشاركة الأصلية كتبت بواسطة akramlail

عندى مشكله السقف بيقشر وانا اخر دور ودهنته ومعجنته بمجهودى الذاتى وبردو قشر بعد كام شتوايه اى الحل ارجوووووووك

فى سيﻻر قوى فى يوتن اسمه بينتريتنج سيﻻر pentrating موجود فى اى توكيل يوتن
و ده تدهنه قبل المعجون و ان شاء الله يجيب نتيجه كويسه معاك بس قشر السقف كويس قبل الدهان

**kliken** · 04-12-2013 12:33 AM

المشاركة الأصلية كتبت بواسطة البليهيس

بشكرلك زوقك وطولة بالك طب معلش ممكن تقترح عليا الالوان انا حجيب كله يوتن وعشان كده بسال حضرتك عوزه حاجه تساعدني وتكون بتتفرد بسهوله علي الحيطه تساعدني اني اخرج حاجه حلوه وعوزه درجات الالوان الحلوه في السيمون والكافيه الفاتح الاولي وعوزه درجه حلوه للروز وللاخضر التفاحي وللبيج الدهبي قريب من لون الاسد كده ياريت تساعدني يارب يخليك في درجات الالوان وكمان السيلر عرفت ان فيه تقيل وعادي زي محضرتك قلت قبل كده ايه احسنلي علشان الدهان يعيش وبشكرك

السيﻻر العادى كويس و عملى و سعره معقول و السيﻻر اﻻقوى ده غالى و له تطبيقات علشان تستفيدى منه و ما ترميش فلوس فى حاجه ما تستفيديش منها و السسﻻر العادى اسمه بى فى ايه برايمر B V A primer و اﻻقوى اسمه بينيتريتنج سيﻻر
بالنسبه لﻻلوان يفضل طبعا انك تختارى من اى مركز ليوتن على الطبيعه بس ممكن برضه تخشى على موقع يوتن و تبصى بصه على اﻻلوان اﻻول كفكره بس طبعا مش هيغنى عن مشوار ﻻقرب وكيل لحضرتك

**kliken** · 04-12-2013 12:39 AM

المشاركة الأصلية كتبت بواسطة wael_kamel

السلام عليكم
اول حاجه واجب الشكر لحضرتك
1-الباب بتاع الآوضه عندى ريح (بقى فى فرق كده بين البويه والباب ) مش عارف ده اسمه ايه مش قادر اوصف
يمكن عشان انا جبت الباب جاهز !!! ومعملتوش عموله ومتعملوش كبس صح !!!! مش عارف
بعد ازنكو اعمل ايه بقى عشان المكان باين قوى بداير الباب من ناحيه الفواصل اللى فى النص
حد فاهم حاجه !!!!!!!!
انا نفسى مش فاهم
2- الحيطه عندى فيها رطوبه من تحت خالص فوق السفل مباشره مع العلم ان ظهر الحيطه مش الحمام او المطبخ ظهرها أوضه عاديه حلها ايه يا غالى

و عليكم السﻻم و رحمه الله و بركاته
بص يا باشا اللى فهمته من موضوع الباب انه بقه فيه فروق واضحه فى الباب نفسه و على الداير بتاع الحلق و الفواصل و دى ﻻزم حد نقاش كويس فى الخشب يرمهولك و هيستخدم معجون ستوك و هتاخد منه شغل علشان يظبطه
موضوع الحيطه اللى فيها رطوبه طالما متأكد مورهاش مواسير مياه ممكن تولع عليها بشبورى شويه النار بتاعته هتنشف الحيطه من اى رطوبه و بعدين تدهن سيﻻر قوى و بعدين تمعجن و تدهن عادى

**شريف** · 04-12-2013 03:21 PM

متابع

**kliken** · 04-12-2013 10:20 PM

المشاركة الأصلية كتبت بواسطة شريف

متابع

منور الموضوع يا باشا

**MTAK** · 05-12-2013 04:20 AM

ما رديتش علي ليه ياباشا

**Seifmando** · 05-12-2013 12:59 PM

السلام عليكم

استشارة من فضلك
شقتي بدأ يظهر فيها شروخات بسيطة جدا كانها مرسومة بالقلم الرصاص مع ان العمارة كلها لسة مبنية من 8 سنين

هل دا طبيعي ولا دا عيب في المحارة والنقاشة وايه الحل
شكراً

-

الموضوع: لو حد عنده استفسار عن الدهانات و الديكور و النقاشه عامه

LinkBack

أدوات الموضوع

عرض

-

-

-

-

-

-

-

-

المواضيع المتشابهه

استفسار بخصوص الدهانات

استفسار فى انواع الدهانات

استفسار بخصوص الدهانات ..

حد عنده فكرة عن انواع الدهانات فى السوق و اسعارها

استفسار بخصوص الديكور

الكلمات الدلالية لهذا الموضوع

المفضلات

المفضلات

ضوابط المشاركة