عطل اسطوانة الدبرياج ,بلية دينامو خشنة , و اصلاحات بالفتيس

السلام عليكم و رحمة الله و بركاته
من حوالي اسبوع كنت في مركز صيانة منصور اللي في رابعة

خدت عربيتي اللانوس1 هناك عشان اعمل لها صيانة , لأني شاريها بقى لي فترة بسيطة اوي

المهم
كنت عايز اسأل عن كام نقطة
اولا : الميكانيكي اللي هناك قال لي ان اسطوانة الدبرياج بايظة و ده اللي مسبب صوت موتور عالي و انا ماشي و مخلي السحب ضعيف ( ملحوظة , احيانا و انا بابدأ اتحرك بالعربية لو اديت بنزين قليل العربية بتترجرج شوية , و برده لما بادوس بنزين بعد ما اغير ) , كنت عايز اعرف هل الكلام بتاعه ده صحيح ولا لأ

ثانيا , قالوا لي ان بلية الدينامو خشنة و عاملة صوت عالي , و الكهربائي اللي هناك لما بص عليها قال لي الدينامو ده ممكن ما نعرفش نفكه و تلاقي نفسك محتاج تغيره, ايه رأيكم في الكلام ده ؟

النقطة التالتة , و معلش لو طولت عليكم , كنت من قبلها عارف ان فيه ترشيح زيت فتيس , و خليتهم غيروا جوان كارتيرة الزيت زي ما اتقال لي قبل كده , و حطوا زيت جديد
لكن بعد كده أداء الفتيس بقى وحش , بقى يقفش في الاول و التاني و المارش دير
:(

عموما انا مش خبير دايو

بس بالنسبه للنقطه الاولى دي اعراض اسطوانه بالاضافه

الى لما مثلا بليه الدبرياج تبوز بتسمع صوت عالي من العريبه وهي واقفه ولما بتدوس دبرياج الصوت بيروح

الاسطوانه برضو لما بتكون بايزه لمابتدوس على الدبرياج بتطلع صوت غريب شويه

النقطه التانيه عشان تغير بليه دينامو لازم الدينامو يتفك او حتت معينه منه ازاي بقى الباشا ده مش عارف يفك الدينامو وعايز يغيره..؟؟؟؟
يعني هو هيغيره ازاي وهو مش عارف يفكه هيكسر القديم ويلحم الجديد مثلا

النقطه التالته زيت الفتيس انت غيرته ب زيت ايه 90 ولا 140
ممكن تكون اعراض بوزان الاسطوانه كمان انها تقفش في الغيارات

حاجه من عندي بقى اذا كان المركز ده الي في الطيران تقريبا وجوا بنزينه فهو مركز تعبااان جداا والناس عموما في توكيل اوبل مبيفهموش اي حاجه في اي مكان

انت ممكن تروح عند ميكانيكي عادي جدا مش عبقري زمانه
ويزبطلك كل حاجه زي الفل والدايو عموما مش محتاج مراكز صيانه وتوكيل

الي مجنني موضوع الدينامو في حاجه غلط في الموضوع يعني بالذمه في مركز صيانه محترم يقول الكلام ده مش نعرف نفكه هنغيره

عموما ننتظر رد الاخوه الافاضل في المنتدى
وخصوصا الاخ ممدوح خبير دايو ماشاء الله

أبعد عن التوكيلات يا باشاااااااااااااااااااااا ا

الكلام صحيح
الفتيس بتعملة رجلاش و بيرجع تمام

اقتباس:

---

المشاركة الأصلية كتبت بواسطة حماده المصري

عموما انا مش خبير دايو

بس بالنسبه للنقطه الاولى دي اعراض اسطوانه

---

يعني كده الاسطوانة يبقى كلامهم صحيح

اقتباس:

---

المشاركة الأصلية كتبت بواسطة حماده المصري

بالاضافه
الى لما مثلا بليه الدبرياج تبوز بتسمع صوت عالي من العريبه وهي واقفه ولما بتدوس دبرياج الصوت بيروح
الاسطوانه برضو لما بتكون بايزه لمابتدوس على الدبرياج بتطلع صوت غريب شويه

---

ما سمعتش صوت غريب لما بادوس دبرياج , لكن صوت الموتور عموما عالي حتى و العربية واقفة

اقتباس:

---

المشاركة الأصلية كتبت بواسطة حماده المصري

النقطه التانيه عشان تغير بليه دينامو لازم الدينامو يتفك او حتت معينه منه ازاي بقى الباشا ده مش عارف يفك الدينامو وعايز يغيره..؟؟؟؟
يعني هو هيغيره ازاي وهو مش عارف يفكه هيكسر القديم ويلحم الجديد مثلا

