لا تتعاملو مع الجمعيه المصريه للتامين
اعلم ان كلامى ليس جديد عليكم ولكن بعد وقت طويل من التفكير والتفحيص والتمحيص حتى لا اكون (مفترى) اقول لكم وبكل صدق لا تقربو الجمعيه للتامين حتى اذا رشحها لكم وكيل السيارة كما فعل معى ابو غالى ومستعد اكتب 1000 سبب ولكنى لن اطيل عليكم منذ اسبوع نتيجه حادث ليس لي فيه يد على طريق الاتوستراد اصدمت سيارة نقل محمله بأنابيب بوتاجاز بعدد 3 سيارات كانت سيارتى هى الوسطى بينهم ذهبت الى التوكيل بعد عمل اشعار بالحادث استغرق منى ساعه ونصف بالتمام والكمال مابين الدور الخامس والسابع ودفع مبلغ 100 جنيه فى الشركه المذكورة (لانى مش عايز اقول اسمها تانى) وبعد اسبوع وصل الخبير ( على حد قولهم ) الى الوكيل وافاد سيادته بعدم تغير فانوس السيارة الامامى رغم كسر الاماكن اللى يتم تركيبه منها فى السيارة وايضا بعض الاجزاء الاخرى وعلل ذلك بانها ( ممكن تركب )ولو العميل (اللى هو انا عايز يغيرها) يتم دفع 50% من ثمنها (ازااااى معرفش) المهم طلبت رقمه سيادته من الشركه المذكورة وتم الاتصال وقال سيادته (مين اللى اداك الرقم) جاوبت الشركه فرد بكل احترام (خاللى اللى اداك الرقم يكلمنى) وقفل السكه فى وشي بكل زوق وادب طبعا اكيد حضراتكم حاسين باحساسى دلوقتى خصوصا انى مامشيتش بالعربيه اكتر من 1500 كيلو واساسا الحادثه يعلم الله انى كنت واقف زى بقيت الناس يعنى لا كنت باجرى ولا باخد غرزة وعلى فكرة انا ليا 2 اصدقائى هايغيرو الشركه دى ولو كل واحد قرأ الكلمتين دول قالهم لواحد بس وسحب التامين اللى هو اساسا مش تامين ولا حاجه الناس دى هاتعرف انهم مش جديرين بأننا نأتمنهم على فلوسنا ولو فكر شويه السيد الخبير قبل ما يقفل السكه فى وش الراجل اللى هو اساسا دافع له مرتبه مسبقا من التامين السنوى اكيد ما كنش عمل كدة المهم يا ريت تأمنو عند اى حد تانى علشان اساسا لو حصل حاجه لاقدر الله هاتدفعو وبعدين تحاسبوهم وانت والواسطه اللى معاك حسبي الله ونعم الوكيل .