الموضوع: بوبينة مارش البيتلز دوختنى

الأخوة الأعزاء
أصدقاء البيتلز ,كنت عايز أحكيلكم على المشكلة اللى واجهتنى أمبارح فى المارش وهى أنة عطل منى فجأة أمبارح وكنت فى مشوار ,طبعا كان فية مقدمات للمشكلة من حوالى 4 شهور وهى أنة لقيتة بيعتل فى بعض الأحيان وبعدين عطل فرحت لكهربائى جنب البيت فالمهم فك المارش وقلى خلاص صلحتة وركبتلك طقم شربون ب20 جنية ولحمتلك البوبينة ب 15 جنية وتركيب وفك 20 جنية المهم أتصلح وأشتغل 10 أيام وعطل تانى فرحت للكهربائى تانى ففكة وطلع البوبينة وقلى البوبينة تعبانة أحسن حاجة تجيب واحدة أستيراد طبعا مكدبتش خبر ونزلت على عزبة شلبى طبعا ما لقتش الا مارش كامل وكل واحد يديلك سعر مختلف فنزلت على الحرفيين طبعا مافيش نزلت عند حديقة بدر مافيش غير مارش كامل المهم رحت عند واحد أسمة موريس بيلف بوبينات فقلى الكولكتور عايز يتغير وتكلفتة 60 جنية بس البوبينة ما تستهلش تصرف عليها المهم تعبت من اللف وروحت, فقلت أجرب الحم البوبينة بنفسى طالما الكهربائى حط العقدة فى المنشار وأنا عندى كاوية لحام زى الولاعة قلت أجرب بيها وفعلا جابت نتيجة فى اللحام أحسن من اللى عند الكهربائى ونضفت الكولكتور وعزلتة بالورنيش وأديتة للكهربائى تانى يوم علشان يركبة وأفتكر أنى جبت واحد تانى المهم ركبة وأديتة 15 جنية تانى , وأشتغل 4 شهور لحد أمبارح عملها معايا, ورحت لكهربائى فى الزيتون أسمة محمد سركيس المهم فك المارش وقلى البوبينة تعبت غيرها , وأنزل عند حديقة بدر, قلت تانى , المهم نزلت ,ولفيت لما دخت,وملقيتش بوبينة لوحديها طبعا لقيتها عند واحد بيلف بوبينات فجبلى واحدة الأكس بتاعها متاكل يعنى القطر بتاعها اقل من القديمة فقلتلة دى ماتنفعش فقلى لأ دى تنفع بس غير الجلبة ., عارفين الجلبة دى فين؟ الجلبة دى فى الفتيس ومعنة كدة أنى أدور العربيية زق بدون المارش وأروح للمخرطة والخراط ينزل تحت العربية ويعمل جلبة جديدة ويركبها وأدور العربية زق تانى وأروح للكهربائى علشان يركب المارش كل دة علشان البوبينة البايظة بتاعتة وعايز تمنها 70 جنية أويلفلى القديمة بتاعتى ب 100 جنية ويا عالم هتنفع ولا مش هتنفع ,المهم روحت لواحد أسمة أميل لقيت عندة مارش كامل أستيراد فقلى اللى بيشتغل بياع عندة ب220 جنية دخل صاحب المحل بقى السعر 225 جنية طيب يا عم أميل أكرمنا فى السعر شوية من هنا لهنا وبعد محولات مرضيش ينزل تمنها مليم واحد المهم أخدتة ورحت بية للكهربائى جهة يركبه فقلى دة الأكس محمل ومش داخل فى الجلبة بتاعة الفتيس لأنها أصغر شوية المهم, قعد يصنفر فى الأكس وبعدين اللى خلانى مش مطمن أنة برد الأكس بالمبرد ودة معناة أنة أصبح غير مستوى وممكن يبوظ الجلبة وأدخل فى موال الجلبة بعد كدة . المهم أخيرا ركبة وأخد مصنعية 20 جنية ,بس مشيت من عندة وأنا مش مطمن على حكاية أن البرد بتاع الأكس دة يدخلنى فى مشكلة تانية بس هوقال أن الأكس والجلبة هيطبعوا على بعض, ويا عالم , ودى كانت حكايتى مع المارش شفت فيها العجب , معلش طولت عليكم , بس علشان لو حد حصلت معاة المشكلة دى ما يغلبش ويختصر الوقت , وربنا مايغلبلوكوش مارش . وسلامى لكم جميعا

جومنجى بك المحترم
تحياتى معنى قطعة كهرباء يعنى مفيش مرش ولا نور ولا كلاكس فى الحالة دى ارجع للكهربائى يشوف لك شحن الدينمو وبعد ما تشحن البطارية اخلع كبل من كبلات البطارية ولمسه على القطب بتاعه فى البطارية وشوف هل فى شرز او شرار بيطلع مع العلم التست ده لازم تعمله وانت فاصل الانزار واى شىء كهربا شغال لو حصل شرز يبقى فى عندك قفلة وربنا يسترها معاك ومع الجميع