الموضوع: موضوع مهم لماذا نكرة اصحاب المعارض

المشاركة الأصلية كتبت بواسطة mo7a_mo7a

مهي دي الفكرة يا فندم ان مفيش حد من اللي شاركو في الموضوع هنا اتعامل مع معرض وطلع سليم
او علي الاقل يعرف حد متنصبش عليه
شوف حضرتك اهه داخلين علي 40 مشاركة ومحدش ذكر تجربة جيدة واحده!
ده ليه؟
لان ببساطة الناس المحترمة الامينة اللي حضرتك بتتكلم عليها نسبة ضئيلة للغاية لا تتعدي 1% علي اكثر التقديرات تفاؤلاً
وبعدين مش عيب ابدا ان صاحب المعرض يكسب في العربية 1000 الفين 3000 بس اللي بيزعل
الكذب - النصب - الغش - الاستعباط - التمثيل

كل مجال به فئة سيئة جدا
لكن في الحقيقة هناك مجالات كتجارة السيارت كالمغناطيس تجذب اصحاب الفهلوة والنصابين اليها جذباً ليحتلوها ويغطوا علي اصاحب تلك المهنة الاصليين

كنت سيادتك قد ذكرت انك ورثت المهنة عن الوالد ولك اسم في السوق وسمعة وتاريخ تعد راس مالك تخاف عليها وترعاها
لكن قلي بالله عليك
بالله عليك
شخص كل مؤهلاته لسانه وزراعه يفتتح معرض مؤجر لفترة وجيزة ويتاجر بالقطعة ولا يعرفه احد علي ماذا يخاف ؟؟؟
والي ماذا يسعي غير المال؟؟
وهو لا يهتم بالزبون فهو ينظر اليه كفريسة مغفلة يجب استكرادها وتقليبها في اكبر مبلغ ممكن
وحينما تفوح رائحته يمكن ان ينتقل لمكان اخر يمارس فيه الاعيبه

هذا رايي وفي انتظار تعليقك

كلامك مظبوط 100%ولاكن السؤال هنا واسمحولى وانا اسف النصاب دة بيبقى نصاب لوحدة ولا فى عوالمل فى الى امامة اولا لازم يكون طماع طول ما الطماع موجود النصاب بخير مثلا اصحابى الى حكيت عنهم اتنصب عليهم لية الانسر الى اشتراها دى 90000جم وهى تسوى 95000وبعدين هو حس كدة انو خد حاجة لقطة زى بالضبط اعلانات الجرائد يعملوا اسعار وارقام وهمية وتروح لحد عندهم تلاقى ان كل كلامهم نصب طيب احنا الى اديناهم الفرصة لازم نشغل عقلنا شوية الحداية مبترميش كتاكيت
وبعدين علشان هو ينصب عليا لازم اكون عبيط لانى لو شغلت عقلى محدش يعرف ياخد معايا حق ولا باطل
مثلا العضو الى بيقول انا اضحك عليا كان عندى 19 سنة ولما كبرت بقيت بنام فى العربية هو دة المطلوب خد حقق 100%وميتسبش حقق لحد حتى لو كان مين لا كن مفيش فرق بين تاجر وزبون انت نفسك لو دخلت على صاحب معرض عبيط وميعرفش حاجة ومثلا اداك سعر اقل من السوق بكتيير مش هترجعلو الباقى علشان تقولة لا دة انا لقيتها برة اغلى من كدة كل واحد فينا لما مبصدق يلاقى فرصة ويغتنمها
انا شخصيا كنت حاضر مشكلة فى معرض سيارات موظف باع عربيه بناقص 3000جم عن سعرة لشخص غلط وبعدين اكتشف الراجل قالو يا عم انا افتكرتك عامل معايا واجب عن السوق وبعدين ان شاء الله نعوضهالك فى عربية تانية انت (معرض 100%)وهنجيلك تانى ومشفش وشة تانى بص احنا الى بنسيب الى قدامنا هو الى يتحكم فينا ولاكن احنا المفروض نأخذ احطياتنا كويس والله طلع محترم نبقى نعاملة طلع منهم يبقى مش هيعرف يوصل معانا لحاجة
وانا اسف لو كنت فى كلامى حدة

