سؤال فى I10

**sabertamer** · 08-02-2009 10:53 PM

انا لسه جايب العربيه على الزيرو و ليه سؤال
هل الموتور متلين و له محتاج لتلين فى حدود 1000كم
ممكن نصيحه
و لو حد عندوا نصيحه يقولى لحسن انا متلخبط خالص
و حالتى صعبة

**MEMES** · 08-02-2009 10:55 PM

هو انا لسه جايب جيتز ومكتوب فى الكاتلوج انها متلينه بس فى شويه احتياطات ضرورى تاخد بالك منها (والشركه بتنصح بكده)

**sabertamer** · 08-02-2009 11:14 PM

شكرا يا باشا
يعين مزوديش السرعه عن كام ؟

**Hussin** · 20-03-2009 07:24 PM

بص انا معايا برضه I10 ولما جبتها قالوا لي ان هي متلينة وانا سافرت بيها عالطول ومشيت لغاية 140 وشغلت التكييف كمان ومحصلش حاجة بس بعد كده عرفت ان الأضمن ان السرعة لا تزيد عن 90 الى 100 كيلو و التكييف ميشتغلش قبل 1000 كيلو على الأقل

**mezo_88** · 20-03-2009 07:29 PM

انا قالولى فى التوكيل لازم تلين عشان الزيت الى بيجى فى العربية خفيف و ده بيتحط عشان بيشيل شوائب الحديد الى ناتجة عن تصنيع الحديد بتاع الموتور .... نصيحة لازم تلين ..... خليك فى الامان

**mecho_392** · 20-03-2009 09:42 PM

الف مبروك عليك و ربنا يحفظهالك..
يا باشا العربية موتورها هادىء جدا و زى الفل حاول تحافظ عليها فى الاول علشان تتمتع بحلاوتها انا عن نفسى لينتها و مش بحرق بيها يعنى لو مشيت 80 مش وحش اوى.. و متقرصش على الغيارات يعنى انقل فى الحدود دى:
الاول لحد 15
التانى حتى 35 او اقل شويه
التالت حتى 55
الرابع حتى 75
الخامس متزودش عن 80-85 بالكتيير 90 و ده اللى انا عملته و العربية الحمد لله ناعمة جدا و عملت بيها 2330 كم و مش بحرق بيها علشان تفضل ناعمه كده.

**Donzi** · 22-03-2009 09:51 PM

يفضل تلين 1000 كم انا اول ما جبتها مشيت بيها شويه وبعدين سافرت بيها الساحل عشان الينها و اخلص و شغلت التكييف و انا راجعه كانت عملت تقريبا 850 كم و ناعمه و زي الفل.
والف مبروك عليك وربنا يباركلك فيها