الموضوع: الراجل ده حيجنني

طبعا لازم الجمارك تنزل على التوك توك ....

هو أنا و انتا اللى بنستورده من بره ؟؟
طبعا لأ ...

عشان كدا لازم الجمارك عليه لازم تنزل

الراجل ده اساسا صحفى فاشل ... وكل كلامه مغلوط وهوا لما يحب يهاجم حد اويهاجم عربيه او توكيل معين فده معناه ان اللى بيهاجمه ده مش عاوز يعلن عنده لان اهم حاجه عنده فلوس الاعلانات اللى بياخد نسبه منها قانونى .. العكس لما تلاقيه بيفخم فى عربيه او توكيل اعرف انه هتبقى فيه حمله اعلانيه عن العربيه او التوكيل ده عنده .. كله مصالح واخر حاجه بيفكروا فيها مصلحه المواطن الغلبان

ده ممكن تلاقيه بعد شوية عارض لسانه على eBay

ههههههه ... حد فاكر ايام ما نزلت لاندروك ... بصراحة كان شكله... متأسف... "زبالة"

بصراحه ياباشا مش أخر مقاله وبس ده هو بقاله مده م أول موضوع اللاند روك وهو مقالاته بقت خرف فى خرف بجد بأحس انه ليه مصلحه فى المقالات اللى هو بكتبها ومش حيادى ولا عادل فى مقالاته ابدا يعنى مثلا أول ما قانون المرور الجديد نزل كتب مقاله مؤيدا بشده القانون الجديد لأنه هو الى هيقضى على الإستهتار فى البلد دى لكن لما الهوجه بتاعه القانون الجديد راحت ورجعت ريما لعادتها القديمه ورجهت المحسوبيات والوسايط ويعينى القانون مش بيطبق الا على الناس الغلابه بس يحبسوا ده ويدفعوا ده دم قلبه ويخربوا بيت ده راح فين خالد افندى قال ايه ولا حاااااااااااااااجه ولا كانه من البلد دى
والله انا فكرت ان انا أبعتله ايميل اقوله الكلام ده اقوله ارحمنا بقى كفايه اقوله ان ملحق السيارات اللى انت رئيسه ده عمره ما كتب حاجه مفيده للمستهلك سوى اللهم سوى جدول الأسعار اللى بينزل كل اسبوع
عمره ماكتب عيب عربيه على السياره الفلانيه جمال المظهر والجوهر السياره التانيه جمال الشكل والمضمون السياره التالته جمال الأداء والسعر وقمه فئتها والأولى على عرش هذه الفئه خلاص زهقنا من الإعلانات اللى على شكل مقالات دى بتخدع المستهلك الغلبان والله يعينى بياخد الكلام ده ثقه ويشترى على طول وربنا يتولاه وكفايه موضوع اللاند روك ولا السانج يونج موسو وعائله غطاس المحترمه
الواحد بيشوف المجلات الأجنبيه مش هأقول what car ولا car ولا motor vision ولا الحاجات دى لأ هأقول سعودى أوتو والله المجله مش ليها حل بس انا بقلى فتره مش عارف اوصلها ان شاء الله هاعمل اشتراك مع الأهرام علشان يجيبوها على طول رئيس تحريرها واحد اسمه بكر أزهر والله كان بيختبر العربيه ويقول دى كويسه علشان كذا وكذا وعيبها كذا وكذا ومنافسينها ايه ومميزاتهم والله كان بيختبر العربيه كأنى ركبتها معاه انا فاكر اللكزس ال GS اول مانزلت عمل موضوع عنها فى 20 صفحه كتب عنها كل حاجه مش صاحبنا اختبر الجاكوار والبى ام مافيش صوره عدله ليها مافيش حتى صوره من جوه
لا حووووووووووووووووول ولا قوة الا بالله