ايه رأيكو ياجماعه عايزين نعمل موضوع (اللى هو ده)لملاك الالنترا الخليجى نتبادل فيه الخبرات والتجارب ونتعرف على بعض اكتر مين موافق؟اللى موافق يكتب مواصفات عربيته ومعاه من امتى وفى مشاكل ظهرت فيها ولا لا وبيعمل صياناته ازاى :36_1_37[1]:
عرض للطباعة
ايه رأيكو ياجماعه عايزين نعمل موضوع (اللى هو ده)لملاك الالنترا الخليجى نتبادل فيه الخبرات والتجارب ونتعرف على بعض اكتر مين موافق؟اللى موافق يكتب مواصفات عربيته ومعاه من امتى وفى مشاكل ظهرت فيها ولا لا وبيعمل صياناته ازاى :36_1_37[1]:
احييك عالفكرة الجامده دى يا شقيق
أنا معايا خليجي 2008 كاملة أتوماتيك ... ماشي بيها 8500 كم ... أكتر من ممتازة ... مشكلتي إني باشتغل في البحر الأحمر وعملت صيانة الألف عند المارينا للتجارة والإستيراد (وكيل هونداي) أول طريق النجدة من ش الحجاز 0100077373 / 0111673348 على الطريق الدائري في الغردقة ... تجربتي معاهم كالآتي:
1- ما فيش زحمة ويمكن مافيش إنتظار عادة
2- أسعار معقولة نسبيا
3- الخدمة متوسطة يعني لازم تتابعهم وتشوفهم بيعملوا كل المطلوب حسب جدول الصيانة والآ لأ! ... لأنهم أحيانا بيختصروا في الجدول (بيكروتوا)
4- بيقبلوا التعامل مع الخليجي ... ودي أهم نقطة بس مش عارف لما حايتزحموا بعد كده حايقبلوها والآ لأ!
من هنا ياريت إللي عارف أماكن أخرى على مستوى الجمهورية بتتعامل في الخليجي يفيدنا ويقول لنا مين ... وفين ... وميزاتهم وعيوبهم إيه!
مع خالص تحياتي
انا معايا النترا سعودي اتو اول فئة جبتها اول شهر 6 عاملين 21000 كيلو الحمد لله زي الفل مافيش اي مشاكل
معلش انا نسيت ااقول معايا ايه انا معايا النترا 2009 هاى لاين اوتوماتيك كامله ماعدا فتحه السقف لسه مرخصه النهارده وعامله 60 كيلو لغايه دلوقتى ويارب ماتظهرش مشاكل ولسه معرفش هاعمل صياناتها فين وربنا يسهل
يالا بقى فين باقى الناس
السلا عليكم
انا عاوزه اشترى النترا خليجى ممكن تفيدونى اجيب خليجى اى بلد افضل ؟
وتفيدونى عن اسعار المواصفات الاساسيه بالنسبه لى الاتيه :
(اتوماتيك - جنوط - abs+ebd -اتنين اير باج )
والتكييف لو بكر + المواصفات دى حا تكون بكام؟
والتكييف تاتش + المواصفات دى حا تكون بكام؟
ولو فيها فتحه سقف + كل المواصفات السابقه حا تكون بكام؟
وعاوزه اسم المعرض ورقم تليفونه لو سمحتم
وشكرررررررررررررررررررررر رر للجميع
شكرا يا جماعه على حسن اهتمامكوا ؟؟؟؟؟؟؟؟؟؟؟؟؟؟!!!!!!!!!!!!!!!!!
مافيش حد عنده دقائق يكتب لى اسعار ومعارض لبيع الالنترا الخليجى .
:mahf(5)::mahf(5)::mahf(5):
الخليجى اعتقد بتبدأ من 106 لغايه 125 الف حسب الاوبشن
وموضوع بلد ايه احسن مش هاتفرق
واللى فهمناه من حضرتك انك مش هاتشترى دلوقتى هاتشترى الصيف القادم فبالتالى الاسعار ممكن تختلف
وبالنسبه للمعارض هتلاقيهم ماليين ملحق السيارات بتاع الاهرام
ومن اكبر المستوردين فى مصر الشناوى وجابر عبد الشهيد وناس تانيه كتير ومقدرش ارشحلك حد لانى مااتعاملتش معاهم وحتى المعرض اللى انا جبت منهم مش اد كده وكدابين وسرقوا حاجه العربيه
بس للعلم الخليجى مش بينزل تكيف تتش خالص اللى بينزل تكيف تتش فى مصر الافنتى اللى جايه من كوريا او بلاد شرق اسيا عموما
لو فى اى استفسار اخر اتفضلى
شكرا لك على اهتمامك
انا بسأل لانى كنت حا اجيب الايام دى بس قراءت النهارده ان الاسعار فى التوكيل نزلت شويه وبقت 92مانيوال 99 اتوماتيك فأكيد الخليجى كمان حا ينزل .
ورد على كلام التكييف التاتش موجود فى الالنترا الى فى السعوديه وانا شفته . وان شاء الله اجيب الخليجى زى ما بتمنى 100 الف كل الكماليات وفتحف سقف وجنوط و اتوماتيش وفيها abs+ebd وتكييف تاتش كمان الى كان تمنها 125 الف.وربنا يسهل وشكرا
ربنا يوفقك
على فكرة مفش النتر فيها ebd د لو فيها بيبأة فيها abs و esp
واضح ان حضرتك عاوزه اعلى فئه فى الالنترا بكماليات عاليه
وصعب ويمكن من المستحيل تلاقيها فى مصر
لأنى كنت زيك بالظبط بدور على كماليات عاليه فى الالنترا وما لقيتش
وانا عن نفسى بقترح عليكى تجيبى هيونداى افانتى
وليا تقرير كامل عنها ممكن تعرفى من خلاله على العربيه ولو عاوزاها انا كاتب ازاى تجيبيها من كوريا
وده اللينك بتاع التقرير
http://www.nilemotors.net/Nile/showthread.php?t=59008
يا جماعه رابطه النترا الخليجى مافيش حد سأل اسعار الالنترا الخليجى بقت كام بعد تخفيضات غبور ؟
وخصوصا الهاى لاين الى فيها كل الكمليات
صراحه انا خايف اسأل
السلام عليكم . انا بس كنت عايز اسأل ز هيا الالنترا الخليجى الهاى لاين ب 100 الف فقط ودا سعر اكيد ؟
السلام عليكم
ممكن يا شباب حد يفيدنى فى النترا موديل 93 خليجى ويقول لى اشترى حساس درجة حرارة الهواء منين لانى اشتريت واحد استيراد طلع بايظ او لو حد يعرف بديل ينفع للموديل دة ومنين اجيبة وشكرا