كيف اتخلص من صوت المحرك اللي بيظهر في الراديو

**dr_abooody** · 06-02-2009 07:53 PM

يا جماعة انا تعبت بجد من الموضوع دة

دلوقتي لما ادور العربية تلاقي صوت الموتور بيظهر في الراديو و بيأثر على ال fm modulator

ركبت سلوك للبوجيهات و الموبينة اللي هي السودة الحرارية دة و كانت غالية و الشوشرة قلت شوية

ركبت مانع ذبذبة بلاستيك
مالهوش لزمة

جبت فلتر بيتحط على السلك الكهرباء الداخل للكاسيت و ما عملش اي حاجة

الاريال كويس

المشكلة ان الكاسيت ما كنش بيعمل كدا

بس فجأة بقى صوت الموتور بيظهر فية

مش عارف اعمل اية انا خلاص اتخنقت

المشكلة في الراديو فقط

الكاسيت صوتة نقي جدااا

**medo_msmsa** · 07-02-2009 01:09 PM

منتظر الرد زيك
واتمنى التفاعل من الاعضاء

**mohd79** · 07-02-2009 02:06 PM

جرب تغير قناة الـ FM في Modulator والراديو انا عندي احسن استقبال عند 90.1

**A.Elsheikh.01** · 07-02-2009 05:48 PM

جرب تركب كاست تانى بتاع حد من صحابك وشوف النتيجه
لو في الكاسيت يبقى عليك وعلى حد بتاع الكترونيات يظبطلك دياره الاشاره الداخليه الى فى البورده بتاعه الكاسيت بتاعك
يمكن خدت مطبات ولا حاجه وغيرت الجهه بتاعته

**KoDaK_Gti** · 07-02-2009 07:48 PM

صوت الشوشرة دى بتظهر معاك امتة ؟
يعنى لو شغلت الكاسيت فقط فى صوت شوشرة ؟
ولا لما تحط الجهاز ده فى الولاعة بس؟؟

**dr_abooody** · 08-02-2009 04:56 PM

المشاركة الأصلية كتبت بواسطة KoDaK_Gti

صوت الشوشرة دى بتظهر معاك امتة ؟
يعنى لو شغلت الكاسيت فقط فى صوت شوشرة ؟
ولا لما تحط الجهاز ده فى الولاعة بس؟؟

صوت الكاست لا يظهر فية اي صوت للمحرك

الراديو بس بيظهر فية صوت الموتور لما ادور العربية بس قلت لما جبت سلوك بوجيهات حراري
بس فيه صوت خروشة كدا بيخنق موجود بيظهر طول ما العربية دايرة

و طبعا الراديو في محطات بتخروش و محطات لأ
دة بس و انا مدور العربية لكن طول ما انا مبطلها الراديو كويس في كل المحطات

و اول ما احط الجهاز في الولاعة بيكون الصوت حلو بس بيظهر خروشة على طول مع ادارة العربية و طول ما انا ماشي اسمع خروشة بتخنقني

حتى انا غيرت ال fm modulator وجبت واحد جديد بس بردو مازالت المشكلة قائمة

**KoDaK_Gti** · 09-02-2009 02:53 AM

شوف سلك الارضى بتاع الكاسيت جاى منين
غير مكانه وجرب

**dr_abooody** · 09-02-2009 01:18 PM

المشاركة الأصلية كتبت بواسطة KoDaK_Gti

شوف سلك الارضى بتاع الكاسيت جاى منين
غير مكانه وجرب

هو السيلك الارضي متوصل في الشاسية بتاع العربية بس فية حاجة غريبة
هو ان السيلك الارضي لما بفكة و مش بيكون متوصل خالص الكاسيت مش بيفصل
بس دة تقريبا عشان الكاسيت متعلق على مسمار و صمولة اللي مثبتينة و دة مخلية متوصل بالارضي بتاع العربية علطول
هل الافضل انى اخلية متوصل على السيلك الارضي فقط و لا مش هفرق

**mooha** · 09-02-2009 05:12 PM

غير العربيه هههههههههه
أنا بهرج معاك
على فكره المشكله ديه كانت عندى العيب فى الكاسيت علشان صينى
هات كاسيت نضيف ميكونش صينى هتلاقيه تمام إن شاء الله وبردوا على فكرة زى ما قالك أستاذ كوداك الأول غير سلك الأرضى لو منفعش غير الكاسيت

**dr_abooody** · 10-02-2009 08:34 PM

المشاركة الأصلية كتبت بواسطة mooha

غير العربيه هههههههههه
أنا بهرج معاك
على فكره المشكله ديه كانت عندى العيب فى الكاسيت علشان صينى
هات كاسيت نضيف ميكونش صينى هتلاقيه تمام إن شاء الله وبردوا على فكرة زى ما قالك أستاذ كوداك الأول غير سلك الأرضى لو منفعش غير الكاسيت

هو الكاسيت يباني جايبة من برة

بس اللي مجنني انة ما كنش بيظهر فية اي صوت خروشة بس دلوقتي اصبحت موجودة
هل مثلا مقاومة الكاسيت للشوشرة ضعفت و لا اية ؟

طيب لو انا حبيت اشتري مثلا كاسيت بايونير مستعمل بس 50 وات
ممكن يعمل كام؟

الموضوع: كيف اتخلص من صوت المحرك اللي بيظهر في الراديو

LinkBack

أدوات الموضوع

عرض

كيف اتخلص من صوت المحرك اللي بيظهر في الراديو - انشر الموضوع فى :

-

-

-

-

-

-

المواضيع المتشابهه

اللي عايز كود الراديو او البين كود لأي عربية ستروين او بيجو

نا اشتريت الدائرة اللي بتوسع مدي الراديو للكاسيت الاوروبي

انتنا الراديو اللي في الازاز اتكسرت !!

ايه اللي ممكن يحصل لو مستوى زيت المحرك زيادة

الكلمات الدلالية لهذا الموضوع

المفضلات

المفضلات

ضوابط المشاركة