تجربتي مع الرشاشات وناصر الكهربائي ومحمد عبده

**blockman** · 08-02-2009 05:52 PM

الحقيقة يا جماعة ان انا عربيتي كانت بتغيب في الدوارة وكانت بتعمل 140كم جوة البلد من غير تكييف في الصفيحة فقررت اني اغير الرشاشات وفعلا روحت لمحمد عبدة وقلتلوا هو كان قالي ان رشاشات الهيونداي هي الي بتظبطها بس لقيته بيقولي هنركب الرشاشات الكوري الاصلي قولتلوا ماشي انت ادري المهم ركبهم وانا خت العربية بقالي مغيرهم اسبوع بس الحقيقة استهلاك اد عن الاول يعني دلوقتي العربية بتعمل 120 في الصفيحة وكمان لقيت لمبة الشيك بتنور بعد ال130 فا مضطر اروحله تاني بس بجد محمد خبرة كبيرة جدا وحد فاهم اويوانا اصلا مش قلقلان عشان عارف انه حيقدر يظبطها
اما بقي ناصر الكهربائي بسم الله ما شاء الله علية
صلحلي العوامة وكان في قطع في الضفيرة صلحهولي والمارش كان بيعلق صلحهولي بردو وغيرلي نور التابلوه وكلوا بقي تمام الحمدلله

**ahmedsrs** · 08-02-2009 07:02 PM

متابع الموضوع ممكن تشرح ايه العيب الى فى العوامة

**abouzaid555** · 08-02-2009 11:17 PM

ياريت ياباشا تقول لنا ايه اللى حصل بعد كدة اخبار الرشاشات ايه

**tananybasha** · 08-02-2009 11:23 PM

و بكام العوامة بتتصلح
و فين ناصر ده اساساً

**moudy88** · 09-02-2009 03:13 AM

المشاركة الأصلية كتبت بواسطة blockman

العوامة كانت بتخرف يعني مثلا تفول العربية عداد البنزين يوصل للاخر وتمشي مثلا عشرين كيلو يوصل للنص وبعد كام كيلو كمان ينزل خالص واكن العربية مفيهاش بنزين بس فناصر الكهربائي عملاهالي بخمسين جنية بس مغيرش فيها حاجة هو صلحها وبقت تمام والعاد اتظبطت
ناصر جمب محمد عبدة ورقمه
0127981361

انا عندي نفس حكايه العداد دي بالضبط ....بس مش عارف ازاي اعرف اذا كانت عيب رشاشات ولا العدادات

**lol656** · 09-02-2009 03:30 AM

المشاركة الأصلية كتبت بواسطة moudy88

انا عندي نفس حكايه العداد دي بالضبط ....بس مش عارف ازاي اعرف اذا كانت عيب رشاشات ولا العدادات

العداد ملهوش علاقة بالرشاشات دي مشكلة الشريحة الالكترونية للي متصلة بالعوامة الكهربائي بينضفها

**moudy88** · 09-02-2009 04:27 AM

من البديهي طبعا ان العداد مالوش علاقه بالرشاشات ...انا قصدي ازاي اعرف ان ده عيب العدادات ولا عيبببببببببب الرشاشات....يعني العربيه بتستهلك بنزين فعلا ولا العداد بيخرف