رأى الشخصى سوبارو سيارة فاشلة و توكيلها نصاب

**KoDaK_Gti** · 10-02-2009 02:01 PM

هو الراجل مردش لسة بردو ولا ايه ؟؟

**mada6680** · 16-02-2009 04:26 AM

اقسم باللهيا جماعة ان ده الى حصل معايا بالظبط انى اشتريت عربية سوبارو امريزا هاتش باك من ابو غالى موديل 2008 اوتوماتيك وبعدها بى حوالى اربعة شهور بدات معايا الماساه
اولا انا من طنطا وكثير السفر الى الاسكندرية بحكم شغلى وفى اثناء سيرى بالعربية حسيت بان العربية زى ما تكون بتكن منى و متسحبس وصوتها بيعلى اوى ول ما اسيب رجلى من على البنزين وارجع ادوس تانى يحصل نفس المشكلة لدرجة انى وقفت ونزلت اشوف يمكن العربية سخنة ولا حاجة دا كان اقصى تصورى مع عربية بتاريخ سوبارو اعرق شركة فى مجال السيارات والراليات ودا الى دفعنى و كمان اكد اختيارى ليها المهم روحت التوكيل وبعد الكشف (حضرتك الجير بوكس عايز يتغير)طيب من ايه ليه يقولك عيوب استخدام طبعا هللت واتخانقت لحد ما غيرو الجير بوكس وانتهت المشكلة وكنت عامل زى ما اكون اتولدت من جديد
بعد كدة بحوالى 3 شهور مساعد شمال امامى جاب زيت وقررت القصة تانى وروحت التوكيل تانى يقولولى انت خت مطب جامد طبعا قولتلهم وحتى لو خت مطب جامد (ودا طبعا والله ما حصل بالمرة انا كنت بحسس على العربية)راسهم والف سيف كالمعتاد دا عيب استخدام وليس عيب صناعة عشان نغيرهولك ببلاش وغيروه بس المرادى دفعت تمنه
وبعد كدة يا جماعة بحوالى 15 يوم والله العظيم يا جماعة الكلام ده حصل وربنا هيحسبنى عليه لاقيت ان مؤشر الحرارة بيرتفع اعلى من معدله الطبيعى فى المشى عن المعتاد وطبعا اطمنت على المية لاقيت كل شئ تمام
مروحتش التوكيل المرادى روحت عرضتها للبيع وطبعا خسرت فيها خسارة مهولة
واشتريت تريوس والحمدلله ماشية معايا زى الفل وتوكيلها محترم
معا ان السوباريو والله كانت قوة وثبات وشكل جدميل بس انا كرهت العربية دى من المواقف بتعتها والحمد لله التريوس عوضتنى عنها

**mada6680** · 16-02-2009 04:29 AM

دا يا جماعة السبب يعنى انا لانايم وعايز اتغطى زى الاخ الى فوق ما بيقول انا محبيتش اتكلم عشان لو حد عنده سوبارو ميكرهش العربية جايز الى حصل معايا كان مجرد صدفة او العربية بتاعتى كانت 128 وكان مكتوب عليها سوبارو معا احترامى لى 128 طبعا

**Mustafa_Farouk** · 16-02-2009 03:24 PM

المشاركة الأصلية كتبت بواسطة mada6680

دا

السلام عليكم،

طبعاً الحمد الله على كل شيء وكويس ان محسلشي معاك حاجة زيادة عن كدة ودي بتحصل في أي عربية في الدنيا بس نصيبك جه مع دي اللي ممكن كان فيها عيوب صناعة والتوكيل تكاسل زي معظم التوكيلات اللي في مصر عن تغيرها تبع الضمان.
١٠٠٠٠ مبروك على التريوس وربنا يبارك ليك فيها إن شاء الله. ويا ريت تكتب تقرير كبير عنها عشان نستفيد منك شوية.

**body** · 16-02-2009 03:33 PM

على فكرة العربيات دى عاملة زى الواحد لما بيتجوز جديد ممكن يتجوز واحدة وشها حلو علية وربنا يفتحها فى وشة وممكن يتجوز واحدة وشها اسود عليها ويكرة الدنيا بسببها
دة اللى حصل معاك فى السوبارو
ودة اللى حصل معايا انا فى تويوتا بس مع الاحترام الكبير لسوبارو وحش الراليات
وانا بتاسف لحضرتك على اللى انا قولتة ليك فى مشاركتى الاولى لانى واحد من عشاق الوحش اليابانى سوبارو وكنت مفكر حضرتك بتقول كدة وخلاص عشان تعمل سمعة مش كويسة للعربية
على العموم الف الف مبروك على التريوس وربنا يباركلك فيها ويديك خيرها ويكفيك شرها وهيا عربية جميلة فعلاً

**ahmad7610** · 16-02-2009 04:12 PM

على فكرة أنا مكملتش كلامك .. ########################بس الامبريزا 2008 مفيهاش مؤشر حرارة ######################.. حسبى الله ونعم الوكيل وربنا حيحاسبك على كل كلمة بتكتبها .. قد تكون محق ..
-
عموما ياريت تبعتلى رقم موبايلك على الخاص وانا حكلمك .... انا من بنها يعنى جيران ...
-

