ياريت يا جماعة حد يكون جرب يركب عربية أنجكشن شغالة ببنزين80 أو غاز طبيعي يقولنا أيه تأثيرهم علي العربية من ناحية الأداء والموتور بمعني أدق أيه مدي تأثيرهم عالعربيات الانجكشن زي اللانوس مثلا
وشكرا لمشاراكاتكم مقدما
ياريت يا جماعة حد يكون جرب يركب عربية أنجكشن شغالة ببنزين80 أو غاز طبيعي يقولنا أيه تأثيرهم علي العربية من ناحية الأداء والموتور بمعني أدق أيه مدي تأثيرهم عالعربيات الانجكشن زي اللانوس مثلا
وشكرا لمشاراكاتكم مقدما
بص يا باشا انا معايا عربيه انجيكشن و الكتالوج بيقول لازم احط 92
و طبعا البنزين مغشوش تمام ففي تصقيف لما احط البنزين 90 و 92
بس علي حسب البنزينه ساعات و دي قليله جدا متصقفش عشان انا في بورسعيد و البنزينات شويه تعبانه
اخر ما زهقت قررت احط 80 بس مش هفول 80 طبعا
كل 100 كيلو متر بفول مره 80 و مره 90
التأثير الملحوظ :
عند الكبس لا توجد سرعه استجابه للماكنه يعني لو ضغطت بنزين فجأه عشان اجيب سرعه بيبقي صوت تصقيف فظيع و كمان مفيش اي استجابه للسرعه
لازم اشعر بنزين يعني سنه سنه كده علي دواسه البنزين لغايه ما تجيب السرعه اللي انا عاوزه وممكن تتغلب علي كده انك تشبع النقله علي الاخر يعني متنقلش من الاول اللي لما يكون خلاص جاب اخره و الار بي ام خلاص علي ال3 و هاكذا مع جميع النقلات
و علي فكره الاستهلاك في 80 تخيل بقي اقل من 92 مش عارف ازاي
علي الرغم من انك اديتها بنزين مش بتاعها مفروض تستهلك بنزين اكتر ولكن العكس هوا اللي حصل معايا
ثانيا علي الطريق اخر خنقه اول مره حطيت نص التانك 80 و النص 90 و طلعت علي الطريق
عشان اجيب 100 خلاص كنت بموت و طبعا لو فيه خنقه علي الطريق و بعدين عاوز تجيب سرعه بتلاقي العربيه بتموت بس اول لما تجيب سرعه خلاص بقي تلاقيها بتوصل 140 عادي جدا بس المشكله وقت التجميع بيبقي كبير شويه غير بقي الناس اللي ماشيه وراك علي الطريق نور و كلاكسات و يقولو بقي ايه الحمار اللي ماشي علي الطريق دا
بس هما ميعرفوش اللي فيها
دي تجربتي مع 80 علي فكره لسه بحط 80 علي 90 جوا البلد عشان الواحد بيمش ثواني و يقف دقايق فموضوع التجميع جوا البلد سهل لكن علي الطريق صعب شويه
خد بالك من التصقيف عشان متجبش اجل المحرك اول لما تحس بالتصقيف خف رجلك من علي الدواسه و ارجع دوس تاني
بالتوفيق
شكرا يا باشا علي ردك وشرحك الوافي وهاقولك برده علي شوية معلومات كدة عن البنزين ال80 , بص بالنسبة لموضوع التصقيف ممكن الميكانيكي يوطيلك كهربة العربية شوية هاتبقي ممتازة مع واحد زميلي لادا وشغالة تمام وبالنسبة لمعدل أستهلاك ال80 بقي ده اللي عاجبني فيه جدا لأنه مبيخلصش بسرعة زي ال90 لأن نسبة المواد الطيارة فيه أقل وبيني وبينك ده اللي خنقني من ال90 باحس أني باحط سبرتو بيخلص بسرعة جدا مع أن العربية مظبوطة تمام , بس انا اللي خايف منه التأثير الضار للبنزين ال80 عالموتور علي المدي الطويل وكذلك علي باقي الاجزاء الميكانيكية للعربية زي طلمبة البنزين والرشاشات ... الخ , بس بصراحة في فرق سعر كبير يستاهل ان الواحد يحسبها صح وخصوصا لو مشاويرك كتير
ياريت باقي الاعضاء يشاركونا برأيهم ويقولولنا رأيهم في الغاز برده وشكرا كتير ياkemks
http://www.nilemotors.net/Nile/showthread.php?t=16758
مع كامل الشكر لكاتب الموضوع راجع الموضوع ده يا فاستر و انتا تعرف ينفع ولا لا و ان كان ينفع يبقي ازاي و عموما الموضوع بيعتمد انتا معاك عربية نوعها ايه
شكرا جزيلا يا ereny وجزاك الله خيرا
وباعتذر لتكرار الموضوع
كل عربية ليها نسبة انضغاط كبس الموتور موصى بها من الصانع راجع الموضوع المشار اليه
طيب وياريت أعرف رأيكم عن تحويل السيارة للعمل بالغاز الطبيعي أيه ممكن تكون عيوبه؟
http://www.nilemotors.net/Nile/showthread.php?t=47732
راجع الموضوع ده :N_no[1]: