السلام عليكم
انا عضو جديد بمنتداكم الرائع امتلك سيارة كيا ريو 2004 وافكر الان فى التغيير وحقيقى محتار جدا بين السيارات الاتية :
كيا سيراتو
نيسان سوبر صالون
لانسر 1600
ارجوا من السادة الرائعين الاعضاء مشاركتى
:U_thin1[1]:
السلام عليكم
انا عضو جديد بمنتداكم الرائع امتلك سيارة كيا ريو 2004 وافكر الان فى التغيير وحقيقى محتار جدا بين السيارات الاتية :
كيا سيراتو
نيسان سوبر صالون
لانسر 1600
ارجوا من السادة الرائعين الاعضاء مشاركتى
:U_thin1[1]:
يبدو والله اعلم انى دخلت صحرا .... فين الردود يا رجاله :_Alshmokh08[1]:
نصيحه لله هات لانسر انا معايا نيسان صنى 2008 بخه مطلعه عين امى وزبااااااله وحريقه بنزين
هات لانسر 1600 مانيوال وربنا يوفقك
i think KIA Cerato is better, this my point of view.
طبعا أفضلهم بلا منافس هي اللانسر
يا ريت يا استاذ iso2007 تقولنا عن تجربتك مع الصني وليه انت مضايق منها اوي كدة عشان انا الصراحه بفكر اشتريها وعايز اعرلف مميزاتها وعيوبهااقتباس:
نصيحه لله هات لانسر انا معايا نيسان صنى 2008 بخه مطلعه عين امى وزبااااااله وحريقه بنزين
انا واقع حاليا فى نفس المشكلة بتاعتك بالمللى... "انت متاكد ان انت مش انا؟":M_yes[1]:برضه بقارن بين الـ 3 عربيات دول
الاول انا كنت رايح بكل جوارحى على اللانسر خصوصا انى كنت راكبها قبل كده ... بس ناس كتير "جدا" ابتدوا يحولوا البوصله على الصنى ... وزى مانت شايف كتير جدا موافقين وكتير جدا معارضين ... السيراتو كانت على اللسته من الاول بس مش قادر احدد راى فيها
حد يدلنا ياخوانا علشان خلاص الواحد قرب :8954[1]:
الصني عربية جميلة جدا جدا. انا بصراحة مش عارفة اللي بيقولوا انها وحشة يقصدوا ايه؟ يا ريت اللي يقول رأي يوضحه للافادة.
انا عن نفسي معايا الصني 2008 اوتوماتيك من سنة بالظبط والحمد لله العربية زي الفل. موتور قوي و سحب حلو و ناعم. الباور حلو جدا و التكييف رائع. استهلاك البنزين انا ما حسبتوش بالظبط بس اعتقد انه زي اي عربية 1600cc, اللي تهمه اوي مسألة البنزين دي احسن يفكر في عربية 1300. التقفيل المصري جيد جدا و ماعمليش اي مشاكل. حجم الصالون معقول جدا والشنطة كبيرة. العربية بصفة عامة محترمة جدا لدرجة ان انا جوزي بيفكر هو كمان يجيب واحدة بس انا باقوله مش معقول نبقى احنا الاتنين معانا نفس العربية.
انا معايا نيسان صنى و شايف انها محترمة جدا
رأيي الشخصى الترتيب كالأتى
1- سيراتو
2- لانسر
3- صنى
جيبت السيراتو الأول لسبب وهو الضمان 100 ألف كم أو 5 سنيين
وجيبت اللانسر التانية عشان شكل قديم ( أنا أفترضت أنها بومة مش شارم عشان الشارك 1500.....و لا أنا معلوماتى مش مظبوطة ؟ )
جبت الصنى فى الأخر عشان من تجريتى ليها عفشتها كانت ناشفة شوية و العربية مش ثابتة قوى فى السرعات.....الكلام ده جربته فى عربيتين مش واحدة بس........بس برضه ممكن هما الأتنين كانت فيهم حاجة مش مظبوطة )
من راى افضلهم النيسان سوبر صالون
ولو قدرت تزود شويه هات تيدا
يا اخوانا انتو ما ركبتوش ملاكى بمعنى الكلمه الصنى دى اولا استهلاك عالى فى البزين جدا جدا
ثانيا ضيقه جدا فى الصالون
ثالثا تخبيط وترزيع فى العفشه اكنك سايق نص نقل وكمان كده ها نضلم النص نقل
رابعا التوكيل السبعاوى تحديدا اى حاجه فى العربيه التصليح عليك حتى لو عيب صناعه
خامسا الصوت الموتور عالى مش زى مثيلاتها فى العزل عن الصالون
وانا ها ابيع امها بس مستنى اكمل الثمن اللى ها اغير بيه العربيه وده من الاخر واللى شايف غير كده يورينى نفسه
شكرا لكل الاعضاء الرائعين الذين اعطونى من وقتهم ولو القليل واحب اقولكم انى قربت اشترى لانسر 2007 الرياضية بحالة ممتازة بس مختلف انا والبائع على سعرها اكون شاكر لو حد قالى تعمل كام تقريبا :U_thin1[1]:
يعني ده اسلوب حوار يرضي حد ؟؟؟؟؟؟؟؟؟اقتباس:
المشاركة الأصلية كتبت بواسطة iso2007
+11111111:S_thum1[1]:اقتباس:
المشاركة الأصلية كتبت بواسطة viking1616
ههههههههههههههههه هو ده اللى قدرك عليه ربنا رد عليا ان كنت غلطان
افضلهم السيراتو بدووون مناااازع
