مش مطمن للنوبيرا 2008

**waleedraafat** · 07-02-2009 10:55 PM

تشكر جدا علي المتابعة
بس انا عايز اوضح بعض النقاط
انا مش بامشي علي السرعات العالية دية وبتاع غرز وكده ، القصة كلها اني باجرب اداء العربية وبشوف هتعمل ايه ، وسرعة 185 كلم علي المحور وفي اتجاه القاهرة (اتجاه هابط) ودا يعتبر اداء غير مقبول من سيارة بمثل هذا المحرك وتلك الشراهة النسبية لاستهلاك الوقود لاني علي طريق المحور قبل التجديد وبالبيتلز موديل 1965 وبمحرك 1200 سم كنت باجيب بيها 140 كلم وبعد اصلاح طريق المحور جابت معايا 155 كم وبسهولة جدا لدرجة ما كنتش متخيلها فلما نوبيرا زيرو اخرها علي طريق حرير زي ده 185 يبقي اداء مش مقبول

ثانيا موضوع الغرز دا مش باعملة غير لما اكون مسافر في طريق المنصورة الي كله متخلفين عقليا (نص نقل، توكتوك عكس الطريق، جرارات طافية النور وماشية في نص الطريق الخ...) ولما باضطر اعمل غرزة بالنوبيرا بابقي مرعوب لان العربية بجد بتروح في اتجاهات غريبة بعكس البيتلز القديمة كانت مظبوطة عنها بكتير (الغرز دي بتبقي علي سرعة تتراوح بين 80 الي 120 كلم بالكتير).

وعموما بالنسبة لي مشكلتي اني باقارنها بالبيتلز ومش شايف فرق كبير يستحق السعر الي دفعته فيما يتعلق بالاداء واستهلاك الوقود والثبات والهدوء ، اما فيما يتعلق بالاتساع والتكييف فالنوبيرا تكسب
ويبدو كده ان مشكلتي هي فجوة التوقعات فانا توقعت لما هجيب عربية زيرو هشعر بفرق كبير بينها وبين البيتلز القديمة موديل 65 فيما يتعلق بكل شئ وخصوصا اني لما ركبت عربيات زيرو قبل كده (تجارب فقط) كانت عربيات عالية شوية (كرولا ، 406، نيسان باثفيندر،بيتلز 65)

وبالنسبة لمشكلة ضعف النور عند الاخ احمد عزت انا عالجتها بكتاوت تقوية ولمض 260/200 وفرقت كتير جدا بس للعلم فانوس النوبيرا المصري مصنوع بطريقة سئية بعكس النوبيرا المستورد

ومتشكر لاهتمامكم
وليد رافت

**waleedraafat** · 07-02-2009 11:04 PM

وبالنسبة للعفشة انا بحب جدا العفشة الناشفة لانها بتعطي شعور بالتماسك وبالثقة (انا ركبت الفورد فوكاس 2008 عفشتها روعة برغم شكوي صديقي من صلابة العفشة)
وانا اري ان العفشة الصلبة افضل للطرق المصرية وافضل في الحالات الطارئة مش العفشة الطرية المريحة الي ممكن تودي في داهية وتسبب مشاكل احنا في غنا عنها

**samirayad** · 07-02-2009 11:10 PM

المشاركة الأصلية كتبت بواسطة waleedraafat

وبالنسبة للعفشة انا بحب جدا العفشة الناشفة لانها بتعطي شعور بالتماسك وبالثقة (انا ركبت الفورد فوكاس 2008 عفشتها روعة برغم شكوي صديقي من صلابة العفشة)
وانا اري ان العفشة الصلبة افضل للطرق المصرية وافضل في الحالات الطارئة مش العفشة الطرية المريحة الي ممكن تودي في داهية وتسبب مشاكل احنا في غنا عنها

بالعكس العفشه الناشفه لا تفضل لأرضنا الطيبه.....دا تجيب انزلاق غضروفى...........

**tananybasha** · 08-02-2009 12:41 AM

امال لو ركبت اوبل و جربت عفشتها تعمل ايه
انا من ساعة ما ركبتها و انا بقول هو بسم الله ما شاء الله عاملين الكراسى واسعة وطرية كده ليه
اتاريهم اذكياء عشان العفشة ما تكسرش ضهرك
و لا النيسان - بلاش نتكلم عشان الأخوة بتوع اليابانى محدش يزعل منى و خصوصاً انى كان معايا واحدة من 4 شهور بس
لازم تكمل السنة عشان اعرف اشتمها الأول

**tananybasha** · 08-02-2009 12:46 AM

الحاجة التانية انت اول واحد اسمعه بيشتكى من سرعة النوبيرا دا ليا اصحابى بيذلونى بأرقام غريبة و هما مسافرين مارينا 200 و 190 و 210 كم و حاجات تخض و اللى على لسانهم و لسه بدرى
صوت الشكمان لا حل له من بعد علب ابو اليزيد
سوء التفقيل المصرى سواء اوبل - مرسيدسى - بى ام او خلافه لا جدال عليه شوف اللى عايز يتظبط و ظبطه برة و ريح دماغك و كان فيه اخ بيتكلم على حاجة فيها فى توصيلات المياه بلاستيك لما تروح التوكيل يغيروها نحاس او المونيوم مش فاكر بالضبط دور و هتلاقى الحوار ده فى حته