-
شوفت بعينى محدش قاللى
امبارح يا شباب نزلت أشوف عربية ميجان 2006 زى مقولتيلكو قبل كده
و هذا ما وجدته فى السوق
جميع السيارات المعروضة بلا استثناء البلاستيك بتاع المساند و الايادى مقشرة الصراحة شكلها مقرف و كان فى عربية 2007 عاملة حاجة و عشرين الف كيلو اتباعت قبل ماروحلو و برضو كانت مقشرة حاجة غريبة ده طبيعى فى العربية و لا لأ
ثانيا من 6 عربيات شوفتهم كان 2 منهم الشاشة بتاعت الحرارة و السى دى نصها طاير الحروف و الأرقام مختفية الراجل الصراحة قاللى متزعلش نفسك هنزل اجيبلك واحده من الحرفيين ب 200 ج
ثالثا العربيات الموجودة كلها رشة برة و على الرغم من كده بيقولوا فابريكة باستثاء واحد محترم كان واقف معاه عربية 2006 قالى حضرتك دىرشة بره نضافة و اخدت بالى ان العربيه جايبة دواخل كمان و كانت معروضة عل 70000
رابعا بصيت على الهاتش باك التقفيل الفرنساوى
وجدت الأتى جميع السيارات حالتهم زبااااااااااااللللللللللل لللللللللللة و2004 -2005 مطلوب حوالى من 70000 ل 78000 حسب الكيلو متر
الصراحة لما نزلت سدوا نفسى عن العربيات كلها و السؤال ازاى حد شارى عربية ب140000ج
يعمل فيها كل ده ؟؟
-
قصة الدراع المقشر ده العادى بتاع اى ميجان كلها كده وحلها الوحيد يا تروح لسروجى يغطيها بكسوة جلد لون العربيه يا تجيب كسوة عادية ليها بس الحل التانى فالجر جدا والاول هو الاسلم
بعدين انا زيك بدور على ميجان النهاردة واحد جايبلى عربيه 2006 وكنت فاكرها فابريكة بس مدير عندى فى الشغل ومدير ورشة السمكرة ورونى العربيه فى الشمس الجنب الواحد فيه 4 الوان مختلفة الباب غير الرفرف غير الاكصدام غير الكبوت حاجه ما يعلم بيها الا المولى
ولسه بردو بدور بالنسبة للسوق ماعتقدش ان السوق ده للناس اللى زينا ده بتاع تجار قطاع طرق تجار رقيق الاشكال كلها هناك غلط واسلوب التعامل فوق الشنيع
ربنا يوفقنى و يوفقك فى حاجه كويسة وممكن تبعتلى رسالة على الخاص لو حابب اننا ندور سوا
-
خلاص مابقاش في ضمير وبرضو ده راجع لان الناس بتشتري وخلاص
-
والله يا احمد باشا انا بقالى شهرين بدور على عربية ميجان تعجبنى ولسه مياستش بس بجد الواحد بيشوف افعال من الناس مش ببقى مصدق نفسى وهما بيعملوها بجد بيصعبو عليا
-
طيب ليه العربيه ديه وانتا كل ما تنزل تلف تكتشف فيها حجات مش كويسه انا لو مكانك كان زماني كرهتها
-
أزمه ضميرسبب جميع مشاكل مصر
-
أى حد لازم يكشف فى التوكيل
-
هي دي مشكلة الميجان المستعملة ....
العربية دي اما بيجبها حد مش عارف ازاي يتعامل معاها ... عالطول بتتبهدل منة ويعرضها للبيع ....
عشان كدة متلقيش ميجان نظيفة للبيع لا بطلوع الروح ...
والله انا عامل 80000 الف وعربيتي 2006 والدرعات دي غيرتها من قريب وكانت نظيفة جدا ... والله غيرتها دلع مش اكتر ..
الميجان لازم مالكها يقدرها ويعاملها بشياكة والا النتيجة تبقي زي ما شفت ...
الميجان مش العربية بتاعت بهدلة ومعاملة وحشة ... دي عربية لازم تتدلع .. اللي شايف نفسة يقدر يدلعها يجبها ... او يتوكل ويشوف لانسر او كورولا .. دي عربيات تديها علي دمغها ومتقلش لا ...
-
صعب تلاقى عربيه ميجان نضيفه
والاصعب انك تلاقى حد أمين بيبيعلك
-
لا بيبيقى فى عربيات نضيفة بس النصيب انك متلحقش تخلص فيها
عايز تحطلك 70 80 الف فى جيبك وانتا ماشى
وبعدين فعلا الميجان عربيه لازم تدلعها لانها بطبيعة الحال مدلعاك اساسا
ومتقارنهاش باى حاجه تانية غير الكبار طبعا
فولفو بى ام مرسيدس و اودى
بس ربنا يسهل احساسى بيقول انى هلاقى الضالة بتاعتى خلال اسبوعين ادعو انتو بس
Content Relevant URLs by
vBSEO 3.6.0 PL2