تصويت: تركب جر امامى وللا دفع خلفى

**sab3aawy** · 03-05-2007 05:39 PM

لو بتشترى سيارة وامامك اختيارين لسيارتين بنفس الكماليات ونفس القدرة الحصانية ونفس الجودة ومن شركات متساوية فى السمعة

واحدة فيهم جر امامى (اسرع، اوسع، اريح على الأسفلت، اسهل فى المناورة)

والثانية دفع خلفى(على شاسية ، امتن، اضيق، اقل فى السرعة،اثبت فى مناورات السرعة العالية)

تشترى مين فيهم

**megane_man** · 03-05-2007 05:52 PM

دفع خلفي

**Mohsens** · 03-05-2007 05:58 PM

دفع خلفي لللأسباب التالية:

1) قدرة أكبر للفرملة.
2) تحكم أكبر في المناورات.

أختلف مع حضرتك في موضوع السرعة:

واحدة فيهم جر امامى (اسرع، اوسع، اريح على الأسفلت، اسهل فى المناورة)

حيث أن معظم سيارات السباق تعتمد علي نظام دفع خلفي أو رباعي, نظراً لأن مركز ثقل السيارة بيShift الي الوراء أثناء التسارع مما يحسن الجر.

**PRO-DRIVE** · 03-05-2007 06:03 PM

شخصيا كل تجاربى مع الدفع الخلفى سئية و بقوة مع انه افضل :shock: يعنى كان موجود كراون فكتوريا و كانت لا ثابتة ولا اى حاجة :twisted: كانت كورولا يمكن اثبت منها :shock:

و عموما افضل الدفع الرباعى على السيارات السيدان العادية للاسباب التالية
1- اثبت من الامامى و اثبت من الخلفى
2- انشط فى الاندفاع من الاتنين
3-يجمع مميزات الامامى و الخلفى
4-بتعمل بية برن اوت احسن من الخلفى و الامامى :mrgreen:

خلينى اتكلم بعملية

اذا قدامى مثلا عربية 4 سلندر و موجود مثلا دفع امامى او خلفى حختار الامامى ( لان الخلفى ساعتها حتكون العربية ميتة العزم واقع يعنى+ وزنها حيكون تقيل اوى + صرفية بترول عالية + ضيقة على الفاضى

دة مثال اول

التانى اذا مثلا قدامى اختيار مابين عربيتين دفع امامى و خلفى بس V8 <<<< اساسا مش موجود V8 دفع امامى بس نفترض :mrgreen:

اكيد الخلفى لان ساعتها مشكلة الوزن و الضيق فى المساحة حتكون اتحلت لان حجم العربية حيكبر لان قدرة المحرك على الجر اعلى

حيكون أمن من الدفع الامامى فى التسارع

عموما كل مشكلة الدفع الامامى فى التورك ستير بس دة راىى

و فى الاخر انا من نصار الدفع الرباعى AWD و كواترو و فورماتك و ............

**Santino** · 03-05-2007 06:31 PM

بالنسبه لطريقة عرض الإستفتاء , أرجو تغيير الإختيارات لتكون : جر أمامي و دفع خلفي , بدل : نعم و لا , حتي تكون مناسبة للسؤال .
و شكراً

أمّا بالنسبة لإختياري : جر أمامي .

**Abdallah** · 03-05-2007 10:18 PM

جر امامى, انا مش بشترى عربية عشان احارب بيها وتوجعلى ضهرى ومفيهاش كماليات وعموما انا مش بقود على سرعات عالية فمش هتفرق معايا المهم العربية تبقا صيانتها سهلة وقطع غيارها متوفرة ومش بتعطل كل يوم, بس طبعا لو فى سوبارو امبريزا دفع رباعى تبقا تمام :D

