-
انا اول حاجه ركبتها كانت في السعودية بتاعت والدي سنة 94
تويوتا كريسيدا موديل 92 ودي اللي اتعلمت عليها
بس ما شاء الله وحش 2200 سي سي
وبعد كده عربية والدي كرولا 98
وبعد كده اشتريت 128 موديل 82 صغنونه على اد القرشين
وحاليا الحمدلله معايا لانسر كريستاله كامله منيوال موديل 2000
-
انا اول عربية ركبتها كانت 131 بتاعة عمي سنة 2006 و كانت بداية تعلمي للقيادة و دلوقتي ان شاء الله النترا 2009
-
أول عربية كانت لانوس Ii مانيوال
-
أنا أول عربيه ركبتها كانت بيجو 504 مو81(sr).
دلوقتى أنا معايا لانوس2006 قابله للتغيير فى أى لحظه.
................
-
انا اول عربيه ركبتها كانت بيجو 504 موديل 1978 بتاع والدى ودى اللى انا اتعلمت عليها السواقه سنه 1994 تقريبا وكنت فى تالته اعدادى
وبعدها ركبت بيجو 505 موديل 1989 وكانت رووووووووووووعه
بعدها سكودا فليشيا 1997 1300 سى سى ودى كانت هديه من والدى لدخولى كليه الطب
وحاليا لانسر 1600 سبورت وأوكتافيا A5 ولانوس 2
وأحلى عربيه ركبتها كانت s350 الجديده وكانت سبيشيال أوردر بعدها ال bmw 525 الجديده
-
اكيد طبعاً 28
وكانت موديل 79
-
127 grey :)
it was the best :)
-
اول عربية كانت 128 الى مازالت معانا وكنت فى اولى اعداداى
حاليا معاى نفس ال128 وتقريبا بجيب بيها الخضار فقط
وايضا فيرنا وطبعا فرق السما من الارض.
-
كانت نص نقل شيفرولية القديمة بصندوق موديل 81 دى اللى اتعلمت عليها اصلا هيا و فيات 124 ، كان عندى بتاع 10 سنين مكنتش بطول الدواسات ولا بطول اشوف من فوق الدركسيون ، كنت بقعد على مخدة وبشوف من بين الدركسيون والطابلوة و ابويا هوا اللى كان بيتعامل مع الدواسات ، وعادى خالص كنا بنسافر بالطريقة دى
فاكر مرة فى مدخل اسكندرية كان فى لجنة واقفين وملحقناش نبدل الأماكن وهما شايفين العربية جاية من بعيد ومفيهاش غير واحد بس قاعد على اليمين مش الشمال والعربية ماشية لوحدها ومبحلقين هههه
النص نقل دى اكتر عربية حبتها فى حياتى مش عارف لية وكنت بحب شكل الدركسيون بتاعها جداا
وال124 دركسيونها كان تقيل عليا جداااااا
ايام جميلة
-
اول عربية سوقتها كانت داتسون 120y
وكنت في سنة 4 ابتدائي وانا دلوقتي عندي 20 سنة
Content Relevant URLs by
vBSEO 3.6.0 PL2