انا رايح ان شاء الله صيانة 1000 كيلو

**mohamed_berlitz** · 24-08-2007 10:28 AM

السلام عليكم ورحمة الله وبركاتة
يا جماعة انا ولله الحمد انجزت وخلصت اول 1000 كيلو والمفروض انى حروح بكرة ان شاء الله مركز الخدمة بتاع ابو غالى اللى فى طومان باى علشان اغير زيت وفلتر موبيل 1 وانا اللى خلانى اختار المركز دة انة حيبقى يوم السبت وكمان قريب منى وبالنسبة للتكاليف قالولى حيكلفنى 240 جنية فلو فى اى ملاحظات حد عايز يقولهالى يبقى كتر خيرة
وكمان كنت عايز اعرف :
هل المركز دة كويس مع العلم انى شاريها اساسا من ابو غالى وهل السعر معقول وهل الانوس فعلا احطلها موبيل 1
ومعلش حدوشكم
طيب انا عندى مشكلة كمان انا عندى الباب بتاع السواق الوحيد اللى مش بيقفل كويس يعنى لازم يا اما ارزعة او افضل اجرب 3 مرات عقبال ما يتقفل مع العلم انى كان عندى 128 فخلاص من الاخر تعبت من حكاية الابواب دية هل مركز ابو غالى ممكن يعملهالى تبع الضمان ولا لازم بقى ابو رواش او العباسية
دلووووونى يا اخوانى ماذا افعل ؟

**sokasoon** · 24-08-2007 02:43 PM

المشاركة الأصلية كتبت بواسطة mohamed_berlitz

وكمان كنت عايز اعرف :
هل المركز دة كويس مع العلم انى شاريها اساسا من ابو غالى وهل السعر معقول وهل الانوس فعلا احطلها موبيل 1

انا معرفش المركز ده انا روحت ابو رواش بالنسبة للزيت فامفيش مشكلة انك تحط موبيل 1

المشاركة الأصلية كتبت بواسطة mohamed_berlitz

ومعلش حدوشكم
طيب انا عندى مشكلة كمان انا عندى الباب بتاع السواق الوحيد اللى مش بيقفل كويس يعنى لازم يا اما ارزعة او افضل اجرب 3 مرات عقبال ما يتقفل مع العلم انى كان عندى 128 فخلاص من الاخر تعبت من حكاية الابواب دية هل مركز ابو غالى ممكن يعملهالى تبع الضمان ولا لازم بقى ابو رواش او العباسية
دلووووونى يا اخوانى ماذا افعل ؟

بالنسبة للباب ده بسبب التقفيل المصرى وكان نفس النظام ده عندى فى باب السواق بس

وكنت لازم اقفلو جامد شوية بس ممكن تعمل ده فى ابو رواش هيظبطلك الباب وتبع الضمان

**mohamed_berlitz** · 24-08-2007 08:48 PM

طيب كدة السعر غالى ولا اية انت لما غيرت الزيت دفعتلهم كام يا سوكا
يا جماعععععععععععععععة
يا باشمهندس مممممممممممممممممممممدوح انت فييييين ماتيجى تفيدنا فى الحكاية دية

**MMamdouh** · 26-08-2007 10:54 AM

معلش انا معنديش نت فى البيت... ربنا يخلليلنا EgyNet

المهم يعنى على ايامى مكنش فى تغيير زيت فى صيانة الالف... شكلهم كدة بيمصلحوا

موبيل وان على ما اسمع بقى ب215 او كدة فا المبلغ اللى بتتكلم فيه قريب... و بالنسبة للباب قولهم عليه فى التوكيل و هما يعملوه

MMamdouh