**hazem_khidr** · 03-05-2007 11:50 PM

جر خلفي طبعا حتي لو السرعه اقل بحاجه بسيطه بس بتركب عربيه ثابته و ترتاح من مشاكل الكبالن و عربيه قويه و حقول اسباب اختياري للدفع الخلفي ايه
1.نسبه توزيع الوزن للعربيه بالنسبه للدفع الخلفي افضل بكتير و ربما يكون الوزن متساوي بين المحورين الامامي و الخلفي نرا لوجود الات الجر في الخلف في دا بيبقي مفيد في ثبات العربيه اوي
2.عند البدء في التحرك بطريقه سريعه بالسياره .بالنسبه للجر الخلفي السياره بتتحرك بشكل طبيعي و دا علشان ان الحركه بتتوزع علي الاكسات الخلفيه بالتساوي(عمود الكردان بينقل الحركه للكورونه و الكورونه بتوزعهم علي الاكسات بالتساوي نتيجه ان الاكسين نفس الطول تماما) اما بالنسبه للجر الامامي ف بيكون عندنا دراعين غير متماثلين في الطول و ممكن تلاحظ و انت طالع مندفع ان الدركسيون ممكن يتحرك من ايدك(تحس ان كل عجله طالعه لوحدها)
3.عند الضغط علي الفرامل بقوه من الطبيعي ان السياره تهبط من الامام و تعلي من الخلف في الجر الخلفي يلعب هنا التوزيع المثالي للوزن دور كبير في ما يخليش العربيه تهبط من المقدمه بشكل جامد .اما بالنسبه للجر الامامي ف السياره بتهبط بشكل جامد و دا بيخليها ممكن تعوم من ورا.
طبعا الجر الامامي بيمتاز انه اوسع من الداخل(لعدم وجود كورونه و عمود كردان و فتيس)و دا بياثر علي مساحه العربيه طبعا و غير ان استهلاك الوقود بيبقي احسن بالنسبه للجر الامامي

**bassam nagy** · 03-05-2007 11:54 PM

دفع خلفى عزم اكبر قوة على الطريق ثبات على السرعات

**PRO-DRIVE** · 04-05-2007 12:03 AM

^^^^^^^^^^^^^^^^^^^ كل اللى فوقى انتوا بتتكلموا على المحركات و لا مجرد الدفع :roll:

اذا المحرك 4 سلندر اقل تسارع ممكن يوصل 20 ثانية للدفع الخلفى و العزم حيكون ضعيف جداا كلامكم حيكون صح اذا كان المحرك v6 او اكثر ابسط مثال بى ام الفئة الاولى اساسا الكنبة اللى ورا معتقدش انها تشيل اكتر من اطفال :mrgreen:

**hazem_khidr** · 04-05-2007 12:16 AM

المحرك 4 سلندر اقل تسارع ممكن يوصل 20 ثانية للدفع الخلفى و العزم حيكون ضعيف جداا كلامكم حيكون صح اذا كان المحرك v6 او اكثر ابسط مثال بى ام الفئة الاولى اساسا الكنبة اللى ورا معتقدش انها تشيل اكتر من اطفال

مع احترامي لكلام سيادتك بس الجر الخلفي في ال4 سلندر برضه عزمه مش وحش خالص خالص و اكيد ركبت 132 او 504 او بي ام الفئه التالته القديمه(انا بجيب لحضرتك امثله من محركات قديمه بتقنيه قديمه مش جديده) حتلاقي ان تساعرهم معقول جدا كمان

مشاهدة نتائج الإستطلاع: تشترى جر امامى وللا دفع خلفى

الموضوع: تصويت: تركب جر امامى وللا دفع خلفى

LinkBack

أدوات الموضوع

عرض

-

-

-

-

-

المواضيع المتشابهه

اللوجان جر خلفى ولا امامى

سوست امامى و خلفى لابيزا 94

هى التجو 1600 سحب امامى ولا خلفى

تمن تيل و طنابير امامى و خلفى

تركيب مسند يد خلفى و امامى ؟

الكلمات الدلالية لهذا الموضوع

المفضلات

المفضلات

ضوابط المشاركة