هل السيدات فى مصر بيعرفوا يسوقوا!؟؟

**blazer** · 08-02-2009 03:48 PM

السلام عليكم و رحمه الله وبركاته

-الشارع واقف بسبب عربيه والناس اللى وراها كلها بتزمر
-عربيه واخده ملف وبتعدى الشارع الناحيه التانيه عشان تدخل شارع جانبى بعرض الطريق
-عربيه ماشيه فى الحاره الشمال على 60
-عربيه تيجى و تفرمل جامد فى منزل كوبرى
-الشارع واقف بسبب عربيه مش عارفه تعدى من حاره تعدى عربيه نقل و بتقول ديقه
كام واحد اتعرض للمواقف دى و قبل اما يقرب من العربيه يبقى متاكد99.9% من انها بنت او سيده
اول ما تحاول تعبر عن انك متدايق هتبصللك بنظره (كانها بتقول مبيعرفش يسوق انا مايكل شوماخر)
انا مش بقول ان كل السيدات مش بيعرفوا يسوقوا بس نسبه كبيره منهم بيعملوا التصرفات دى
ممكن تكون قله خبره و ممارسه
قد لا يكون كدا وانما خوف و عدم التقدير الجيد للامور
انا غلطان

**Dr Zezo** · 08-02-2009 03:56 PM

انا هأقول لحضرتك حاجة

قيادة السيدات مثل قيادة الرجال

زي مادول فيهم الكويس و الوحش الرجالة برضة زيهم

بس يمكن احنا اللي بنتلكك لهم

و الموضوع ده يفتح الحرب من جديد
لانه وجهات نظر البعض تثير حفيظة الاخر

**blazer** · 08-02-2009 04:02 PM

المشاركة الأصلية كتبت بواسطة Dr Zezo

انا هأقول لحضرتك حاجة

قيادة السيدات مثل قيادة الرجال

زي مادول فيهم الكويس و الوحش الرجالة برضة زيهم

بس يمكن احنا اللي بنتلكك لهم

و الموضوع ده يفتح الحرب من جديد
لانه وجهات نظر البعض تثير حفيظة الاخر

لا حرب ولا حاجه

**adhamsabry51** · 08-02-2009 04:09 PM

بص يا باشا انا في ناس اقدر اميزهم من سواقتهم بالذات اثنين:
السيدات تلاقيها وقفت في اي حته و ماشيه من حاره لحاره من غير اشاره و لا حتي تبص جنبها و لا ليها دعوه بيك اصلا
و التاني ملاكي القاهره و الجيزه بصراحة و انا اسف جدا و الله يا جماعة اني بقول كده بقيت بكره الصيف منهم تلاقي اغلبهم سواقه سيئة فعلا يزنق عليك او عايز ياخد غرزه ز كمان منور العالي علشان يضايقك و توسعله و كده بس مش معني كده ان كل الستات بتسوق وحش او كل الناس في القاهره بتسوق وحش

**king_de_egypt** · 08-02-2009 04:14 PM

يا معلم لو طلعت واحده سايقه جمبى انا بجرى فى اى حته تانيه عشان هما مبيبقوش وخدين بالهم من اى حاجه غير اللى قدامهم اللى جمبهم هما اللى يحاسبو اصلى حصلى مرتين العربيه تبقى واقفه و واحده ست تيجى تخبطها لحد ما جالى عقده من الستتا اللى بتسوق
انما فى بنات بقى ماشاء الله عليهم
مره كنت فى شارع النصر اللى فيه المنصه واحده بنت معاها فيات سينا
و عاوزه تشد مع اى حد :d بس شديت معاها بس بسم الله ماشاء الله عليها كانت عماله تاخد فى غرز ورايا ايه لووووووووووز

**blazer** · 08-02-2009 04:16 PM

المشاركة الأصلية كتبت بواسطة adhamsabry51

بص يا باشا انا في ناس اقدر اميزهم من سواقتهم بالذات اثنين:
السيدات تلاقيها وقفت في اي حته و ماشيه من حاره لحاره من غير اشاره و لا حتي تبص جنبها و لا ليها دعوه بيك اصلا
و التاني ملاكي القاهره و الجيزه بصراحة و انا اسف جدا و الله يا جماعة اني بقول كده بقيت بكره الصيف منهم تلاقي اغلبهم سواقه سيئة فعلا يزنق عليك او عايز ياخد غرزه ز كمان منور العالي علشان يضايقك و توسعله و كده بس مش معني كده ان كل الستات بتسوق وحش او كل الناس في القاهره بتسوق وحش

هو عموما القاهره بيبقى فيها ناس كتير مش من القاهره اصلا عشان العاصمه
بس مفيش 2 يختلفوا ان فى شباب كتير سواقتهم غرز و كلام من دا و ربنا يهدى

**adhamsabry51** · 08-02-2009 04:24 PM

فكرتوني بموقف حصل من حوالي اسبوعين كنت رايح مشوار كده بس كنت راكب تاكسي المهم جت واحد من جنبنا و بتزنق فقلت للسواق سيبها تعدي علشان انت متزعلش المهم الراجل ساابها تعدي عنها و بعدين و هي بتعدل نفسها راحت واخده جنب العربيه اللي قدامنا الشمال قلنا دلوقت تعدل انما اييييه و لا كأن حاجه حصلت و فضلت مكمله و خدت الجنب الشمال كله لغاية لرفرف شوية و كملت مشي عنها و راح الراجل محصلها و راح طاخخخخخخخ رمي عربيته عليها بوزلها الرفرف و الفانوس و هي نازله بتشهد الناس و بتقول معملتلوش حاجه

**SAMER_ENGINES** · 08-02-2009 04:32 PM

المشاركة الأصلية كتبت بواسطة Dr Zezo

انا هأقول لحضرتك حاجة

قيادة السيدات مثل قيادة الرجال

زي مادول فيهم الكويس و الوحش الرجالة برضة زيهم

بس يمكن احنا اللي بنتلكك لهم

و الموضوع ده يفتح الحرب من جديد
لانه وجهات نظر البعض تثير حفيظة الاخر

بالظبط كدة و بعدين بعض الستات تلاقيهم في منتهي الجرآة و بالذات علي الطرق السريعة و غرزة شمال و غرزة يمين مش كلهم مش بيعرفوا يسوقوا و برضه في رجالة بلية و خيبة في السواقة ده علي حسب.

**mesho** · 08-02-2009 04:34 PM

أنا المدام عندى بتسوق سواقة مثالية باحسدها عليها لكن ملهاش فى أى تحدى أو غرز والكلام ده وبصراحة ممكن أقول عليها القيادة الآمنة

إنما أنا اللى سواقتى خطرة وبتخانق مع الهوا

بخصوص الاستطلاع مش موافق على أىنقطة ، هم فيهم نسبة كبيرة خطر على الطريق لكن فيهم برضه كتير بيسوقوا كويس جدا