سيارة بيجو 305 سنة 79 حالة جيدة جدا عفشة ممتازة 5 كوتش جديد بطارية جافة جديدة حالة الصالون ممتازة كاسيت اصلى السعر 20 الف جنية
عرض للطباعة
سيارة بيجو 305 سنة 79 حالة جيدة جدا عفشة ممتازة 5 كوتش جديد بطارية جافة جديدة حالة الصالون ممتازة كاسيت اصلى السعر 20 الف جنية
20 الف لا تعليق
يا جماعه فوقو بقى اسعار ايه دى اللى بتتكلموعليها حاجه تفطس من الضحك والله
انا بدخل اشوف اعلان البيع عشان اضحك عشان الناس اللى لسه نايمه فى ميه البطيخ :C_laugh[1]::C_laugh[1]::C_laugh[1]:
يا عم دى موديل 79 و كمان بيجو 305 يعنى قطع غيااااار نار و تقللى 20000 ج هههههههههههههههدى كبيرها اوى 12000 جنيه لما تقول بابا و ماما
فعلا العربيه سعرها فى حدود 11 الف جنيه !
العربية دى سعرها ياجماعه من 13لحد 15و فعلا انا بايع لواحد صاحبى و احده ب 14من يومين نفس الموديل و حالتها ممتازة
علي فكرة البيجو 305 مش وحشة يا جماعة عربية كويسة بالنسبة لسعرها وفي منها في تكيف وباور وزجاج كهرباء وحسب حالتها واذا كان فيا تظبيت
ماتحاولشى الموضوع اساسا موش ان العربيه وحشه الموضوع عرض وطلب والعربيه دى ممتازه لكن المواطن المصرى موش بيطلبها عشان معظم الشعب المصرى موش قدها للاسباب الاتيه
- قطع غيار غاليه ( المواطن المصرى مايهموش القطعه بتعمر معاه اد ايه المهم هيدفع فيها كام النهارده )
- بعض قطع الغيار صعب يلاقيها ( المواطن المصرى موش عايز يتعب نفسه وعايز يلاقى قطع الغيار عند البقال )
-موش اى ميكانيكى يفهم فيها ويعرف يصلحها ( وبالتالى تلاقى ميكانيكيه كتير مايشكروش فيها عشان هيى صعبه عليهم ولو جبتها يبقى موش هيسترزقوا منك وهتروح للى بيفهم فيها )
وفى النهايه اقولك ان العربيه معايا من 25 سنه ومرتاح فيها جدا وما افكرشى ابيعها لانها احسن واوسع وانضف بمراحل من عربيات كتير على الزيرو مثل الشاهين واللادا ومايهمنيش سعرها فى السوق كام لكن يهمنى انها بتغنينى النهارده عن انى اجيب عربيه زيرو تقفيل مصرى وادوخ بيها السبع دوخات