الموضوع: مشروع التاكسي

[QUOTE=jusuf;664576]

المشاركة الأصلية كتبت بواسطة ;662305

بص سعادتك الابونيه بيتقال عليه انه من حق العربية
بمعني ان المشارك في العربية او بياخد من ايرادها له فيه نصيب
يعني ايه بردو؟

يعني لو السواق شغال باليومية = ملوش
لو السواق شغال بنسبة في الايراد بحد اقصي = ملوش
لو السواق شغال بنظام التلت والتلتين = له نصيب
انما ازاي؟؟؟ هو ده السؤال؟

غالبا صاحب العربية بياخد المبلغ بالكامل ويفوت لسواق الطرف الصباحي والسواق بتاع النص (فترة الظهيرة) مبلغ الاكرامية واللي بيكون كبير علي فكرة لان لو انت بتبعت ابنك مع سواق اقل اكرامية حتديهاله في الشهر مش اقل من 30 او 40 جنيه عن كل طفل ويمكن اكتر
وفي بعض الاحيان بيطلب صاحب العربية عدد معين من الطلبة والسواقين يتقاسموا في الزيادة
او ياجر السواق الكرسي الامامي لحسابه وياخد صاحب العربية الكرسي الخلفي
لكن في كل الاحوال وفي كل طرق الحساب مش حياثر علي مبلغ صاحب العربية ابدا ابدا لان الاكرامية الشهرية ممكن تعدي 700 الي 1000 جنيه لوحدها دا غير الطلبة الزيادة
استاذي الفاضل... معلش لسه في حاجة في نفسي من موضوع الابونيه...
على اعتبار ان الصاحب العربية بحاسب السواق بنظام المقطوعية (على حسب تعبيرك ) يعني السائق بيدفع لصاحب العربية 50 *30 عن كل وردية ... وسايق كل وردية بيفول التنك من الايراد قبل ماسلمها للسائق اللي بعده ... ويحتفظ السائق بما بقي من الايراد مكسب له ... اذن في هذه الحالة ليس لصاحب العربية دخل في اي اموال اخري من الايراد بعد ال 50*30 عن الوردية بما في ذلك الابونيه ..... ارجو التوضيح من فضلك لان بهذا الشكل تفرق في صافي الايراد مبلغ محترم ربما يكون هو الفيصل في جدوى المشروع.
وبعد ذلك ارجو توضويح موضوع الاكرامية التي يدفعها والد كل طفل للسائق (لان لو انت بتبعت ابنك مع سواق اقل اكرامية حتديهاله في الشهر مش اقل من 30 او 40 جنيه عن كل طفل ويمكن اكتر ) هل تقصد بقشيش يعني غير ماذكرته من الاكرامية الاصلية الشهريه (لان الاكرامية الشهرية ممكن تعدي 700 الي 1000 جنيه لوحدها دا غير الطلبة الزيادة ) ارجو توضيح ماهو المبلغ المتعارف عليه في الابونيه لكل طفل حسب وجهة نظرك لانه بيختلف من مكان لاخر في نفس المدينة طبعا .. ارجو التوضيح مع ذكر مثال عن المنطقة التي تذكرها ليكون الموضوع اقرب للواقع لاني لا اتخيل ان والد 3 اطفال بيدفع لكل طفل 150 في الابونيه مثلا ثم بعد ذلك يدفع 40 بقشيش للسواق على كل طفل.
ارجو من خضرتك الصبر معيا في المناقشة حتى تعم الفائدة وهذا هو هدفي وهدفك ولكل جزيل الشكر على المعلومات القيمة التي اضفتها لي ولغيري... وجزاكم الله خيرا

