تجربتى مع مركز ابوغالى العبور فى صيانة ال25000.
تجربتى مع مركز ابوغالى العبور فى صيانة ال25000.:44:
السلام عليكم ورحمة الله وبركاته.
دى خلاصة يوم من حرقة الدم والغيظ. :_Alshmokh08[1]:
أولا : عند الاتصال بهم لحجز ميعاد الصيانة بسؤاله عن اقرب معاد فاضى قالى دلوقتى لو حضرتك عايز مما اعطانى شعور انهم قاعدين فاضين وعند الحجز فى اليوم الناسب لم يتم سؤالى عن رقم الحجز عند الدخول ( يعنى من الاخر ملوش لازمة ).:N_no[1]:
ثانيا : رحت لقيت نفسى فى مكان مهجور وكله حفر ومدقات يعنى لولا انى عارف انهم حيربطوا العفشو مكنتش دخلت عشان فعلا العربية بتتبهدل على ما توصل والمركز نفسه فيه اعمال هدم وبناء كثييييييييرة.:B4_556:
ثالثا : متحسش انك فى مركز خدمه ( مثال بسيط ) رحت الساعة 9 وخلصت 11.30 إجمالى العربيات الى دخلت :-
اتنين فيرنا - واحدة اللنترا - واحدة سواناتا - واحدة نيو اكسنت فققققط لا غير يعنى خمس عربيات فقققققط الله يرحم ابو رواش بتقف بالكيلو مما يعطى احساس ان محدش عايز يرحله لسبب مجهول.
رابعا : وجود عدد واحد مهندس إستقبال والى دائما مش موجود ( آل يعنى الشغل مقطع بعضه ) وعند مقبلته بقولو عايز اعمل صيانة 25 الف يقوم يقولى طب تحب تعمل فيها ايه !!! قولتلو وانا اش عرفنى مش دى عربيتكوا وانت عارفين صيانتها – سال نفس السؤال قولتهله غير زيت وفلتر وربط العفشة بس.:36_9_4:
خامسا: مكان انتظار العملاء والله العظيم بدون مبالغة 2.5 متر * 3 متر فقط ويوجد تليفزيون ودش وكانبتين وشكرااااااااا مما يشعرك بعدم وجود ابسط انواع الخصوصية وهى مثلا التحدث فى الموبايل فجميع من بالغرفة قد علم لمن تتحدث وفى اى موضوع ويمكن تبادل الخبرات بالمرة.:44::44:
سادسا : لا تستطيع رؤية السيارة بعد دخولها الورشة ابدا - وعند سؤال احد العاملين رد بمنتهى الامبالاة ( هى العربية وحشتك ولا ايه ؟؟ ) وكان الرد وابل من (التهزىء) ولكن وجدت طريقة لرؤية السيارة وهى الخروج الى الشارع الخلفى للمركز فتجد باب الورشة يناديك وسيارتك بالداخل وكانت المفاجأة !!!! عدد العمال بالمركز كللللله عدد 2 عامل ( ايوة عاملين فقط وليست غلطه مطبعيه ).:stink[1]:
سابعا : بعد انتهاء اعمال الصيانة لقيت العربية مرمية داخل المركز وحتى مش مكلفين نفسهم يبعتوا اى عيل صغير يقولى ان العربية خلصت.:_Alshmokh08[1]:
ثامنا : بعد رؤية السيارة مرمية رحت شيكت عليها لقيت العتب بتاع باب السواق غرقااااان زيت من اول العتب البلاستيك وصولا الى العتب الصاج الخارجى وبسؤال البيه مهندس الاستقبال ( الى مفيش مهندس غيره فى المركز كله ) أفادنا ان العربية لسة حتتغسل ( قوم انا اتبسط اوووى عشان ابو رواش مش بيغسلوا العربية ) بقوله امال مبتدتوش تغسلوها ليه؟؟ رد : اصل عامل التنضيف اجازة النهاردة !!!!!!!! يعنى المفروض انا استناه لحد تانى يوم لما اجى ؟؟؟؟؟؟؟؟؟؟؟؟؟؟؟؟؟؟؟؟؟ قولتلو محروق ابو الغسيل خلصلى الورق عشان امشى.
تاسعا : عدم الدقة والامانة فى التعامل فبعد معاينة السيارة تبين عدم وجود جركن الزيت وسألت نفس مهندس الاستقبال قالى خش الورشة هاتو لو عايز ( بالزمة دا كلالالالام ) دخلت نديت على عامل من الاتنين الموجودين قولتلو عايز جركن الزيت بتاعى يقوم يقولى انت عايزه ليه؟؟؟ رحت شايط فيه بقوله الزيت دا انا دافع تمنه يعنى تحطه فى الموتور الباقى تديهولى مش تخده راح ماشى قعد يدور على اى جركن فيه شوية زيت يدهملى ولاخلاص وفعلا خدت واحد.
وايضا لاحظ وجود بند فى الفاتورة اسمه (وردة فلتر زيت) سعرها 6 جنيهات سألت العامل الى اشتغل فى العربية ايه الوردة دى قالى اصل القلاوظ بتاع الموتور اتاكل فدى عشان ميسربش زيت فبقوله يعنى هى كانت مسربة زيت قالى : ايوة كانت مسربة زيت - كنت عايز امسكه اضربه عشان انا لسة كنت قايس الزيت الصبح وكان على اقصى درجاته وعدم وجود اى اثار لتسريب الزيت نهائياااااااااااااااا وبسؤال المهندس افادنا ان فى اى صيانة بيتم تغير الوردة دى قولته دى صيانة 25 الف يعنى انا عامل صيانات قبل كدة بدون الوردة راح ساكت وقال لا هى لازم تتغير وخلاص .
وفى النهاية لا انصح احد بالذهاب الى هذا المركز.:k52:
وشكررررا