المشاركة الأصلية كتبت بواسطة mada6680

اقسم باللهيا جماعة ان ده الى حصل معايا بالظبط انى اشتريت عربية سوبارو امريزا هاتش باك من ابو غالى موديل 2008 اوتوماتيك وبعدها بى حوالى اربعة شهور بدات معايا الماساه
اولا انا من طنطا وكثير السفر الى الاسكندرية بحكم شغلى وفى اثناء سيرى بالعربية حسيت بان العربية زى ما تكون بتكن منى و متسحبس وصوتها بيعلى اوى ول ما اسيب رجلى من على البنزين وارجع ادوس تانى يحصل نفس المشكلة لدرجة انى وقفت ونزلت اشوف يمكن العربية سخنة ولا حاجة دا كان اقصى تصورى مع عربية بتاريخ سوبارو اعرق شركة فى مجال السيارات والراليات ودا الى دفعنى و كمان اكد اختيارى ليها المهم روحت التوكيل وبعد الكشف (حضرتك الجير بوكس عايز يتغير)طيب من ايه ليه يقولك عيوب استخدام طبعا هللت واتخانقت لحد ما غيرو الجير بوكس وانتهت المشكلة وكنت عامل زى ما اكون اتولدت من جديد
بعد كدة بحوالى 3 شهور مساعد شمال امامى جاب زيت وقررت القصة تانى وروحت التوكيل تانى يقولولى انت خت مطب جامد طبعا قولتلهم وحتى لو خت مطب جامد (ودا طبعا والله ما حصل بالمرة انا كنت بحسس على العربية)راسهم والف سيف كالمعتاد دا عيب استخدام وليس عيب صناعة عشان نغيرهولك ببلاش وغيروه بس المرادى دفعت تمنه
وبعد كدة يا جماعة بحوالى 15 يوم والله العظيم يا جماعة الكلام ده حصل وربنا هيحسبنى عليه لاقيت ان مؤشر الحرارة بيرتفع اعلى من معدله الطبيعى فى المشى عن المعتاد وطبعا اطمنت على المية لاقيت كل شئ تمام
مروحتش التوكيل المرادى روحت عرضتها للبيع وطبعا خسرت فيها خسارة مهولة
واشتريت تريوس والحمدلله ماشية معايا زى الفل وتوكيلها محترم
معا ان السوباريو والله كانت قوة وثبات وشكل جدميل بس انا كرهت العربية دى من المواقف بتعتها والحمد لله التريوس عوضتنى عنها

**ahmad7610** · 16-02-2009 04:17 PM

سيبك من ان الامبريزا مفيهاش مؤشر للحرارة ....
-
ياريت تكتب اسم حضرتك بالكامل لو ماكنش يضايقك ده .. والناس هنا تقدر تعرف اللى حصل بالضبط فى الموضوع بتاع حضرتك والحمد لله فى ناس هنا كتير تقدر توصل للحقيقة من داخل التوكيل بسهولة ...
-
حتى علشان الكل يستفاد... ولا ايه ؟؟

**abou_ruqi** · 16-02-2009 04:41 PM

المشاركة الأصلية كتبت بواسطة ahmad7610

على فكرة أنا مكملتش كلامك .. ########################بس الامبريزا 2008 مفيهاش مؤشر حرارة ######################.. حسبى الله ونعم الوكيل وربنا حيحاسبك على كل كلمة بتكتبها .. قد تكون محق ..
-
عموما ياريت تبعتلى رقم موبايلك على الخاص وانا حكلمك .... انا من بنها يعنى جيران ...
-

آمال ايه اللي علي الشمال تحت البنزين ده ؟؟ (انا باسال بجد)

**Ahmed Hassan** · 16-02-2009 04:45 PM

المشاركة الأصلية كتبت بواسطة ahmad7610

على فكرة أنا مكملتش كلامك .. ########################بس الامبريزا 2008 مفيهاش مؤشر حرارة ######################.. حسبى الله ونعم الوكيل وربنا حيحاسبك على كل كلمة بتكتبها .. قد تكون محق ..
-
عموما ياريت تبعتلى رقم موبايلك على الخاص وانا حكلمك .... انا من بنها يعنى جيران ...
-

ما تظلمش الراجل يا احمد.. ممكن تكون عربيته مواصفات خاصه :) الا بالمناسبه... التيريوس فيها عداد حراره و لا لأ؟

**ahmad7610** · 16-02-2009 04:46 PM

وأنا حرد بجد ...:) ههه
-
ده حضرتك عداد حرارة ... بس دى صورة موديل 2008 WRX أو STi - (مش قادر أحدد Wrx ولا STi لان الفتيس مش باين 5 سرعات ولا 6 سرعات - بس هى غالبا wrx 5 سرعات 2000 سىسى)لكنها ليست ال 1500 اللى بتنزل فى العالم كله و فى مصر بلمبة حرارة بدل المؤشر و بتنور أزرق لما تكون العربية باردة الصبح و لو العربية سخنت لا قدر الله وده مش بيحصل .. بتنور أحمر وساعتها لازم تقف بالعربية ...
-
الا اذا كان صاحب الموضوع معاه STi ومقالش لنا ...:)
------------------------------------
-

المشاركة الأصلية كتبت بواسطة abou_ruqi

آمال ايه اللي علي الشمال تحت البنزين ده ؟؟ (انا باسال بجد)

الموضوع: رأى الشخصى سوبارو سيارة فاشلة و توكيلها نصاب

LinkBack

أدوات الموضوع

عرض

-

-

-

-

-

-

المواضيع المتشابهه

فضيحة سكودا و توكيلها

سيارة سوبارو ليجاسى

سيارة مسروقة ولا نصاب ؟؟؟

سيارة سوبارو 1982 للبيع او للبدل

تــأكد الخـــبـــر : سوبارو / تويوتا سيارة دفع خلفي بمواتير سوبارو بحلول عام 2011 !

الكلمات الدلالية لهذا الموضوع

المفضلات

المفضلات

ضوابط المشاركة