برنامج Top Gear بأعضاء Nile Motors

**karimone** · 06-02-2009 11:04 PM

طبعا موضوع ممتاز بس محتاج رعايه من شركات ضخمه علشان تمول البرنامج و محتاج برده تعاون من الوكلاء لتوفير العربيات للاختبارات و التقييم... ده غير ان هنكون محتاجيين مضمار سباق للاختبار او مكان مناسب ينفع في تجربة العربيات لمعرفة اداء العربيه عند الحد الاقصي لها...

برده محتاج ناس محترفه علشان يقدروا يحكموا علي العربيات بحياد و من غير تحيز لماركه او لشركه... يعني انا بلاحظ ان الناس بتكون غالباً متحيظه للعربيات اللي عندهم دايما يشوفوا مميزتها اكتر و قليل لما يعترفوا بأي عيوب فيها...

السوق المصري فعلا محتاج برنامج من النوع ده بشده

**itsonlyme** · 07-02-2009 02:18 AM

البرنامج أكتر من رائع. بل هو تحفة فنية على جميع المستويات. سيارات حديثة وتكنولوجيا متطورة، ضحك و فكاهة ومسابقات يتم فيها تخريب السيارات.

في مرة، اشترى Jeremy سيارة برودوا كيليسا وقام بتخريبها أمام المعرض بمِزربة وهي زيرو!

طبعاً امكانيات ال BBC غير متوفرة عند أي منتج برامج مصري ناهيك عن نحن أعضاء نايل موتوز، بس الفكاهة موجودة.
يا الله، ورونا الهمة.

**mo7a_mo7a** · 07-02-2009 03:10 AM

الموضوع محتاج تمويل ورعاية وقناه تحتضنه

لكن للاسف كل القنوات الرياضية في مصر مبتهتمش بالسيارات لان محدش بيفهم فيها كله كوووووووووووووووووووووووو ووووورة

خلينا نحاول ونشوف

**blazer** · 07-02-2009 03:43 AM

http://www.youtube.com/watch?v=wI2MpcIiO6A

**amir** · 07-02-2009 08:26 AM

و الله فكره حلوه بجد
و لو فعلا في نيه للتنفيذ فالموضوع مش هيكون صعب قوي
المنتدي مش قليل و الحمد لله
و مفيش حد ممكن يقولك لأ بلاش تعمل عرض للعربيه لأن العربيه مش بتاعت التوكيل او المصنع العربيه ملك صاحبها يعمل اللي هو عايزه
من ناحيه التمويل فلو الموضوع اتعمل و البرنامج اتعرض علي قناه فضائيه ممكن يتعرض و الاعلانات تبقي دافع وراء ذلك
اهم شيء الحياديه و عدم التحول الي مثال صحافه السيارات في المحروسه

**mahmoud_magdy** · 07-02-2009 08:55 AM

(ملاحظه صغيره)
شكرا على الفيديو
وواضح انو مكانش طايق العربيه اصلا
تفتكر لو عملوا برنامج مصري زي ده ممكن نفجر غبور ؟!

**Hmatchy** · 07-02-2009 10:38 AM

لازم يا جماعة ناخود بالنا من حاجة ان اى توكيل هيسمحلك تاخود عربية زيرو تقيمها اكيد مش هيسمحلك تقول عيوبها ساعتها هنبقى فعلان زى اعلانات الجرايد اعلان ربع صفحة و مقال نص صفحة يشكر فى العربية
كمان احنا هنا مش عندنا الجراءة ان التوكيل يعترف انو بينزل عربية فيها عيوب
يعنى مثلان حد يفتكر ان فى مرة قراء مقال فى اى جريدة ( المفروض انها جريدة سيارات ) بتحذر المستهلك من عربية؟؟؟؟؟؟؟؟
كل عربية كلها راحة و فخامة و موتور قوى و ناعم و طبعان المقال بيكون بالصور علشان العربية تنور
والله انا حاسس ان التوكيل بيحاسب على الاعلان و المقالة
احنا مش عندنا جرائد سيارات دى جرائد اعلانات
و انا اقترح ان بصفة مبدائية يتم تقيم السيارات من خلال اعضاء المنتدى كما هو الحال ولكن ببعض الاحترافية و يتم ذلك اثناء المقابلات و يتم وضع الفديو و الصور كما قال samoevil911 على يو تيوب و فترة و التوكيل هيقولك خد العربية دى قييمها و ربنا يكرم ب أى محطة تتولى الموضوع و البروجرام يعمل لنفسو اسم
و بعد كدة تنزل اعلانات العربيات يقولك واخدة 4 نجوم فى تقييم نيل موتورز

-

الموضوع: برنامج Top Gear بأعضاء Nile Motors

LinkBack

أدوات الموضوع

عرض

-

-

-

المواضيع المتشابهه

Nile Motors What's New

Nile Motors استيكرز

Nile Motors على الـ iPhone

be one family with nile motors

nile motors

الكلمات الدلالية لهذا الموضوع

المفضلات

المفضلات

ضوابط المشاركة