المشاركة الأصلية كتبت بواسطة samohaa1000

طب المشكلة فى مين يا جماعة بامانة هل الناس ولا التجار ولا عدم المانة ولا عدم الدين ولا المشكلة فى مين بالظبط لاكن والله فى اصحاب معارض كتييييييييير جدااا مظلومة وفى ناس كتييييييييير جدا محترمة وفى ناس كتير وحشة جدااا يبقى بلاش نعلق لو معرض وحش يبقى كل المعارض وحشة ولاكن فى كويس ووحش فى كل المجالات هذا رأيى

يا استاذ سامح...انت معاك حق فى ان كل مجال فيه الكويس و فيه الوحش....

بس واضح من كلام زملائنا فى المنتدى ان فى ازمة ثقة كبيرة قوى بين اصحاب المعارض و المستهلكيين...

و انا بصراحة مقدر جدا موقفك الأيجابى انك بتحاول تناقش المشكلة علشان تحلها...و طبعا ده لمصلحة شغلك...و دى حاجة من حقك...بل و من واجبك كمان...و بنحييك عليها...

و انا رأيى ان الموضوع له اكتر من طريقة للحل...
----------------------------------
- ليه ميكونش فيه فى مصر رابطة لمعارض و تجار السيارات؟؟ تقبل شكاوى الزبائن و تحقق فيها... و يدفع المعرض رسم اشتراك لتعليق لافتة تشير لعضويته بالرابطة.. و بكده يبقى اى معرض فى الرابطه بيلتزم بالأمانة مع الزبائن... و اكيد الزبائن هتقبل على التعامل مع المعارض المضمونة اللى فى الرابطة بدل تجار سوق السيارات و الفهلوية...حتى لو عمولة المعارض دى زيادة شوية...و بكده اى حد عايز يبيع او يشترى..يكون من خلال معرض محترم..
- اغلب المشاكل اللى بتتحكى سببها عدم معاينة العربية جيدا...ليه ما يبقاش فى ورشة محايدة (ممكن تكون تبع الرابطة اللى قولنا عليها) يرفع فيها المشترى السيارة قبل شرائها...و يتكشف عليها بواسطة محترفين و يجربوها و يقدموا فيها تقرير شامل...ممكن على ضوءه البايع و المشترى يتفقوا على سعر عقلانى و على نور...

الأقتراحات دى و غيرها كتيررر ممكن نقول انها خيالية و صعبة فى بلدنا...بس هي دى الحل...و هي دى الحاجات اللى معمولة فى الدول المحترمة...و بتخلى الناس هناك عايشة طبيعى...مش كل حاجة عندهم صعبة و بطلوع الروح زى عندنا كده...

اديك شايف النتيجة اللى السوق وصلها...اغلب الناس مش عايزه تتعامل مع معارض سيارات...و دى خسارة للزبون و خسارة اكبر لصاحب المعرض...

و الأهم من كل اللى انا قلته..ان اسهل و اضمن طريقة لكسب الثقة هى الأمااااااااااانة و النزاهة فى التعامل.......

و انا لو منك...ابدا بنفسى كصاحب معرض...و المنتدى الجميل ده فرصة حلوة قوى...ببساطة هحاول انفذ صفقات بيع او شراء مع بعض اعضاء المنتدى..بحيث يكونوا راضيين...و اطلب من كل من تعامل معى انه يقول رأيه لكل الأعضاء هنا....و شوف بقى الأقبال هيزيد ازاى..
و ممكن تبقى المعرض المعتمد بتاع المنتدى...زى ما كده منتدى الدايو عنده ميكانيكى و كهربائى معتمد و الناس كلها بتروحلوهم -الله يباركلهم-....و ممكن كمان تبقى اول معرض يعلق يافطة (نايل موتورز - معرض معتمد)

ربنا يوفقك و يباركلك....و يرزقنا كلنا الأمانة و حسن البيع و الشراء ...

و شكرا.......