لانسر سبورت عفشه ناشفه جدا جدا جدا وعربيه في نظري بتتبهدل بسرعه
الصني يكفى انها مصري يكفي ان ايد مصريه هي الي قفلت العربيه
انما السيراتو باشا فعلا عفشه ناعمه مريحه شاسيه الالنترا القديمه وقطع غيار الالنترا القديمه برضو وثبات كويس ومع جنط هيبقى هايل
الانسر بقى فعلا انا مش عارف الناس بتشكر فيها ازاي
انا ركبتها مع صحبي زيرو كانت تحفه فعلا مشيت 20 الف بالضبط بقت
عباره عن علبه صفييح
وكذالك الانسر الجديده مع انها محترمه وعفشه كويسه بس برضو ثبات في الضياع لو غرزه ضيقه العربيه شنتطلها عايله مش بتعومها بل بتسوحها
انا رايي ممكن تدخل الالنترا في المقارنه سواء الجديده او القديمه او ال i30
اشترى رينو سيمبول اتوماتيك ب 90 الف جنيه
شكل جديد وظريف
كماليات كويسه
عزل اكييد ممتاز
استهلاك بنزين قليل
استاذ ايزو ... حضرتك عضو جديد وانا بارحب بيك هنا .... بس عايز اوضحلك اننا فى نايل موتورز بنحاول نحافظ على اسلوب معين من الحوار والكلام ... انت اتكلمت فنياً ممتاز جدا من خلال تجربتك مع العربية وهو ده فعلا عناصر التقييم الموضوعى (الثبات، الراحة، البنزين، الكماليات، الاعتمادية ....) بس باقى الحوار اسمحلى مش كويس ... ارجوك راجع قوانين المنتدى وحط فى بالك ان المشرفين restricted جدا بالقوانين دى ... واقرى برضه حضرتك كتير فى مواضيع المنتدى علشان تفهم قصدى اكتراقتباس:
المشاركة الأصلية كتبت بواسطة iso2007
واهلا بيك تانى:satelite:
اقتباس:
المشاركة الأصلية كتبت بواسطة iso2007
اقتباس:
المشاركة الأصلية كتبت بواسطة iso2007
اسلوبك غريب جدا فى الردود.
واضح انك مش متعود على الحوار الهادى مع اى حد
على فكرة حضرتك اسمك "المصري" !!اقتباس:
المشاركة الأصلية كتبت بواسطة حماده المصري
رأيي:
1-صنى سوبر صالون
2-سيراتو
3-لانسر
هههههههههههههههه دخلنا بقى في المواضيع الي مالهاش لازمه
مال اسمي ومال العربيه
مش ذنبي ان انا مصري او اسمي المصري مش انا الي قفلت العربيه
الواحد بيقول كلمه حق من وجهه نظره
وطلعلي منتج مصري بكفاءه الاصل بتاعه
ده البي ام الالماني سعره ضعف المصري
عقبال ما اشتري 523 الماني بمليوووون جنيه
سـيـراتـو افضل اختيار ..
الموتور الياباني خارج المنافسه
الاخوة الافاضل هقلكم من واقع ما مر بى
كنت فى نفس هذه الحيرة من حوالى 7 شهور
وكنت محتار بين اختيرين هما اللانس والصنى
وادعوكم لمشاهدة هذا الموضوع
عفوا الموضوع هنا
عامه انا قريت اللينك
للمعلومه
انا ليا صديق كان معاه جين 2006 الواد ده تقريبا 3 او 4 واحد يشتري جين في مصر اتقلب بيها بعد سنه بسبب الاستهبال والتهور
اشتري صني زيروو 2008 شوفته في الجامعه مبرووك ياباشا على العربيه
بعد شهر شوفته في الجامعه بايع الصني وجايب جين تو زيرووو
قولتله تاني حد يبيع صني ويرجع يجيب جين تو
قالي باللفظ كده لوتس دي شركه محترمه والجين انسب عربيه في السعر ده
طب الصني مالها ياعم قالي 180 في الصني تحس انك هتطير في الجين تو ولا الهوا
واهو شاب من الي بيجروا وغرز قطم وتخميس وتحوير
ولو الصني كفاءه فعلا مكانتش اتباعت
واتمنى تقروا اللينك ده عن السيراتو
http://www.fannat.com/Magazine.aspx?NewsID=327
احنا هنا في المنتدى المفروض نرقى بمستوى الحوار عشان نفيد الناس وفي نفس الوقت الناس تعرف الفروق بين العربيات وتشتري على حسب استخداملها سواء رياضي او عائلي او الاتنين مع بعض
مش معنى ان العربيه تقفيل مصري تبقى احسن عربيه في العالم ونشتريها وبعدين ندووخ معاها
ومش معنى ان الواحد يمتلك عربيه يبقى هي احسن عربيه في العالم كل واحد وليه غرضه من العربيه
وعامه لو جبت واحد نازل من بي ام وراكب اي عربيه من دول هيقولك دول اتعس عربيات في العالم
ولو جبت حد طالع من 128 وركب اي وحده فيهم
ههما كانت تعبانه وعفشه ناشفه وضيعه هيقولك دي رووعه دي مفيش انعم منهاااا
الانسر انسب
اولا احب انى اقول للناس اللى لامونى فى الاسلوب يسامحونى انا بجد النيسان الصنى كان مقلب جااااااااامد بلنسبه ليا وانا عامه كنت فى السعوديه وفكرتى عن النيسان غير كده خااااااالص واتقلبت الموازين فى دماغى اول ما ادبست فيها:k14::36_7_4[1]: