Verna GTR 2008 والناحية الصوتية

شباب ازيكم واحشتوني جدا جدا

عندي استفسار بسيط انا معايا فيرنا انا غيرت السماعات الاصلية بتاعت احمد بهجت وركبت سوني 300وات بالمقاس الاصلي بتاع السيارة اللي هو 16 انش وركبت في الابواب الامامية سوني 150وات 13 انش والكاست الرودستار اللي كان فيها اتغيير لبايونيير 3050

الصوت عندي جميل كدا بس تفتكره ايه اللي ناقصني عشان الصوت يكون اجمل واجمل مع العلم اني لا افضل البيز القوي اوي ولا بحب فكره الصبات ايه ممكن يتعمل غير كده لو جبت جي ام ممكن اوصل عليه السماعات الاربعه وله ازود سماعات وله اركب رف تاني غير الاصلي بتاع العربية افيدوني بجد مستني مساعدتكم ليا في اسرع وقت قبل الفلوس ماتتصرف مني

اكيد لازم تجيب جى ام ...
وممكن تزود السماعات لو عايز بس جيب بيونير مش سونى بقي ..
واعتقد ان ال 400 watt هيبقوا تمااام مع اللى عندك .

بلاش سماعات زيادة ممكن تركب تويترات وأمبليفاير نظيف يابلاش

رأيى حرام تجيب جى ام على السماعات الصغيرة دى هيفرفرو منك

اقتباس:

---

المشاركة الأصلية كتبت بواسطة Terrible_DaRsH

اكيد لازم تجيب جى ام ...
وممكن تزود السماعات لو عايز بس جيب بيونير مش سونى بقي ..
واعتقد ان ال 400 watt هيبقوا تمااام مع اللى عندك .

---

اقتباس:

---

المشاركة الأصلية كتبت بواسطة HNaga

بلاش سماعات زيادة ممكن تركب تويترات وأمبليفاير نظيف يابلاش

---

اقتباس:

---

المشاركة الأصلية كتبت بواسطة KoDaK_Gti

رأيى حرام تجيب جى ام على السماعات الصغيرة دى هيفرفرو منك

---

تسلموا جميعا على سرعة ردودكم بس انا كدا احترت اكتر في اللي بيقول اركب جي ام بس وناس تقول السماعات هتفرقع وناس تقول زود السماعات وناس تقول لا

عايز اعرف اعمل ايه بالظبط انا بسألكوا عشان تدلوني مش تتوهوني وله ايه

الموضوع بسيط
مخرج الكاسيت بتاعك بيخرج يا 4 يا 6 ولو 6 يبقى 2 لصب
يعنى من الأخر أخره أربع للسماعات
أى سماعات زيادة هتبقى نسخة من سماعة موجودة وده من ناحية جودة الصوت مش حلو

عايز تفاصيل صوت أكثر ركب تويترات لان التويترات مكانها عالى هتوضح الترددات العالية أكثر

الأمبليفاير النظيف هعلى الصوت و يبين تفاصيله أكثر
ولو ان العدى ان الأمبليفاير بيركب على سماعات أقوى من كده بس برضه تركيبه هيفرق معاك
قول ال Rms بتاع السماعات كام بالضبط مش مهم الواط

اقتباس:

---

المشاركة الأصلية كتبت بواسطة HNaga

الموضوع بسيط
مخرج الكاسيت بتاعك بيخرج يا 4 يا 6 ولو 6 يبقى 2 لصب
يعنى من الأخر أخره أربع للسماعات
أى سماعات زيادة هتبقى نسخة من سماعة موجودة وده من ناحية جودة الصوت مش حلو

عايز تفاصيل صوت أكثر ركب تويترات لان التويترات مكانها عالى هتوضح الترددات العالية أكثر

الأمبليفاير النظيف هعلى الصوت و يبين تفاصيله أكثر
ولو ان العدى ان الأمبليفاير بيركب على سماعات أقوى من كده بس برضه تركيبه هيفرق معاك
قول ال Rms بتاع السماعات كام بالضبط مش مهم الواط

---

السماعات وراى 16 انش مدور مش بيضاوي وقدام 13 انش

ال Rms مش الحجم ياأستاذى

بص ياباشا الكلام ده جربه واسال فيه ورد عليا هتخلع الرف اللى وراه اللى بيطلقوا عليه ( الكوبسته ) وهتعمل واحده MDF عند اى نجار وهتجيب اربع سماعات بايونير 400 وات ( عاوز تشكلهم بايونير على كينوود مش مشكله زى ما انت عاوز ) وتسيب بتوع الابواب وتجيب جى ام 600 وات على 4 تشانيل للسماعات اللى وراه وسماعات الابواب وصلها على الكاسيت والجى ام يكون من الأفضل كينوود وشوف راى الاعضاء ورد عليا وانا فى الخدمه فى اى استفسار .....

اقتباس:

---

المشاركة الأصلية كتبت بواسطة ahmednabeel

تسلموا جميعا على سرعة ردودكم بس انا كدا احترت اكتر في اللي بيقول اركب جي ام بس وناس تقول السماعات هتفرقع وناس تقول زود السماعات وناس تقول لا
عايز اعرف اعمل ايه بالظبط انا بسألكوا عشان تدلوني مش تتوهوني وله ايه

---

ماهى المشكلة انك بتسأل على حاجة بعد ما اشتريتها
انت لو سألتنا قبل ما تشترى كنا هنقولك على حلول كتير لكن انت اشتريت خلاص

تسلموا جميعا على الردود انا خلاص
ان شاء الله هركب رف جديد وهخلي
فيه السماعتين ال 16 انش وهجيب
كينود 400 وات بيضاوي وصب
صغير 600 وات بينهم على الرف
وهجيب جي ام 600 وات يتوصل عليه السماعات الاربعه اللي والصب
وسماعات الابواب هخليها على الكاسيت

ايه رأيكم ده مستنى ردودكم الكريمة ؟

حد عنده فكره رف الهايونداى الفيرنا ال 1600 الخلفي يكلف كام بالموكيت بتاعه وشغل نظيف ؟؟ومن عند مين لو فيه رفوف جاهزة؟؟

اعمله فى توكيل كلاريون اللى فى احمد عرابى
ومتوصلش السماعات ال 16 على جى ام علشان ميبوظوش الصوت