الحمد لله استلمت النيو اكسنت من يومين
الحمد لله استلمتها من يومين و عملت بيها 300 كم و كانت ملاحظاتى لها كالتالى :
العربية مستواها راقى جدا فى كل شىء التقفيل و الابواب و الصالون .
ناعمة جدا و موتورها قوى بس مقدرتش ازود عن 90 عشان التليين
الفتيس حسيت انة تقيل شوية فى اول نقلة بس يمكن انتا اللى لسة ماخدتش علية
نظام الصوت فيها جيد جدا و ممكن تشغل ال mp3 عن طريق فلاشة يتم توصيلها بالكاسيت
الثبات مقدرش احكم علية لانى مجربتش السرعات العالية بس مبدئيا العربية و انت ماشى 90 متحسش انها ماشية اصلا و دة يدى انطباع مبدئى ان ثباتها كويس
الغريب ان اول يوم اشتريتها و بعد ما ركنتها و طلعت البيت .. جيت انزل باليل و بفتح المراية اليمين بايدى و انا جوة العربية لقيت كف المراية الزجاج و قع فى الارض و اتكسر انا قلت يا واد طنش و ماتخدش فى بالك خالص شلت اللى وقع و مشيت ، وصلت مشوار لغاية وسط البلد و انا نازل الاقى الفردة الشمال على الارض .. طبعا عرفت انها واخدة عين حلوة و فى اول يوم طلعت الكوريك و ركبت الاستبن
