معلش احنا مغلسين عليك شوية بس ايه رايك في العربية نيسان لان اخويا مصمم عليها وقلتله حشوفلك اعضاء المنتدي
عرض للطباعة
معلش احنا مغلسين عليك شوية بس ايه رايك في العربية نيسان لان اخويا مصمم عليها وقلتله حشوفلك اعضاء المنتدي
ياريس...دا أنت أخ /فاضل....والعربيه النيسان ممتازه بكل المقاييس.......ومعمره مع الأستعمال الجيد......بس طبعا يفضل دايما فى السيارات ذات قطع الغيار العاليه فى الثمن عدم الشراء الا للجديد من هذه الأنواع......لأن المستعمل منها..بيبقى فيه مقالب كتير(على أساس صاحبها بيكون خلص عليها)....وعاوز يتخلص منها.....دى وجهة نظر........وبعدين ياعم : ماتقول لأخيك وأخى الفاضل.... ان أحننا عاوزين الناس الحلوه دى كلها معانا فى عائلة الدايو
اولا اسأل الله ان يهديه للخير
ثانيا انتا عملت الخير فلا خاب من استشار
ثالثا احنا تحت امرك
رابعا انا معايا العربيه لسه ماعملتش 10,000كم
بس والله ماندمت على اختيارى العربيه بجد محترمه بص يا اخويا عربيه يابانى
عاليه عن الأرض انا كنت محمل فيها من ورا 3 من الحجم التقيل وواحد ادام من نفس العينه وانا مركب عتب فيبر للعربيه زى الى بينزل مع الانسر واكلت بيها مطبات ووالله ما لمست الأرض
توكيل اكتر من محترم انا روحت السبع ويونايتد
كل مره بروح الاقى التوكيل بيتصل بيه بعد يومين يساألنى العربيه عامله معك ايه بعد الصيانه مره اشتكيت للسبع ان فيه مشكله عندى بعد الصيانه والله اعدوا يتأسفولى ويستسمحونى انى ارجعلهم علشان يعملوا العربيه ولما رجعتلهم كان هاين عليهم يشيلونى من على الأرض شيل وانا مشكلتى ان دمعتى قريبه فا من المعامله الكويسه بتاعتهم كنت هاعيط
وبعد ماتروح توكيل الصيانه تلاقى شركة نيسان الأم فى مصر بيتصلوا بيك ويسألوك على مستوى الخدمه فى التوكيل واسلوب المعامله
انا ماسمعتش عن احترام زى دا فى مصر فا دى حاجه تطمنك
انتا هاتسمع انتقادات كتيره للعربيه من عيوب تقفيل ووووووووووووووووو
كلها حوارات وادعاءات ما انزل الله بها من سلطان الى بينتقد العربيه بينسى انه بيتكلم عن عربيه يابانى بتوكيل محترم بسعر 86000جم للمانيوال
يعنى مش بربع مليون ولا حاجه اقرب عربيه يابانى مثلا مانيوال هيه الانسر الفاضيه ب 104000 وكمان مافيهاش ايرباج فراملها عاديه مش ABS بل ان الصنى فيها ايرباج للسائق وثباتها اعلى من الانسر وعزلها افضل بكتيير من الانسر وكوتشها بريدجيستون افضل من الى نازل مع الانسر
نيجى لنفس السعر تقريبا نلاقى ان اقرب حاجه الكيا السيراتو ودى كمان اغلى من الصنى وعربيه كورى وصاجها والله ورق
الأوبترا بتاعت منى زكى برده كوري وغووول بنزين انا معايا عربيتى مانيوال بتعمل على الطوالى بسرعة 130كم|س بتعمل 250كم /صفيحه
عندك الجين 2 كل الناس بتشكر فيها بس مازال اقتناء عربيه ليس لها تاريخ وغير واسعة الأنتشار مغامره غير محسوبه
وفى النهايه انا اسف انى طولت عليك :36_1_37[1]:
بس انا حبيت اخدم واستعن بالله ودى وجهة نظرى الى محتمل انها تكون غلط
وربنا يهديك للى فيه الخير
وابقى بلغنا بأخر الأخبار علشان نباركلك
وربنا يباركلك مقدما
عاليه عن الأرض انا كنت محمل فيها من ورا 3 من الحجم التقيل وواحد ادام من نفس العينه وانا مركب عتب فيبر للعربيه زى الى بينزل مع الانسر واكلت بيها مطبات ووالله ما لمست الارض
اختلف معاك انا لما اكون سايق و معايا تلاتة صحابى من الوزن العادى العربية بيحك من تحت مع انى مش مركب عتب ولا حاجة
