الموضوع: إستثمار

المشاركة الأصلية كتبت بواسطة Hossam Hassan

تعالى نحسبها، ال100 خط دول لأن الطلب على الدواء لا يتأثر بسهولة، يعنى لو البنزين بقى ب 2 جنيه بدل 140 قرش، يعنى 40% زياده، ناس كتير هتفكر مرتين قبل ما تروح اى مشوار لكن لو اى واحد بيحتاج دواء ب 140 قرش و بعدين الدواء ده غلى بقى ب 7 جنيه، يعنى 500% زيادة، هيقدر يقول مش جايب؟

بس أعتقد ان الموضوع ده مش أي واحد يتعامل معاه لازم يكون لدكتور أو صيدلي غير كده مش هايقدر يتعامل مع الموضوع ده

أكيد فيه أفكار تانيه بس واضح أن أغلبية الناس عندها إستعداد إنها تصرف مبلغ ذي ده أحسن من إنها تستثمره يعني هو المبلغ ده ممكن يعمل حاجه في الزمن ده :D

شغلانة بسيطة جداً .. بس محتاجة حد يوزع ..
هات رزمة ورق 100 * 70 سم ، بولندي أو تايلاندني 80 جرام ويستحسن تكون سيرينا ، وممكن برضه 70 جم من شارع الدسوقي في العتبة . سعر الرزمة 80 جم حوالي 140 جم وأقصى مبلغ 155 جم
قطعهم 10 * 10 سم .. بكده يكون عندك 70 باكو كل باكو 500 ورقة اقسمهم بالنص .. يعني تبقى الواحدة 250 ورقة
غريهم وسلفنهم عند أي حد مجلد بكده يبقى عندك 140 واحدة . سعر القص حوالي 4 جنيه .. سعر التغرية والسلفنة حوالي 14 جنيه قول عشرين . المجموع حوالي 175 جنيه .
تباع الواحدة منها للمكتبات كورق مكتب ( وراقه) بسعر جملة لا يقل أبداً عن 175 قرش ويصل إلى 2 جنيه للورق 80 جرام
يبقى 2 * 140 = 280 جنيه مكسب حوالي 100 جنيه صافي لكل 175 جنيه .
والمكتبات تشتري هذه النوعية بسرعة وبكميات كبيرة ، ويمكن توزيعها على الشركات والمكاتب بأسعار أعلى .
تجربة صغيرة ومش هاتخسرك حاجة .
ولو العملية مشيت شوية ممكن تجمع ورق ملون ، أو تشتري رول ورق كبير 1.25 طن ، وتعمله كراريس رسم أو كراريس صماء ( بدون أسطر ) عند أي مقص محترم ، ومكسبها مضمون جداً .
أما لو كان عندك مكان مؤقت ممكن تفتح حاجة مؤقتة لمستلزمات المدارس من الأدوات المكتبية والكراريس ، مكسبها رائع وعن تجربة ، لكن ما تحاولش تبيعها للمكتبات فهم أكثر خبرة ودراية .
للعلم القلم اليونيبول المشهور الياباني الأصلي مش الكوري التقليد ( المشهور أيضاً ) سعره جملة 175 قرش فقط ويباع بحوالي 5.50 . شوفوا انتوا بقى .. هذا الكلام عن تجربة وليس اقتراحات في الهواء .
وبالتوفيق