---

هو اللي يقصده انه بعد ما يفك الدينامو من العربية , مش هايعرف يفككه نفسه و يطلع البلية منه , دي اللي انا ما فهمتش ازاي

اقتباس:

---

المشاركة الأصلية كتبت بواسطة حماده المصري

النقطه التالته زيت الفتيس انت غيرته ب زيت ايه 90 ولا 140
ممكن تكون اعراض بوزان الاسطوانه كمان انها تقفش في الغيارات

---

انا مش عارف هو غيره بزيت كام , لكن هو عرض عليا زيت تقريبا اللتر ب15 جنيه و التاني ب25 جنيه و انا قلت له حط الانضف

اقتباس:

---

المشاركة الأصلية كتبت بواسطة حماده المصري

حاجه من عندي بقى اذا كان المركز ده الي في الطيران تقريبا وجوا بنزينه فهو مركز تعبااان جداا والناس عموما في توكيل اوبل مبيفهموش اي حاجه في اي مكان
انت ممكن تروح عند ميكانيكي عادي جدا مش عبقري زمانه
ويزبطلك كل حاجه زي الفل والدايو عموما مش محتاج مراكز صيانه وتوكيل

---

شكرا يا باشا انك قلت لي دي , ده كان احساسي رغم اني ما عنديش خبرة :S_thum1[1]:

اقتباس:

---

المشاركة الأصلية كتبت بواسطة waleedrahmy

أبعد عن التوكيلات يا باشاااااااااااااااااااااا ا

---

طب حد يعرف ميكانيكي محترم في القاهرة ؟
الهرم بعيد عليا اوي
فيه واحد وصف لي مركز صيانة قدام توكيل ابو غالي اللي في طومان باي
حد يعرف كويس ولا لأ ؟
:U_thin1[1]:

اقتباس:

---

المشاركة الأصلية كتبت بواسطة Sherif Khalifa

الكلام صحيح
الفتيس بتعملة رجلاش و بيرجع تمام

---

حتى موضوع الدينامو ده ؟

ما شاء الله 53 مشاهدة
و اللي ردوا عليا 3 بس
(مع احترامي الكبير للسادة الافاضل اللي ردوا عليا اكيد)
موضوع الأرقام ده غريب اوي
:)

اقتباس:

---

المشاركة الأصلية كتبت بواسطة tlrsiap

ما شاء الله 53 مشاهدة
و اللي ردوا عليا 3 بس
(مع احترامي الكبير للسادة الافاضل اللي ردوا عليا اكيد)
موضوع الأرقام ده غريب اوي
:)

---

يا اخي الفاضل
الناس هنا بتشاهد كل المواضيع وفي منهم اللي بيجي يرد يلاقي نفس الكلام اللي هيقوله عضو اخر قاله وفي منهم اللي مبيرضاش يرد الا اذا كان متاكد من اللي هيقوله تماما ودي بقي الميزة اللي في الاعضاء هنا ان اللي بيقول معلومة بيقولها وهو متاكد منها ولو مش متاكد مبيقولهاش
ايهما الافضل لك ان ثلاثة يردو بمعلومة صادقة ولا خمسين يردو باي كلام

اقتباس:

---

المشاركة الأصلية كتبت بواسطة abf-nassar

يا اخي الفاضل
الناس هنا بتشاهد كل المواضيع وفي منهم اللي بيجي يرد يلاقي نفس الكلام اللي هيقوله عضو اخر قاله وفي منهم اللي مبيرضاش يرد الا اذا كان متاكد من اللي هيقوله تماما ودي بقي الميزة اللي في الاعضاء هنا ان اللي بيقول معلومة بيقولها وهو متاكد منها ولو مش متاكد مبيقولهاش
ايهما الافضل لك ان ثلاثة يردو بمعلومة صادقة ولا خمسين يردو باي كلام

---

طبعا الكلام ده.....فيه الكفايه............وحقول برضه وجهة نظرى للمهندس /تامر

واضح من كلامك بخصوص سحب العربيه والفتيس......أنه لازم تعمر الدبرياش(بليه وديسك وأسطوانه).....وبالنسبه لموضوع الدينامو.....أنت محتاج كهربائى فاهم.....وأهم حاجه مبروووك على العربيه

اقتباس:

---

المشاركة الأصلية كتبت بواسطة abf-nassar

يا اخي الفاضل
الناس هنا بتشاهد كل المواضيع وفي منهم اللي بيجي يرد يلاقي نفس الكلام اللي هيقوله عضو اخر قاله وفي منهم اللي مبيرضاش يرد الا اذا كان متاكد من اللي هيقوله تماما ودي بقي الميزة اللي في الاعضاء هنا ان اللي بيقول معلومة بيقولها وهو متاكد منها ولو مش متاكد مبيقولهاش
ايهما الافضل لك ان ثلاثة يردو بمعلومة صادقة ولا خمسين يردو باي كلام

---

أشكرك على توضيحك استاذي العزيز , و صدقني التساؤل كان من دافع دهشتي من الارقام مش اكتر , ما كانش فيه ذم لحد خالص
:)

اقتباس:

---

المشاركة الأصلية كتبت بواسطة samirayad

طبعا الكلام ده.....فيه الكفايه............وحقول برضه وجهة نظرى للمهندس /تامر

واضح من كلامك بخصوص سحب العربيه والفتيس......أنه لازم تعمر الدبرياش(بليه وديسك وأسطوانه).....وبالنسبه لموضوع الدينامو.....أنت محتاج كهربائى فاهم.....وأهم حاجه مبروووك على العربيه

---

أشكرك يا باشمهندس سمير , و الله يبارك فيك
:)

بلية و ديسك و اسطوانة , ربنا يستر
:)

طب هل استأذن لو حضرتك تعرف ميكانيكي محترم و كهربائي محترم في مربع القاهرة ؟
انا ساكن في غمرة و فيصل بعيد عليا اوي

اعتقد ال 3 ردود كان فيهم المفيد و الكلام متشابه بين الناس فالنتيجة واحدة
الموضوع استخلاص نتيجة مش تجميع اكبر عدد من الردود

اقتباس:

---

المشاركة الأصلية كتبت بواسطة Sherif Khalifa

اعتقد ال 3 ردود كان فيهم المفيد و الكلام متشابه بين الناس فالنتيجة واحدة
الموضوع استخلاص نتيجة مش تجميع اكبر عدد من الردود

---

مش اوي كده
لحد دلوقت نقطة الدينامو دي اللي اتقال فيها ان الموضوع محتاج كهربائي محترم , لكن ماحدش قال صادفته قبل كده ولا لأ , حتى كنت باسأل عن لو حد يعرف كهربائي محترم في القاهرة نفسها مش الجيزة

بالمناسبة , لو انت اللي في بالي فاحنا ممكن نكون خدنا كورس MPLS مع بعض من حوالي سنة و نص

دا انت طلعت زومول

اة انا كنت فى synergy
باخد MPLS مع محمد السيد و بشتغل فى te-data

[QUOTE=tlrsiap;648521]مش اوي كده
لحد دلوقت نقطة الدينامو دي اللي اتقال فيها ان الموضوع محتاج كهربائي محترم , لكن ماحدش قال صادفته قبل كده ولا لأ , حتى كنت باسأل عن لو حد يعرف كهربائي محترم في القاهرة نفسها مش الجيزة


QUOTE]

الكهربائي المحترم اللي اعرفة في ميدان ابن الحكم بحلمية الزيتون اسمه الحاج كمال وورشتة في اول الشارع الجانبي الملاصق لسور نادي 6 اكتوبر للقوات المسلحة

اقتباس:

---

المشاركة الأصلية كتبت بواسطة Sherif Khalifa

دا انت طلعت زومول

اة انا كنت فى synergy
باخد MPLS مع محمد السيد و بشتغل فى te-data

---

كان اسمه احمد سيد
انا عرفتك من الصورة اللي كنت بتحطها هنا بس ما كنتش متأكد , و اتأكدت لما قلت اسمك قصاد نشار
:)

[QUOTE=abf-nassar;648578]

اقتباس:

---

المشاركة الأصلية كتبت بواسطة tlrsiap

مش اوي كده
لحد دلوقت نقطة الدينامو دي اللي اتقال فيها ان الموضوع محتاج كهربائي محترم , لكن ماحدش قال صادفته قبل كده ولا لأ , حتى كنت باسأل عن لو حد يعرف كهربائي محترم في القاهرة نفسها مش الجيزة


QUOTE]

الكهربائي المحترم اللي اعرفة في ميدان ابن الحكم بحلمية الزيتون اسمه الحاج كمال وورشتة في اول الشارع الجانبي الملاصق لسور نادي 6 اكتوبر للقوات المسلحة

---

اشكرك جدا
هاحاول اعدي عليه ان شاء الله
متشكر كمان مرة
:)