المستشار مؤتمن
انا والله بقول الى حصل
ماقلت الا صدقا ولم انطق الا حقا
انا لو ضليت حد فى موضوع مهم زى دا اكيد ربنا هايرزقنى بال يضلنى ضلال اكبر فى موضوع اهم
والله على ما اقول وكيل
وانا برده مصدق حضرتك فى الى انتا بتقوله
زى ما فيه ناس بيقولوا ان عربياتهم مابتعملش 170كم فى الصفيحه فى ناس بيقولوا ان عربياتهم بتعمل 330كم
:U_thin1[1]: والأتنين صادقين فى كلامهم
والله المستعان
المستشار مؤتمن
انا والله بقول الى حصل
ماقلت الا صدقا ولم انطق الا حقا
انا لو ضليت حد فى موضوع مهم زى دا اكيد ربنا هايرزقنى بال يضلنى ضلال اكبر فى موضوع اهم
والله على ما اقول وكيل
وانا برده مصدق حضرتك فى الى انتا بتقوله
زى ما فيه ناس بيقولوا ان عربياتهم مابتعملش 170كم فى الصفيحه فى ناس بيقولوا ان عربياتهم بتعمل 330كم
:U_thin1[1]: والأتنين صادقين فى كلامهم
والله المستعان
طب العفشة عاملة ايه معاك احنا كانت شركتنا عندها موديل 2008 و كانت العفشة صعبة جدا و كانت بتحج فى الارض فهل المشاكل دي اتحلت فى 2009 ارجو الافادة للا اهمية جدا وجزاكم الله خيرا
السلام عليكم ورحمة الله و بركاته
احب اقول رايى فى موضوع المطبات
اولا انا بسواق بس من حوالى كام شهر بس حوالى 7شهور بس
ثانيا اخويا الله يكرمه و يباركله كان راكب معايا و كنت انا و هو ومراته و اكلت مطب مش عالى بس حكت منى العربية قالى لما تيجى على المطب خده المطب على اقل من مهلك (طبعا العربية مانيوال يعنى فى احتمال انها تبطل على المطب لو مكنتش شغال مظبوط على الدواسات انما لو اتوماتيك عمرها ما هتبطل ابدا)نرجع تانى للتفسير انك بتاخد المطب بالراحة جدا ليه ده عشان المساعدين بتاعت العربية بتكون عليها تحميل العربية بس و ليس تحميل العربية+الضغط اللى بيجى للعربية نتيجة الكاوتش الامامى لما اكلت المطب بسرعه عالية نسبيا بالتالى بيكون المساعد مظبوط و مبيكونش فيه اى تاثير على العربية من تحت لانك ماشى و العربي مرفوعه عن الارض
ده والله اعلم
اسف على الاطالة
أخوكم / أحمد
السلام عليكم ورحمة الله و بركاته
احب اقول رايى فى موضوع المطبات
اولا انا بسواق بس من حوالى كام شهر بس حوالى 7شهور بس يعنى انا مش محترف
ثانيا اخويا الله يكرمه و يباركله كان راكب معايا و كنت انا و هو ومراته و اكلت مطب مش عالى بس حكت منى العربية قالى لما تيجى على المطب خده المطب على اقل من مهلك (طبعا العربية مانيوال يعنى فى احتمال انها تبطل على المطب لو مكنتش شغال مظبوط على الدواسات انما لو اتوماتيك عمرها ما هتبطل ابدا)نرجع تانى للتفسير انك بتاخد المطب بالراحة جدا ليه ده عشان المساعدين بتاعت العربية بتكون عليها تحميل العربية بس و ليس تحميل العربية+الضغط اللى بيجى للعربية نتيجة الكاوتش الامامى لما اكلت المطب بسرعه عالية نسبيا بالتالى بيكون المساعد مظبوط و مبيكونش فيه اى تاثير على العربية من تحت لانك ماشى و العربي مرفوعه عن الارض
ده والله اعلم
اسف على الاطالة
أخوكم / أحمد
لا الحمد لله العفشه ممتازه
وخاصة بعد ال10,000كم الأولى
العربيه مو 2009 الشكل القديم ركبولها المساعدين الرياضى زى العربيه السوبر والعربيات دى الى رقم الشاسيه بتاعها اكبر من 19,000
الشكل الجديد نازل فيه عفشه رياضيه وفرامل مانعه للأنزلاق وحبشتكانات كتيره
ربنا يهدينا للى فيه الخير
وانا تحت امرك فى اى استفسار