الالنترا زادت 3000
عرض للطباعة
الالنترا زادت 3000
للاسف يا جماعة انا شايف ان رينج الاسعار رجع تانى يعلى يعنى انا الصيف اللى فات وانا بدور على عربية ليا كنت متابع اسعار السوق وقتها والغريب ان فات على الكلام ده سنة بحالها وانا متابع اسعار السيارات دلوقتى ومفيش اختلاف كبير خالص ما بين اسعار العربيات الصيف اللى فات ودلوقتى
يابشا هو انتا متعرفش ان الضرايب هتقل 10 % من اول السنة وان كمان جينرال موتورز فلست يعنى العربيات نازلة نازلة الى هيشترى دلوقتى هيخسر كتييييييييييييييييييييييي ييييييييييييييييييييييييي ير
ياجماع الموضوع دة معمول من شهر أثنين يعني من أربع شهور ليه فتحتوه تاني وأدتوه أهتمام دة خبر قديم جداً وخبر غلط لأن السيارات أنخفضت مش العكس يبقى محدش يناقش موضوع بقاله 4 شهور وغلط أصلاً .
الاسعار ف النازل و لو محدش مصدق يروح السوق يتفرج بس كل الحكايه الناس بتطلع اشعات علشان الى معاه صفيحه سمنه عاملها عربيه عايز يبيعها بسعر م اشتراها من عشر سنين و كمان بمكسب
أحب بس أوضح حاجة بصفتي مالك سابق لسيارة معاقين ( طلعت عيني لحد ما بعتها ) ، موضوع المعاقين فيه ركود وواقف من حوالي 6 شهور أو أكتر والسبب مش موضوع زيادة السنين لأن أصلا الحظر خمس سنين على فكره مش تلاتة ، ولكن السبب ان زمان كنت ممكن تروح تشتري العربية بأسم المعاق وترخص باسمه وتاني يوم تفك الحظر ب 10000 وتنقل باسمك وكان في النهاية الفرق في السعر عن مصر مش كتير بس بردو اقل وكمان بتكون الحالة ممتازة والكماليات اعلى ، لأكن من حوالي 6 شهور أو أكتر تم تقييد الموضوع .. إزاي ؟ .. أقولك .. اصبح بعد ما تشتري العربية بأسم المعاق مينفعش ترخص العربية ولا تفك حظر إلا لو كان المعاق متعلم ومعاه رخصة .. ودي حاجة نادرة في عالم المعاقين .. وحتى المعاق المتعلم اللي معاه رخصة غالبا بيشتري عربية لنفسة مش لغيره .. أضف على ذلك أن حتى اللي هيضرب نمر ويبعد عن المرور مش هيعرف بعد القانون الجديد والشد المروري في كل حتة .. ولو اتمسك ... مش هقولك بقه على اللي هيحصل فيه .....
والخلاصة يا عم الحج أن موضوع المعاقين ده خرب من زمان وملوش دعوه خالص لا بركود ولا بانتعاشة ...
موضوع بقه السعار .. فأنا اتوقع أنها لا هتزيد ولا هتقل ، لأن السوق العالمي بدأ يتحسن والأقتصاد العالمي في الطالع وتجار مصر هيعرفو يمشو نفسهم خاصة أن فعلا الحركة بدأت تمشي وفعلا السوق اتحرك ، لحد ما أقتصاد العالم يا دوب يبدا يتظبط وبعدها كله هيروح مزود ويقولك الدولار واليورو والين رفع ... رغم انهم منزلوش الأسعار لما العملات دي نزلت .. ولكن هذه سنة الحياة في مصر