انا لسة بتعلم سواقة.........بس نفسى اجيب زيرو وكتير قالولى بلاش وهات مستعمل,عاوز نصيحة
عرض للطباعة
انا لسة بتعلم سواقة.........بس نفسى اجيب زيرو وكتير قالولى بلاش وهات مستعمل,عاوز نصيحة
هات زيرو وحافظ عليها لغاية متحترف السواقة ...اصلها السواقة مش كيميا يعني
انا زيك بالضبط ياباشا...كنت مبتدا سواقه ...وجبيت زيرو على طول...
هو الافضل لو عرفت تجيب حاجه مستعمله بس حالتها نظيفه...عشان ماتكونش خايف عليها...بس لو العربيه اللى عاوزها مافيش منها مستعمل نظيف توكل على الله وهات جديد...وحافظ عليه وكله هيبق تمام ان شاء الله.
انا رايى تجيب مستعمل الاول حاجة تكون قطع غيارها متوفرة و رخيصة و بالذات الصاج و الرفارف لانك ادام هتتعلم عليها يبقى هتتخبط منك دى قاعدة ..
و اما تتعلم و تتجرأ خش فى الزيرو
على فكرة انا بقالى 4 سنين معاية عربية و بسوق كويس جدا
و لسة جايب عربية زيرو .. مش عايز اقولك انا كنت مرعوب و انا سايقها اول مرة لان اى حاجة فيها هتكلف كتير ، و حاسس ان انا لسة بتعلم .. ما بالك بواحد لسة بيبتدى ا ب سواقة
لسة محتار ومش عارف.كل المستعمل الى شفتة فية قلق...عموما متشكر يا جماعة على مساعدتكم
كان لسه في نفس الموضوع مع عضو تاني امبارح ممكن تشوف المشاركات في الموضوع بتاعه علشان تقدر تقرر
انا افضلك الزيرو وحافظ عليها
انا عن نفسي بشجع انك تجيب حاجه مستعمله قديمه
علشان تقدر تتعلم سواقه وتصليح أعطال
يكون عندك خبره بمعنى اصح
وبعد كدا اما تكون متمكن وواثق من نفسك توكل على الله وهات زيرو
والاختيار اختيارك
انا بقا رأيى اللى بيخاف من العفريت بيطلعلو
انت لو شايف نفسك بتسوق كويس يبقى توكل على الله و هات عربية زيرو او مستعمل ترجع ليك
لكن انا رأيى ان الزيرو احسنلك و هيريحك
و لو شايف نفسك لسة ملكش فى السواقة اوى خدلك كورس تبع اى مركز تعليم بس مشية على مزاجك والله انا اول مرة اتعلم يدوب عرفت ازاى امشى العربية و مفيش ربع ساعة و روحت طالع جسر السويس>>النزهة>>صلاح سالم
اهم حاجة انك تكون بتحب السواقة و مستمتع بيها و ربنا يستور طريقك يا رب