الموضوع: سؤال في نقطة قانونية

المشاركة الأصلية كتبت بواسطة mobitek

المشترى مبيمضيش
علشان لما يوقع لازم ينقل الملكيه فى خلال شهر
بس المفروض كنت تخلى معاك العقد الابتدائى اللى فيه المخالصه وميعاد تسلمه السياره اللى هو موقع عليه
وعامه خير متقلقش

الاخ الفاضل موبيتك شكرا لمداخلتك , أنا لم اعمل عقد ابتدائي بيني و بينه بل عملنا عقد البيع و سجلناه مباشرة في الشهر العقاري و استلمت الفلوس و الحقيقة اللي أشترى مني قلبه طيب و لم يأخذ مني مخالصة بثمن البيع و هذه نقطة ليست في صالحه لكن طبعا البيع بيكون بكلمة شرف قبل ما بيكون بورق .

هو انا بصيت على العقد لقيت فيه بندان ينصان على ان المشتري عاين السيارة معاينة نافية للجهالة و أنه استلمها فعلا و البند الثاني انه سيكون مسئول عنها مت تاريخ توقيع عقد البيع اللي انا مضيت عليه بالفعل

المشاركة الأصلية كتبت بواسطة mo7a_mo7a

عادي جدا هو ميمضيش علشان ميضطرش ينقل ملكية وبالتالي يستفيد بالمدة المتبقية في الرخصة الخاصة بالسيارة

وامضتك هي اللي بتخلي مسؤليتك القانونية وليس امضته فانت اخليت مسؤليتك بالفعل
وهو بياجل التوقيع علشان يستفيد بالرخص
ربنا يباركلك في البيع

شكرا يا أخ moha

ربنا فعلا يبارك في البيعة لان انا نيتي سليمة و كذا المشتري فهو مثلا لم يأخذ مني مخالصة بثمن البيع رغم أن هذا من حقه و أنا لم يخطر على بالي شئ .

كلامك سليم ففعلا باقي في تسجيل العربية شهران و بعدها ممكن ينقل هو باسمه كمالك جديد .

لكن لي سؤال : هو المشتري بعد كده بيروح بالعقد المسجل في الشهر العقاري الموجود بالمرور و يقول لهم أنا عايز اوقع علشان اسجل و الا بيوقع في المرور اللي على عنوانه مباشرة ؟؟؟؟؟؟؟؟؟؟