أرخص كمبيوتر في العالم تطرحه الهند بسعر 11 دولار

**elassar2010** · 08-02-2009 04:46 PM

قدمت الهند الكمبيوتر الدفتري المحمول الجديد تحت اسم "ساكاشات".

وذكرت وكالة أنباء الشرق الأوسط أن الجهاز الجديد لا يتجاوز سعره 500 روبية وهو مايعادل 11 دولاراً في محاولة لسد الفجوة الرقمية في البلاد بين الأغنياء والفقراء وفي إطار "مهمة التعليم الوطنية" الجديدة التي رصدت لها الحكومة الهندية 46 مليار روبيه.

وتعتبر الحكومة الهندية النموذج الأولي للكمبيوتر الدفتري "ساكاشات" وترجمته (أمام عينيك )، حجر الزاوية في برنامج تعليم إليكتروني طموح لربط 18 ألف كلية و400 جامعة في أنحاء الهند ، تشمل شبكة حواسب دفترية تمكن الطلبة من الوصول للمحاضرات والدورات والمساعدة المتخصصة من أي مكان في الهند ، حيث أعلن عدد من الناشرين موافقتهم على تحميل مقاطع من كتبهم الدراسية على النظام .

وقد قام بتصميم الحاسب الجديد علماء في معهد "فيلزر" للتكنولوجيا والمعهد الهندي للعلوم في بانجالور والمعهد الهندي للتكنولوجيا ، و يضم الجهاز ذاكرة سعتها 2 جيجا بايت ونظام اتصال لاسلكي .

ويعد هذا الجهاز الهندي هو الأرخص على الإطلاق حتى من جهاز الكمبيوتر الأخضر المعروف باسم "جهاز الأطفال" أو "اكس أو" الذي صممه خبراء في معهد ماساتشوستس للتكنولوجيا في الولايات المتحدة والذي يبلغ ثمنه 100 دولار.

المصدر: وكالة أنباء الشرق الأوسط

**CBR** · 08-02-2009 08:20 PM

ربنا يستر وميتبعش في السوق السوده الهنديه

زي ما بيبيعوا الحاجه عندنا في مصر ام الدنيا

بس ب 11 دولار ايه ده تستخدموه مرتين تلاته وشكرا

انا شفت الخبر موجود في الجريده

شكرا على النقل

**yehia** · 09-02-2009 01:12 AM

إلا صحيح... هو احنا نجحنا فى تصنيع أول قلم رصاص مصرى ... ولا لسة؟

**sleepyhammer** · 09-02-2009 07:56 AM

المشاركة الأصلية كتبت بواسطة yehia

إلا صحيح... هو احنا نجحنا فى تصنيع أول قلم رصاص مصرى ... ولا لسة؟

يااااااااااااااه انت متعرفش انهم خلصو الاستيكة بتعته وبدأوا فى اول سن في القلم....

حتى الهند بتصنع وتتقدم واحنا محلك سر بلد الاستهلاك

ربنا معااااااااااانا

**nagy** · 10-02-2009 02:09 PM

فعلا بلدنا بتتقدم بيهم:k32:

**lancerevolution** · 10-02-2009 02:23 PM

برافوا عليهم

**lancerevolution** · 10-02-2009 02:28 PM

المشاركة الأصلية كتبت بواسطة yehia

إلا صحيح... هو احنا نجحنا فى تصنيع أول قلم رصاص مصرى ... ولا لسة؟

أيوة القلم الى مبيكتبش و هو مقلوب دا

**Imhotep** · 10-02-2009 03:30 PM

المشاركة الأصلية كتبت بواسطة yehia

إلا صحيح... هو احنا نجحنا فى تصنيع أول قلم رصاص مصرى ... ولا لسة؟

ها ها ها ..... بتفكرنى لما من كام سنة اعلن المركز القومى للبحوث التوصل لانتاج او استيكة مصرية بالكامل، وساعتها اتهرى تريقة من امة لا اله الا الله.

**elassar2010** · 10-02-2009 05:25 PM

المشاركة الأصلية كتبت بواسطة mahora

ها ها ها ..... بتفكرنى لما من كام سنة اعلن المركز القومى للبحوث التوصل لانتاج او استيكة مصرية بالكامل، وساعتها اتهرى تريقة من امة لا اله الا الله.

وعلى فكرة لسة معملوش الاستيكة لحد دلوقتى!!!!!!

**mazagngi2010** · 15-02-2009 09:53 AM

استيكه ايه يااخوانا لو جبتم اى استك او مطاط او جلده الحقنه وحكيتها -لامؤاخذه- فى الكتابه الرصاص هتلاقيها اتشالت الكلام ده كان على ايام ابويا وشغاله الطريقه دى
بس ايه حكايه الهند ؟؟
داخله فى حوار ارخص عربيه -النانو- وارخص كمبيوتر
ربنا يكرمنا ونكون زيهم فى يوم
قبل مانسى انا شفت ابر بوابير -بتاعه كده بتسلك البوابير اللى بكباس علشان الافنديه اللى مش يعرفوها - وكانت بتتباع ب 15 قرش وبارز منها علامه مرسيدس ومكتوب صناعه مصريه فاخره
وبصراحه كتر خير الورش اللى تحت الارض دى على الاقل صنعت حاجه من اللاشىء

الموضوع: أرخص كمبيوتر في العالم تطرحه الهند بسعر 11 دولار

LinkBack

أدوات الموضوع

عرض

-

-

-

-

-

-

المواضيع المتشابهه

(فورد) هتبني مصنع بمليـــــــــــار دولار في الهند... وإحنا قاعدين!

إنطلاق أرخص سيارة في العالم في شوارع الهند

الهند تنتج أرخص سيارة في العالم

الكلمات الدلالية لهذا الموضوع

المفضلات

المفضلات

ضوابط المشاركة