انا اسف جدا جدا علي التاخير في الرد لظروف سفري

واهلا بيك في اي وقت

شوف يا سيدي اولا مش كل عربيات التاكسي بتروح ابونيه لكن معظمها والابونيه عموما بياخد ساعتين من وردية الصبح او طرف الصبح وفي حالة ان العربية متعملش ابونيه فهي مبتقفش انما بتعمل مشاوير الموظفين ودي فلوسها حلوة اوي زي الابونيه بالظبط لان التاكسي بيركب فيه اكتر من طلب في نفس الوقت وبالتالي مبتاثرش علي ايراد العربية بتاتا بتاتا
وبالتالي سواء كان حساب السائق بالمقطوعية او بغيره مش حتفرق
لان في حالة ان مفيش ابونيه حيسلم مبلغ اكبر يوميا اما في حالة الابونيه حيسلم مبلغ اقل يوميا الي جانب ايراد الابونيه الشهري اي ان المقطوعية بتزيد في حالة عدم وجود ابونيه
كل هذا ويوميته واحدة

اما عن الابونيه
هو له انواع كتير ارخصهم اسمه ابونيه محطة
وده لطلاب المناطق الشبه شعبية وفيه بيتجمع الطلبة من نفس المنطقة عند نقطة معينة مع بعض ويجي التاكسي ياخدهم للمدرسة ويرجع يكرر العملية اكتر من مرة وبتكون المدرسة في الغالب قريبة تقدر تقول نظام اقرب لنظام السيرفيس
واجرة الطالب فيه تتراوح ما بين 50 الي 100 جنيه شهري حسب المسافة وده اكراميته قليلة جدا انما بتتعوض بان السواق ممكن خلال ساعة ينقل 3 الي 4 مجموعات كل منهم 7طلاب = يعني في حدود 25 طالب في المتوسط

النظام التاني نظام الاتوبيس
وفيه بيكون للتاكسي نقطة انطلاق (الجراج) ونقطة وصول (المدرسة) وبينهم خط سير لالتقاط التلاميز وليس بالضرورة ان يكون هذا الخط يمر بمنازلهم ولكن هذا النظام يسمح للطلاب بالتجمع عند اكتر من نقطة علي طول الخط وهو يناسب المدارس البعيدة نسبيا واسعاره متفاوتة ولايمكن للسائق فيه عمل اكتر من دورين

الابونيه الثالث وهو الابونيه الخصوصي وفيه يمر التاكسي علي منازل التلاميذ منزل منزل لالتقاطهم وهو اكثر انواع الابونيه تكلفة لولي الامر
والاكرامية هنا ليس معناها البقشيش كمعني حرفي فقط وانما ساحاول توضيحها
اذا فرضنا ان صاحب السيارة حدد اجرة الابونيه للطالب ب 100 جنيه مثلا
فان ولي الامر يتفق مع السائق وليس مع صاحب السيارة وبالتالي يطلب السائق مبلغ اكبر 150 مثلا تحسبا للفصال!! ((بلدنا الجميلة)) وربما يتفق مع ولي الامر علي 120 مثلا وربما اكثر وكل سائق وشطارته ويحتفظ في هذه الحالة السائق بالفرق
الي جانب ان ربما يدفع اولياء الامور في النظام الاول والثاني اكرامية للسائق نظير اقناعه بتغيير خط سيره ليقترب اكثر من منازلهم او يغير نقطة التجمع او لكي يجلس اولادهم في الكرسي الامامي
وبالتالي فالاجرة غالبا لا تكون موحدة داخل الابونيه الواحد لكن لها حد ادني في كل الاحوال يسلم لصاحب السيارة
وبحسبة بسيطة ستجد ان وجود 2 سائقين فراودة لطرف الصبح والوسط (اللي بيخدموا علي الابونيه) ممكن يصفوا1500 الي 2000 جنيه بسهولة
وفي حالة غياب الابونيه فان توصيل الموظفين صباحا مربح جدا جدا جدا وفي بعض المناطق افضل 1000 مرة من الابونيه اذ يمكن للسائق تحميل 4 طلبات معا في وقت واحد وخلال ساعتين ونصف يمكنه تحصيل 50 الي 70 جنيه وهو مبلغ يعادل مبلغ الابونيه الشهري
ارجو ان اكون قد اوضحت

وانا في انتظار اي اسئلة

تحياتي