الموضوع: استفسارات لإخواني أعضاء المنتدى

لا الموضوع مروحة فقط

التسخين بيكون في الصباح أو لو العربية باردة كإنها في الصباح
لكن بعد مشوار أو إتنين متسخنش

كل السيارات مواتيرها مجهزة للعمل مع التكييف المركب بها بلا حمل يؤذيه مهما كانت سعة المحرك اللترية..
وتسخين السيارة فى الصباح فقط وحتى هذا لا يهم مع استخدام الزيوت التخليقية التى يمكن استخدامها حتى فى درجات حرارة منخفضة لأن مجال عملها بالنسبة لدرجة الحرارة واسع جدا.

اللى انا متأكد منه ان حضرتك متسخنش العربية

يعنى تدور العربية و تطلع بها على طول, بس متمشيش جامد الا لما حرارتها توصل للمستوى الامثل (90 درجة)

المشاركة الأصلية كتبت بواسطة Dr Ahmed

وتسخين السيارة فى الصباح فقط وحتى هذا لا يهم مع استخدام الزيوت التخليقية التى يمكن استخدامها حتى فى درجات حرارة منخفضة لأن مجال عملها بالنسبة لدرجة الحرارة واسع جدا.

ملا حظة على كلام الدكتور أحمد
معنى كلامك أن التسخين في الصباح هدفه الوحيد هو التزييت ورفع درجة الحرارة لزيادة لزوجة الزيت وبالتالي التزييت الجيد

في الحقيقة هذه فائدة من فائدتين للتسخين في الصباح والفائدة الثانية أشد خطراً وهي التي لم يذكرها الدكتور أحمد

وهو أن جميع أنواع الوقود تحتوي على نسبة كبريت S وعند التشغيل في الصباح نتيجة لبرودة المحرك يحدث إتحاد للكبريت مع بخار الماء وبالتالي ينتج حمض الكبريتيك المركز (مياه النار) التي تتكثف لإنخفاض درجة حرارة المحرك عموما مما يؤدي إلى أن مية النار تأكل الإسطوانات أكلا أكلا والعربية تفوت في اللا وقت (no time)
وبالتالي التسخين يمنع حدوث هذه المصيبة حتى مع إستخدام الزيوت التخليقية التي تعمل في درجات الحرارة المنخفضة

وبالتالي التسخين صباحا مهم جداً جداً جداً جداً جداً جداً جداً جداً جداً
حتى لو راكب مرسيدس شبح وحاطط زيت تخليقي معمر (20000 كيلومتر) مجال عمله بالنسبة لدرجة الحرارة واسع جدا فهذا لن يؤثر على مشكلة الكبريت ومية النار

وبالتالي التسخين صباحا مهم جداً جداً جداً جداً جداً جداً جداً جداً جداً
حتى لو راكب مرسيدس شبح وحاطط زيت تخليقي معمر (20000 كيلومتر) مجال عمله بالنسبة لدرجة الحرارة واسع جدا فهذا لن يؤثر على مشكلة الكبريت ومية النار

طب حضرتك مكتوب فى كتالوجات كل العربيات الانجكشين تحذير بعدم تدوير العربية و هى واقفة فترة

و بينصحوا انك تدور العربية و تطلع على طول, بس متقرصش جامد الا اما تسخن

المشاركة الأصلية كتبت بواسطة معاذ الشرباصى

وبالتالي التسخين صباحا مهم جداً جداً جداً جداً جداً جداً جداً جداً جداً
حتى لو راكب مرسيدس شبح وحاطط زيت تخليقي معمر (20000 كيلومتر) مجال عمله بالنسبة لدرجة الحرارة واسع جدا فهذا لن يؤثر على مشكلة الكبريت ومية النار

طب حضرتك مكتوب فى كتالوجات كل العربيات الانجكشين تحذير بعدم تدوير العربية و هى واقفة فترة
و بينصحوا انك تدور العربية و تطلع على طول, بس متقرصش جامد الا اما تسخن

بيكون السخان الأوتوماتيك شغال وبيزود نسبة البنزين من الرشاشات وال RPM عالي شوية (حتى لما تطلع بالعربية تسخين على الماشي) لحد لما الحرارة تعدي المنطقة الحرجة تلاقي التسخين الأوتوماتيك فصل لوحده وال RPM أصبح طبيعي

مع احترامى الشديد لكلام حضرتك. أنا مش فاهم علاقة درجة حرارة السيارة بتكوين حمض الكبريتيك..

اللى فهمته أن الكبريت موجود فى الزيت طول الوقت وبخار الماء موجود فى الهواء طول الوقت يبقى احتمال تكون الحمض ثابت طول الوقت صباحا ومساء فانا مش فاهم لحد دلوقت علاقته بالتسخين.

المشاركة الأصلية كتبت بواسطة Dr Ahmed

مع احترامى الشديد لكلام حضرتك. أنا مش فاهم علاقة درجة حرارة السيارة بتكوين حمض الكبريتيك..
اللى فهمته أن الكبريت موجود فى الزيت طول الوقت وبخار الماء موجود فى الهواء طول الوقت يبقى احتمال تكون الحمض ثابت طول الوقت صباحا ومساء فانا مش فاهم لحد دلوقت علاقته بالتسخين.

أنا قلت الكبريت موجود في الوقود يعني في البنزين مش الزيت
وفعلا هو موجود في البنزين أو الوقود عموما طوال الوقت وبخار المياه موجود في نواتج الإحتراق طوال الوقت
لكن في حته إنت مخدتش بالك منها في كلامي وهي:

يحدث إتحاد للكبريت مع بخار الماء وبالتالي ينتج حمض الكبريتيك المركز (مياه النار) التي تتكثف لإنخفاض درجة حرارة المحرك

يعني تكثفه هو المشكله مش وجوده هو المشكلة (لو موجود طول الوقت وهو غير متكثف لن يضر المحرك وطبعا طول ما العربية سخنه عمرة ما هيتكثف)
طبعا هو بيتكثف عند درجة حرارة 110 تقريبا داخل غرفة الإحتراق وده مبيحصلش إلا عند تشغيل المحرك في الصباح فقط وحتي تتم عملية التسخين
أظن إتضحت الصورة