فعلا معاك حق المستعل كلو كدة مفيش احلى من الزيرو بس مش على الاخ صاحب الموضوع متعرفش الظروف اية
لكن انا بتكلم عموما مفيش احلى من الزيرو حتى لو 128 زيرو :_Alshmokh08[1]:
عرض للطباعة
السلام عليكم ورحمة الله وبركاته ... بالنسبة لارتفاع الحرارة فى العربية ونقص الميه فى القربة خاصة بعد وضع المية الخضرا ... وده غالبا بيكون لاول مرة تحط فيها الميه الخضرا لان فيها مادة مذيبة للصدا وكيد دورة الميه مليانه عن اخرها صدا من الميه العادية وده ممكن بالتاكيد يكون اثر على طبات الدورة ودى بتكون على جانبى الموتور حضرتكك هتلاحظ انه بيسرب المية هى تمنها مش غالى لكن بتغلب فى تركيبها الصنايعية علشان مكانها
انا حصل معايا موقفين و المؤشر علا اكتر من النصف ,
*مرة بسبب تسرب مياه من الجانب الفبر للريداتير و المؤشر علا اكتر من النص و ركنت لغاية لما بردت و مشيت شوية شوية و عيني على المؤشر و الحمد لله غيرت الجنب الفير للريداتير ,
**و المرة الثانية لما باظت الوصلة الفبر الموجودة تحت الإنجكشن و المية إتصفت و المؤشر رفع كتير و ركنت على طول و إتصال بالميكانيكي و جاب الوصلة دي و جاللي و غيرها و الدنيا بقت تمام ,
عموماً انا حاسس إن المؤشر بيوصل للنص بسرعة و بعدين مش بيتحرك اكتر من كده إلا للشديد القوي .
ده عيبنا يا مصريين- الاسترخاص- انت شارى العربيه من واحد ما تعرفش كان بيصون العربيه ازاى اقله روح مركز صيانه محترم او مبكانيكى معروف وربط وشد شويه اساسيات - مش لصق بودره - !!!!!
الحمد لله عملت الجوان بس مش عارف هو ضرب من اية لحد دلوقتى الكل بيقولى العربية سخنت منك وانا بقول مفيش غير ان الواحد يمد ايدو فى الكبوت وهو سايق عشان يعرف درجة حرارة العربية طلما المؤشر مبيعلاش
يا ريت تراجع على دورة التبريد بالكامل و تغير أي حاجة تقلق منها ,
والله مش عارف بس هغير بكرة غطا الاربة عشان ملحقتش اغيرة النهاردة بس الميكانيكى قالى كل الموجود فى السوق مضروب الحقيقة مش عارف اجيب نوع اية واعمل اية فى دورة التبريد غير الغطا
على فكرة ياجماعة الاستاذ سمير ساعدنى كتير وجمد قلبى وادانى شوية نصايح بخصوص تغير الجوان خلانى واقف مع الميكانيكى فاهم هو بيعمل اية ومخلتهوش فتح فى اى حاجة ملهاش لزمة وعلى فكرة يا استاذ سمير انا غيرت سير الكاتينة وفلتر الهوا وهغير زيت بكرة ان شاء الله
على فكرة انا روحت لكذا ميكانيكى كلهم قالولى العربية دى سخنت منك وانا احلف لهم انه ماسخنتش منى والحقيقة خايف تعمل معايا كدة تانى وتسخن من غير ما احس والجوان يضرب تانى
على فكرة الميكانيكى كان عايز يشيل الثرموستات وقالى ممكن وجودها يعملك مشكلة واحنا داخلين على الصيف قولتلو لا سبها وربنا يستر0
صباح الخير ..
سيدي الفاضل ياريت تغير الأربة كلها بواحدة أستيراد من الحرفيين لأن الغطا لما بيبوظ في الغالب بيحلق سن الأربة لأنه بلاستيك و أسألني انا لأني غيرت الغطاء 4 مرات و في الأخر غيرت الأربة كلها بواحدة أستيراد من الحرفيين كده هاتشتري دماغك من موضوع نقص الميه و الحرارة ده
ثاني حاجة ياريت تغسل دورة التبريد كويس بمياه مقطرة الي أن تتأكد ان المياه اللي بتصفيها نظيفة و بعد كده تستخدم مياه خضراء أو حمراء
الأهم ... أوعي أوعي أوعي تسمع كلام أي حد يقولك شيل الثرموستات , ممكن تكشف عليه و تتاكد أنه شغال و لو مش شغال غيره بواحد جديد لأن من غيره هاتحتاج تحط أيدك في الكبوت و انت ماشي زي ماقولت
ياجماعة موضوع نقص المياه في الأربة أو عموما نقص السوائل (زيت موتور - زيت فرامل - زيت باور) مش لازم يعدي كده , أنا شخصيا بأكشف عليها يوميا قبل مادور العربية الصبح