الموضوع: مهزلة فى الاسكندرية - تحذير للاسكندرانية

المشاركة الأصلية كتبت بواسطة zamba

كل يوم احب اكتب الموضوع ده لكن للاسف بارجع متاخر من الشغل ونفسى احذر جميع سائقى المركبات بالاسكندرية
من اول الاسبوع الماضى هناك حملة شديدة جدا جدا بالاسكندرية من رجال المرور لتطبيق القانون الجديد وخاصة مخالفة السير عكس الاتجاه والحملة مستمرة حتى الان
المأساة ان الضابط ورجال الحملة متخفيين الضابط لابس بالطو اسود وواقف فى حته مستخبيه وفى اماكن وشوارع مجهولة نسبياً للسائقين والمهزلة انه مفيش تفاهم خالص
سواق عربية الشغل بتاعى طلع له الضابط فى شارع جانبى وهو لابس البالطو من غير الرتب ولا الكاب وسحب الرخص والاوتوبيس على طول وحرر محضر وحوله الى القسم وقال ان التصالح او دفع المخالفة الفورية جت تعليمات بالغاءها يعنى مفيش تصالح خالص والامر كله للنيابة تقول كلمتها والسواق اتحايل عليه وكل الركاب من الموظفين مفيش تفاهم خالص
وباقى المهزلة فى النيابة ناس محترمين والمدهش ستات محترمات جدا قابضيين عليهم طبعاً جبنا كل الوسايط اللى ممكن تتخيلوها الشرطة متقدرش تعمل حاجة والنيابة قالوا ملناش دعوى النائب العام هو اللى بيقرر فى هذه الحالات ويتم عرض المحاضر المحررة عليه شخصيا وهو اللى يقرر ويدى تعليماته لنيابه المرور وتقريباً كل التعليمات اللى جايه لوكلاء النيابة هى الحبس الاحتياطى لمدة 4 ايام على ذمة التحقيقات لحين العرض على محكمة جنح المرور بعد اليوم الرابع
هو غالباً القاضى بيحكم بغرامة 1001 جنيه ( مش عارف ليه) لكن المهم البهدلة لمدة 4 ايام فى الحجز مع المجرمين واصحاب السوابق ..والراجل سواق الشغل بتاعنا طلع من المحكمة انسان تانى بعد هذه البهدلة وهومريض بالسكر تخيل موظف محترم فى شركة كبيرة محتلرمة يبات مع المجرمين 4 ايام علشان دخل شارع غلط محدش بيمشى فيه اساساً
ايوه هو غلطان لكن هل العقوبة تساوى الجرم المرتكب

ياريت كل الاسكندرانية يخدوا بالهم اليومين دول محدش حمل البهدلة اللى حتحصله ومفيش وسايط والله ورجالة وستات مش فارقة انا من كتر البهدلة اللى حصلت للسواق بقيت اوقف المخالفين فى الشارع وانصحهم فمش معقول واحد محترم يقعد فى الحجز 4 ايام علشان السير عكس الاتجاه
خللى بالك وخليك فى السليم احسن

انت جبت المفيد في اخر جملة
خلي بالك وخليك في السليم احسن

هو ده الكلام
انما الحقيقة اننا لم نعتد علي الالتزام
وتطبيق القانون بالنسبالنا شئ غريب
وبعدين ايه الفرق من سير عكس الاتجاه في شارع جانبي وسير عكس التجاه في شارع عمومي
كله خرق للقانون وعشوائية وهمجية

انا بعتذر عن الحدة لكن هي دي الحقيقة
طبعا انا اسف بهدلة الراجل المحترم سواقكم
لكن انت اكيد متفق معايا انه في حاجتين
1- انه لما دخل الشارع كان عارف انه داخل غلط بس قال مش مهم دي حتة صغيرة او مفيش حد هنا ...الخ ونسي ان الشارع ده ممكن تخشه من الناحية التانية فجاة سيارة اسعاف او مطافي او شرطة ويكون السبب في تعطيلهم او تعريض ارواح ابرياء للخطر

2- انه دخل الشارع ده اما بسبب الكسل علشان ميلفش او يتاخر كام دقيقة عبال ما يلف ويجي من الناحية الصح

لذلك فالعقوية قانونية ووقعت علي مخالف
ممكن اتفق معاك علي ان الحجز شئ غير ادمي ومرفوض لكن دعنا نتفق ان تجنب مخالفة زيدي شئ سهل
فقط امشي عدل